Jump to content

Apple Pay

Վիքիպեդիայից՝ ազատ հանրագիտարանից
Apple Pay
Изображение логотипа
Տեսակվճարային համակարգ
Նախագծումը՝Էփլ
ՕՀiOS 8
Լույս տեսավ՝հոկտեմբերի 20, 2014
ՊլատֆորմwatchOS, iPadOS, iOS և մաքՕՍ
Մասն էայՖոն, Apple Watch, MacBook? և IPad
Կայքapple.com/apple-pay/​(անգլ.), apple.com/fr/apple-pay/​(ֆր.), apple.com/ca/fr/apple-pay/​(ֆր.), apple.com/sg/apple-pay/​(անգլ.) և apple.com/ae/apple-pay/​(անգլ.)
 Apple Pay Վիքիպահեստում

Apple Pay, Apple ընկերությանը պատկանող բջջային վճարման համակարգ։ Ներկայացված է եղել 2014 թվականի սեպտեմբերի 9-ին։ Apple Pay ծրագրի միջոցով iPhone 6-ի, iPhone 6 Plus-ի, iPhone 6s-ի iPhone 6s Plus-ի, iPhone 7-ի, iPhone 7 Plus-ի և Apple Watch-ի օգտատերերը կարող են վճարումները կատարել NFC տեխնոլոգիայով (մոտակա անշփում կապ)՝ Wallet և Touch ID ծրագրերի համակցությամբ։ Նաև հնարավոր է համացանցային վճարումների համար օգտագործումը[1]։

Apple Pay-ը համատեղ է ներկայում գոյություն ունեցող Visa PayWave, MasterCard PayPass և American Express ExpressPay անշփում կարդացողների հետ[2]։

2014 թվականի հոկտեմբերի 20-ից հասանելի է ԱՄՆ-ում[1][3]։ Համակարգի աջակցման մասին հայտարարել են որոշ ցանցերի առևտրական կետեր, օրինակ՝ Apple-ի, McDonald's-ի, Wendy's-ի. նաև հարյուրավոր բանկեր։

Համակարգ

[խմբագրել | խմբագրել կոդը]

Apple Pay-ը Apple-ի որոշ բջջային սարքերի թույլ է տալիս վճարումներ կատարել խանութներում և համացանցում։ Այն աշխատում է օգտատիրոջ բանկային քարտերը թվայնացնելով (Wallet հավելվածով կամ քարտերի պատկերմամբ)։ Հետո օգտատերը կարող է վճարումներ կատարել ոչ թե օգտագործելով մագնիտե դաշտը, այլ Apple-ի սարքից անլար կապը։ Վճարման հաստատումը կատարվում է Touch ID դակտիլոսկոպիկ ընկալող-հաղորդող սարքի միջոցով հեռախոսներով և կրկնակի հպումով ժամացույցներում։ Անշփում վճարումները աջակցում են՝ iPhone 6-ը, iPhone 6 Plus-ը, iPhone 6s-ը iPhone 6s Plus-ը, iPhone 7-ը, iPhone 7 Plus-ը և Apple Watch-ը։ Առանց NFC-ի հեռախոսներում, ինչպիսիք են iPhone 5-ը, iPhone 5c-ն և iPhone 5s-ը, Apple Pay-ը հնարավոր է օգտագործել Apple Watch-ի հետ, թեկուզ առանց Touch ID-ով հաստատման։ Apple Watch-ը ստուգում է, թե արդյոք ժամացույցը գտնվում է օգտատիրոջ ձեռքին և եթե ճիշտ է դուրս գալիս, ապա պահանջում է ներմուծել Apple Pay-ի PIN-կոդը։ Apple Pay-ը վաճառողին չի փոխանցում քարտի տվյալները, այլ օգտագործում է դինամիկ անվտանգության կոդ։ Սարքի կորստի դեպքում վճարման համակարգը կարող է անջատվել հեռացված Find My Phone ծրագրի միջոցով։

Արձակման ժամանակ՝ 2014 թվականի հոկտեմբերի վերջում, սպասվում էր վճարման համակարգի աջակցում ԱՄՆ-ի 220 հազար կետերում, այդ թվում՝ Macy's, Bloomingdales, Walgreens և Duane Reade, Target և Whole Foods խանութներում, Subway և McDonald's կաֆեներում և այլն։

