Սքիաթոս

Սքիաթոս
Կղզի
	Սքիաթոս
	Σκιάθος
	Սքիաթոս
Երկիր	Յունաստան
Շրջան	[[Սփորատես, Էգէական ծով]]
Տարածութիւն	49,898 քմ²
ԲԾՄ	433 մեթր
Կը գտնուի ափին	Էգէական Ծով
Ժամային գօտի	UTC 2 եւ UTC 3։00
Փոստային ցուցանիշ	37002
Պաշտօնական կայքէջ	skiathos.gov.gr

Սքաթոս (յուն․՝ Σκιάθος), կանանչապատ կղզի,Սփորատես, Էգէական ծով, Յունաստան․ կը գտնուի Էվիային հիւսիս-արեւելքը։ Մայրաքաղաքն է Սքիաթոս։

Սքիաթոսի տարածութիւնն է 49,90 քլ²․ եւ բնակչութեան թիւը՝ 6 610 (2011-ի մարդահամար)։ Կը գտնուի ծովի մակերեսէն 433մ․ բարձրութեան վրայ։

Սքիաթոս ունի հարուստ բուսականութիւն եւ բազմաթիւ գեղեցիկ ծովափներ։ Նաեւ ունի երկու փոքր լիճեր՝ Այիոս Եորղոս եւ Սթրոֆիլիա։

Կղզիին նաւահանգիստին մուտքին կան փոքրիկ կղզիակներ․ Ցուկրիաքի, Ռեփի, Ցուկրիաս, Փրասոնիսօ, Թրուլոս, Մարակոս, Արքօ, Ասփրոնիսի։

Հակիրճ պատմական տուեալներ

Սքիաթոս բնակուած է նախապատմական շրջաններէն։ Առաջին բնակիչները հաւանաբար եղած ենՓելասղիները եւ ետքը կրետացիները։ Ք․Ա․480-ին, պարսիկ թագաւորին՝ Քսերսեսին նաւատորմիղը փոթորիկի կը հանդիպի եւ անոր նաւը կը նետուի Սքիաթոսին ժայռերուն վրայ։ Սքիաթոս եղած է Աթէնք քաղաք-պետութեան մնայուն դաշնակիցը։ Ք․Ա․338-ին Սքիաթոս կ՛անցնի Մակեդոնացիներուն ձեռքը։ Սակայն Ք․Ա․199-ին, հռոմէացիներուն ու մակեդոնացիներուն պատերազմներուն ժամանակ կը կործանուի։ 758-ին բիւզանդական նաւատորմիղը Սքիաթոս խարիսխ նետած էր։ Վենետիկեան եւ օսմանեան գերիշխանութիւններուն ընթացքին կղզին ծովահէններու դիրախ դարձած է։ ԺԹ․ դարասկիզբի Յունական ապստամբութեան ընթացքին կղզին մեծ ներդրում բերած է յոյներուն ծովուժին։ 1919-ին կղզին ապաստանած են Փոքր Ասիոյ արեւմտեան ափերուն Չեսմէ քաղաքէն յոյն գաղթականներ, որոնք Փոքր Ասիոյ աղէտէն ետք, կղզին մնայուն կը հաստատուին։

Յուշարձաններ եւ շէնքեր

Նաւահանգիստին մուտքին թերակղզիին վրայ կայ վենետիկեան բերդը՝ Պուրծի, որ այժմ Նաւային թանգարանն է։ Մայրաքաղաք Սքիաթոսին մէջ կը գտնուին՝

Յոյն յայտնի գրագէտ Ալեքսանտրոս Փափատիամանտիսին բնակարանը, ուր ան ծնած ու ապրած է․
Սուրբ Աստուածածնի եկեղեցին կամ Փանայիա Լիմնիա (1837)․
Սուրբ Երրորդութեան եկեղեցին․
Հին քրիստոնէական շրջանի (Դ․-Ե․ դար) մայր եկեղեցուոյ աւերակները։

Սքիաթոս Բերդին մէջ կան 9 եկեղեցիներ, իսկ կղզիին վրայ ցրուած կը գտնուին թիւով 50 եկեղեցիներ եւ մատուռներ։