Օլիտեի արքայական պալատ
 Palacio Real de Olite | |
|---|---|
 Նկարագրություն | |
| Տեսակ | դղյակ, հուշարձան, թագավորական պալատ և շենք |
| Վարչական միավոր | Օլիտե[1] |
| Երկիր | Իսպանիա[1] |
| Կառուցված | 13-րդ դար |
| Ճարտարապետական ոճ | Գոթական ճարտարապետություն |
| Ավերվել է | 15-րդ դար |
| Ընթացիկ սեփականատեր | Patrimonio Nacional? |
 | |
 | |
 Royal Palace of Olite Վիքիպահեստում | |
Օլիտեի արքայական պալատ, Օլիտեի Նավառայի թագավորների պալատ (իսպ.՝ Palacio de los Reyes de Navarra de Olite) կամ Օլիտեի ամրոց (իսպ.՝ Castillo de Olite), պաշտպանական կառույց Իսպանիայի Նավառա նահանգի Օլիտե քաղաքում։ Կառուցվել է 13-14-րդ դարերում և եղել է Նավառայի թագավորների նստավայրերից մեկը սկսած Չարլզ III-ի թագավորության տարիներից։ Ներկայիս տեսքն ստացել է 20-րդ դարում՝ գեներալ Ֆրանցիսկո Ֆրանկոյի իշխանության օրոք։ 1931 թվականի հունիսի 3-ին հայտարարվել է Իսպանիայի մշակութային հուշարձան և ստացել է RI-51-0000306 գրանցման համարը։
Նավառայի Կառլոս III թագավորը 15-րդ դարում սկսել է ընդարձակել Օլիտեում գոյություն ունեցած ամրոցը, որ հետո դարձել է Նավառայի թագավորների պալատ։ Չնայած կառույցը սովորաբար կոչվում է ամրոց, սակայն իր կառուցվածքով այն նման է պալատի. այն ավելի շատ հարմարեցված է բնակության, ոչ թե ռազմական (պաշտպանական) նպատակների ծառայելու համար։
Ամրոցի առանձնահատկություններից մեկը նրա կառուցվածքի ոչ համաչափ լինելն է։ Դրա պատճառն այն է, որ ամրոցը կառուցվել է առանց նախնական պլանի, ինչպես նաև դարերի ընթացքում ընդարձակվել է ու ենթարկվել բազմաթիվ փոփոխությունների։ Դղյակի հիմնական մասը կառուցվել է 14-րդ դարի վերջին ու 15-րդ դարի սկզբին։ Նավառայի թագավոր Կառլոս III-ը որոշել է ամրոցը դարձրել է թագավորի մշտական նստավայր։
1512 թվականին Կաստիլիայի ու Արագոնի միացյալ թագավորության կողմից Նավառայի գրավումից հետո Օլիտեի ամրոցն լքվել է ու սկսել անկում ապրել։ Ժամանակ առ ժամանակ այնտեղ բնակվում էին Նավառայի փոխարքաները։ 1813 թվականին ամրոցը հրդեհվել է իսպանացի պարտիզանների կողմից, որպեսզի այն չծառայի Նապոլեոնի զորքերին։
1923 թվականին Նավառայի տարածքային վարչությունը որոշում է ընդունել լքված ճարտարապետական համալիրի վերականգնման մասին։ Անցկացված մրցության արդյունքներով 1937 թվականին սկսվել են վերակառուցման աշխատանքները։ Արդյունքում Օլիտեի ամրոցը դարձել է Նավառայի ամենահայտնի զբոսաշրջային վայրերից մեկը։
Ամրոցը ներառում է մի շարք սենյակներ, այգիներ ու խրամներ։ Առանձնացվում են ամրոցի երկու հատվածներ՝ Հին պալատ (ներկայում՝ Parador Nacional de Turismo) և Նոր պալատ։ Ամրոցը շրջապատված է բարձր պատերով ու ունի բազմաթիվ աշտարակներ, որ նրան տալիս են ազդու ու հեքիաթային տեսք։ Ներկայում այն համարվում է Եվրոպայի ամենագեղեցիկ ամրոցներից մեկը։ Ամրոցին կից գտնվում է Սանտա Մարիա գոթական տաճարը։
Ծանոթագրություններ
[խմբագրել | խմբագրել կոդը]- ↑ 1,0 1,1 Wiki Loves Monuments monuments database — 2017.
Աղբյուրներ
[խմբագրել | խմբագրել կոդը]- Mariano Carlos Solano y Gálvez, Marqués de Monsalud "El Palacio Real de Olite", Boletín de la Real Academia de la Historia, 49 (1906), pp. 435–447.
Արտաքին հղումներ
[խմբագրել | խմբագրել կոդը]- Castillo palacio de Olite Արխիվացված 2008-06-04 Wayback Machine at CastillosNet
- Palacio de Olite Արխիվացված 2007-01-28 Wayback Machine at Guiarte Navarra
- Palacio Real de Olite at Navarra.es
- Castillo-Palacio Real de Olite Արխիվացված 2008-10-24 Wayback Machine (ոչ պաշտոնական կայք)
- Fotos del Castillo de Olite (Navarra) at EuroResidentes
 | Վիքիպահեստն ունի նյութեր, որոնք վերաբերում են «Օլիտեի արքայական պալատ» հոդվածին։ |