Օնլայն վճարումները աջակցում են՝ Groupon-ը, Panera Bread-ը և Uber-ը։

Ամնե անգամ, երբ բանկերը որևէ վճարում են կատարում Apple Pay-ի միջոցով, Apple-ը հարկ է գանձում նրանցից։ ԱՄՆ-ում ամեն վճարման համար հարկը կազմում է 0, 15%[4]։ Օգտատերերից հարկ չի գանձվում։

Աշխարհագրություն

[խմբագրել | խմբագրել կոդը]
Մեկնարկի ամսաթիվ
Ամսաթիվ Երկիր
2014 թվականի հոկտեմբերի 20-ին {{{2}}} ԱՄՆ
2015 թվականի հուլիսի 14-ին {{{2}}} Մեծ Բրիտանիա
2015 թվականի նոյեմբերի 17-ին {{{2}}} Կանադա
2015 թվականի նոյեմբերի 19-ին {{{2}}} Ավստրալիա
2016 թվականի փետրվարի 18-ին {{{2}}} Չինաստան
2016 թվականի ապրիլի 19-ին {{{2}}} Սինգապուր[5]
2016 թվականի հուլիսի 7-ին {{{2}}} Շվեյցարիա[6][7]
2016 թվականի հուլիսի 9-ին {{{2}}} Ֆրանսիա[7][8]
2016 թվականի հուլիսի 20-ին {{{2}}} Հոնկոնգ[7][9]
2016 թվականի հոկտեմբերի 4-ին {{{2}}} Ռուսաստան (2016 թվականի հոկտեմբեր-նոյեմբերից, ի սկզբանե միայն MasterCard քարտերը, իսկ հետո նաև Visa[10][11])
2016 թվականի հոկտեմբերի 13-ին {{{2}}} Նոր Զելանդիա
2016 թվականի հոկտեմբերի 25-ին {{{2}}} Ճապոնիա[12]
2016 թվականի դեկտեմբերի 1-ին {{{2}}} Իսպանիա[13]
2017 թվականի մայիսի 17-ին {{{2}}} Իտալիա

Տես նաև

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 «Презентация новых iPad «Лента.ру» ведет онлайн-репортаж об анонсах гаджетов Apple в Купертино». Lenta.ru. 2014 թ․ հոկտեմբերի 16. Վերցված է 2014 թ․ հոկտեմբերի 16-ին. «21:12 Алина Гайнуллина Apple Pay можно использовать онлайн .. Платежная система Apple Pay заработает в США 20 октября»
  2. ↑ Turner, Adam (2014 թ․ սեպտեմբերի 10). «Apple Pay gives tap-and-go a much-needed shove». The Sydney Morning Herald.
  3. ↑ Apple Pay Set to Transform Mobile Payments Starting October 20 // Apple, 2014-10-16
  4. ↑ Fiveash, Kelly (2014 թ․ սեպտեմբերի 13). «Apple Pay is a tidy payday for Apple with 0.15% cut, sources say». The Register. Արխիվացված օրիգինալից 2014 թ․ սեպտեմբերի 13-ին. Վերցված է 2014 թ․ սեպտեմբերի 13-ին.
  5. ↑ Apple Pay comes to Singapore today | The Verge
  6. ↑ «Apple Pay – Apple (CH)». Apple (Schweiz). Վերցված է 2016 թ․ հունիսի 15-ին.
  7. ↑ 7,0 7,1 7,2 Joe Rossignol. «Apple Pay Expanding to France, Hong Kong, and Switzerland». Վերցված է 2016 թ․ հունիսի 15-ին.
  8. ↑ «Apple Pay - Apple (FR)». Apple (France). Վերցված է 2016 թ․ հունիսի 15-ին.
  9. ↑ «Apple Pay - Apple (香港)». Apple. Վերցված է 2016 թ․ հունիսի 15-ին.
  10. ↑ «Apple Pay пришла в Россию». Gazeta.ru. 04.10.2016. Վերցված է 2016 թ․ հոկտեմբերի 5-ին.
  11. ↑ «Десять российских банков теперь поддерживают Apple Pay». 3dnews. 01.11.2016. Վերցված է 2016 թ․ նոյեմբերի 2-ին.
  12. ↑ «Apple Pay coming to Japan». Apple.
  13. ↑ Apple launches Apple Pay in Spain with support for four financial institutions
Ստացված է «https://hy.wikipedia.org/w/index.php?title=Apple_Pay&oldid=9454538» էջից