Wonders of the Universe

Wonders of the Universe
Ժանր	վավերագրական ֆիլմ
Երկիր	Միացյալ Թագավորություն
Լեզու	անգլերեն
Պատմող	Բրայան Կոքս
Եթերաշրջանների քանակ	1
Սերիաների քանակ	4
Էկրաններին է	մարտի 6, 2011-ից մարտի 27, 2011-ը
Հեռուստաալիք	BBC Two
Նախորդ	Wonders of the Solar System (2010)
Հաջորդ	Wonders of Life (2013)
Պաշտոնական կայքէջ

Wonders of the Universe, վավերագրական ֆիլմը նկարահանվել է 2011 թ.։ Պատմողի դերում հանդես է եկել ֆիզիկոս Բրայան Կոքսը։ Առաջին անգամ հեռարձակվել է 2011 թ.-ի մարտի 6-ին BBC հեռուստաալիքով։ Ֆիլմը բաժանված է 4 մասի, որոնցից յուրաքանչյուրում Կոքսը հեռուստադիտողի համար բացահայտում է տիեզերքի հրաշքները։ Կարելի է ասել, որ այս ֆիլմը Կոքսի մեկ այլ ֆիլմի՝ Արեգակնային համակարգի հրաշքների, շարունակությունն է։

Սեզոններ

Ինչու՞ ենք մենք այստեղ։ Որտեղի՞ց ենք մենք գալիս։ Սրանք են ամենահարատև հարցերը։ Եվ դրանք են մարդկային բնության ամենաէակակն հարցերը, որոնց պատասխանները փնտրում ենք։ Մենք կարող ենք տեսնել արշալույսը, որը տեսել են մեր նախնիները հարյուրավոր տարիներ առաջ։ Բայց իրականում մեր պատմությունը սկսվել է ավելի շուտ, քան դա։ Մեր պատմությունը սկսվում է տիեզերքի պատմությամբ։ Այն սկսվեց է 13.7 միլիարդ տարի առաջ և այժմ այն պարունակում է ավելի քան հարյուր միլիարդ գալակտիկա, որոնցից յուրաքանչյուրը լցված է ավելի քան հարյուր միլիարդ աստղերով։ Այս ֆիլմի շրջանակում ես ցանկանում եմ պատմել դրա պատմությունը, քանի որ վերջին հաշվով մենք էլ ենք տիեզերքի մի մասը, այնպես որ նրա պատմությունը նաև մերն է։ - Պրոֆեսոր Բրայան Կոքսի բացման խոսքը

1. Ճակատագիր

Առաջին սեզոնում Կոքսը բացատրում է ժամանակի ընթացքի բնույթը, դրա հատկությունները։ Բացատրում է, թե ինչու է ժամանակը ընթանում մեկ ուղղությամբ։ Սեզոնի ընթացքում պրոֆեսոր Բրայանը բացատրում է նաև ջերմադինամիկայի երկրորդ օրենքը և ցույց տալիս դրա կիրառությունը ժամանակի ընթացքի վրա։

2. Աստղափոշի

Այս սեզոնում Կոքսը հեռուստադիտողի համար բացահայտում է, թե ինչից են կազմված տարբեր մարմինները։ Նա անդրադարձավ աստղում տեղի ունեցող գործընթացներին և աստղի էվոլյուցիային։

3. Անկում

Այստեղ խոսվում է տարբեր մոլորակների գրավիտացիոն դաշտերի, նեյտրոնային աստղերի մասին։ Ցույց է տրվում, թե որ մոլորակների գրավիտացիոն դաշտերն են նպաստավոր կյանքի գոյության համար։

4. Ավետաբերներ

Վերջին սեզոնում Բրայան Կոքսը պատմում է լույսի մասին։ Բացատրում է, թե ինչպես են կենդանի արարածների մոտ ձևավորվել լուսազգայուն օրգաններ՝ աչքեր, և ինչպես կլիներ աշխարհը առանց լույսի։ Խոսվում է նաև լույսի արագության մասին, որը ամենամեծն է տիեզերքում՝ 299 792 458 մ/վ։

Արտաքին հղումներ

• Wonders of the Universe Արխիվացված 2015-10-29 Wayback Machine Eden ալիքով
• Wonders of the Universe featured on NASA's Astronomy Picture of the Day