Micropia
Micropia | |
|---|---|
 | |
| Տեսակ | թանգարան |
| Երկիր |  Նիդերլանդներ |
| Տեղագրություն | Ամստերդամ |
| Վայր | Plantage? |
| Մասն է | Ամստերդամի կենդանաբանական այգի |
| Ղեկավարության նստավայր | Ամստերդամ, Նիդերլանդներ[1] |
| Հասցե | Plantage Kerklaan 38-40, 1018CZ AmsterdamPlantage Kerklaan? (38) և Artisplein? |
| Հիմնադրվել է | 2014 |
| Հիմնադիր | Հայկ Բալյան |
| Կայք | micropia.nl(նիդեր.)(անգլ.) |
 | |
 | |
Micropia, միկրոօրգանիզմների՝ աշխարհում առաջին թանգարանը[2], որը գտնվում է Ամստերդամի կենտրոնում (Նիդերլանդներ)։
Պատմություն
[խմբագրել | խմբագրել կոդը]Ոչ սովորական թանգարանի ստեղծման գաղափարը պատկանում է Հայկ Բալյանին (Haig Balian)[3]՝Artis արքայական կենդանաբանական այգու տնօրենին։ Միտքը իրականություն դարձնելու համար պահանջվել է 12 տարի[4]։
Թանգարանը բացվել է 2014 թվականի սեպտեմբերի 30-ին Նիդերլանդների թագուհու ներկայությամբ[5]։ Ստեղծման համար ծախսվել է 10 միլիոն եվրո[6]։ Թանգարանը գտնվում է 19-րդ դարի պատմական հաստատությունում՝ Ամստերդամի կենդանաբանական այգու անմիջական հարևանությամբ, որի մասն էլ հանդիսանում է[7]։
Գաղափար
[խմբագրել | խմբագրել կոդը]Ստեղծողներն իրենց դիմաց առաջադրանք էին դրել ցույց տալ բնության և մարդկային քաղաքակրթության սերտ փոխկապվածությունը[8]։ Նրանց կարծիքով՝ այդ փոխկապվածությունը անհնար է գիտակցել ամբողջությամբ՝ չունենալով պատկերացումներ միկրոաշխարհի մասին, որ գոյություն ունի մակրոաշխարհի կողքին։ Այդ իսկ պատճառով Micropia թանգարանը ձգտում է հասարակության լայն շերտերի ուշադրությունը հրավիրել միկրոկենսաբանության խնդիրների վրա և այցելուներին ցույց տալ, թե ինչն է նրանց առօրյա կյանքում շրջապատում, սակայն սովորաբար մնում է աչքից հեռու։ Թանգարանի առաքելությունը նաև այն է, որ երեխաների մոտ հետաքրքրություն արթնացնի միկրոկենսաբանության նկատմամբ և աջակցի նրանց, ովքեր կորոշեն հետագայում զբաղվել այդ գործով[8]։ Հեռանկարում թանգարանը պետք է դառնա մասնագետ միկրոկենսաբանների և այդ գիտությամբ հետաքրքրվողների հանդիպումների վայր։
Ցուցադրություն
[խմբագրել | խմբագրել կոդը]Micropia-ն ժամանակակից բարձր տեխնոլոգիական թանգարան է. շատ ցուցանմուշների հետ այցելուները կարող են փոխազդել ինտերակտիվ ռեժիմում։ Ցուցադրությունն ուղղված է այցելուների տարբեր տարիքային խմբերին. ամենափոքրերից (առաջարկվող տարիք՝ սկսած ութից) մինչև մեծահասակներ։
Թանգարանում կարելի է իմանալ միկրոօրգանիզմների տարատեսակների մասին, նրանց բնակեցման պայմանների և շրջակա միջավայրի և մարդու հետ փոխազդեցության մասին։ Բացի այդ՝ Micropia-ն ոչ միայն թանգարան է, այլև միկրոօրգանիզմների «կենդանաբանական այգի», քանի որ ցուցանմուշների մեծ մասը կենդանի են։ Հատուկ թանգարանի համար մշակվել է 3D-մանրադիտակ, որը թույլ է տալիս հետևել միկրոօրգանիզմների բազմանալուն[2]։
Ամեն ինչից զատ՝ այցելուները թանգարանում կարող են տեսնել Էբոլա վիրուսի խոշոր մոդելը, իմանալ, թե ինչպիսի բակտերիաներ և մանրէներ են բնակվում կենցաղային տարբեր իրերի վրա, դիտել միկրոօրգանիզմների մասնակցությունը տարատեսակ բնական գործընթացներում[2]։
Թանգարանի մասն է կազմում նաև լաբորատորիան, որտեղ թանգարանի համար միկրոօրգանիզմներ են աճեցվում, և որոնք գտնվում են մշտական հսկողության ներքո։ Այցելուները կարող են տեսնել այն ամենը, ինչ տեղի է ունենում լաբորատորիայում՝ թափանցիկ պատի միջով։ Մասնագետները, որ աշխատում են լաբորատորիայում, այցելություններ են կազմակերպում ցանկացողների համար։
Մեծահասակների համար տոմսն արժե 14 եվրո, երեխաների համար՝ 12 եվրո։
Պատկերասրահ
[խմբագրել | խմբագրել կոդը]- Թանգարանի ցուցասրահներում
-
-
-
-
-
-
.jpg)
Ծանոթագրություններ
[խմբագրել | խմբագրել կոդը]- ↑ https://whichmuseum.nl/museum/micropia-amsterdam-1256
- ↑ 2,0 2,1 2,2 «First Microbe 'Zoo' Opens, Avoid the Door Knob» (անգլերեն). news.discovery.com. Արխիվացված է օրիգինալից 2015 թ․ մայիսի 9-ին. Վերցված է 21.11.2014-ին.
- ↑ «Step inside the Micropia zoo to see the invisible world of microbes» (անգլերեն). euronews.com. Արխիվացված է օրիգինալից 2021 թ․ հուլիսի 30-ին. Վերցված է 21.11.2014-ին.
- ↑ «How Micropia came about». Արխիվացված է օրիգինալից 2016 թ․ օգոստոսի 27-ին. Վերցված է 2016 թ․ սեպտեմբերի 30-ին.
- ↑ «Koningin Máxima opent wereldprimeur Micropia» (հոլանդերեն). artis.nl. Արխիվացված է օրիգինալից 2014 թ․ նոյեմբերի 29-ին. Վերցված է 21.11.2014-ին.
- ↑ «Micropia: Finally a zoo for the micro-multitudes!» (անգլերեն). thestar.com.my. Վերցված է 21.11.2014-ին.
- ↑ «Architecture». Արխիվացված է օրիգինալից 2016 թ․ օգոստոսի 22-ին. Վերցված է 2016 թ․ սեպտեմբերի 30-ին.
- ↑ 8,0 8,1 «Mission & Vision». Արխիվացված է օրիգինալից 2016 թ․ օգոստոսի 27-ին. Վերցված է 2016 թ․ սեպտեմբերի 30-ին.
Արտաքին հղումներ
[խմբագրել | խմբագրել կոդը]- Micropia-ի պաշտոնական կայք (նիդեր.) (անգլ.)
- Միկրոօրգանիզմների աշխարհում առաջին կենդանաբանական այգին է բացվել Ամստերդամում
- Ed Yong (2015 թ․ սեպտեմբերի 4). «A Visit to Amsterdam's Microbe Museum» (անգլերեն). New Yorker. Վերցված է 2016 թ․ օգոստոսի 20-ին.
 | Վիքիպահեստն ունի նյութեր, որոնք վերաբերում են «Micropia» հոդվածին։ |
| ||||||
