Jump to content

Վլադիմիր Կորոլյով

Վիքիպեդիայից՝ ազատ հանրագիտարանից
Վլադիմիր Կորոլյով
փետրվարի 1, 1955(1955-02-01) (69 տարեկան) -
ԾննդավայրԿաշինսկի շրջան, Տվերի մարզ, ՌԽՖՍՀ, ԽՍՀՄ
Քաղաքացիություն Ռուսաստան
ԶորատեսակՌԴ ռազմածովային ուժերի նավատորմ և Խորհրդային նավատորմ
Կոչումծովակալ և ադմիրալ
Հրամանատարն էրՍևծովյան նավատորմ և ԽՍՀՄ ԶՈՒ հյուսիսային նավատորմ
Մարտեր/
պատերազմներ		Ռուսաստանի ռազմագործողությունը Սիրիայում
ԿրթությունՍանկտ Պետերբուրգի ռազմածովային ինստիտուտ և Ն. Գ. Կուզնեցովի անվան ռազմածովային ակադեմիա
Պարգևներ
«Հայրենիքին մատուցած ծառայությունների համար» 4-րդ աստիճանի շքանշան «Ռազմական ծառայությունների համար» շքանշան Order of Naval Merit «ԽՍՀՄ զինված ուժերում Հայրենիքին ծառայելու համար» 3-րդ աստիճանի շքանշան «Հայրենիքին մատուցած ծառայությունների համար» շքանշանի երկրորդ աստիճանի մեդալ «Ռուսական նավատորմի 300-ամյակ» հոբելյանական մեդալ «Ի հիշատակ Կազանի 1000-ամյակի» մեդալ «ԽՍՀՄ Զինված ուժերի 60-ամյակին» նվիրված հոբելյանական մեդալ «ԽՍՀՄ Զինված ուժերի 70-ամյակին» նվիրված հոբելյանական մեդալ Մեդալ «անբասիր ծառայության համար» «Անբասիր ծառայության համար» II աստիճանի մեդալ «Անբասիր ծառայության համար» III աստիճանի մեդալ Admiral Gorshkov Medal Մարտական ծառայության մեդալ մեդսալ «Պաշտպանության նախարարության 200-ամյակի առթիվ» «Զինվորական խիզախության համար» մեդալ Admiral Kuznetsov Medal "300 Years of the Baltic Fleet" Medal Submarine Commander badge Medal for Participation in Victory Day Military Parade և մեդալ «Մարտական համերաշխության համար»
Վլադիմիր Կորոլյովը (ձախից) Սանկտ Պետերբուրգում իր նախաձեռնությամբ վերականգնված ռազմածովային շքերթի փորձի ժամանակ. 2018 թ.

Վլադիմիր Իվանովիչ Կորոլյով ( ռուս.՝ Владимир Иванович Королёв. փետրվարի 1, 1955(1955-02-01), Կաշինսկի շրջան, Տվերի մարզ, ՌԽՖՍՀ, ԽՍՀՄ), ռուս պաշտոնաթող զորահրամանատար: 2016 թվականի ապրիլից մինչև 2019 թվականի մայիսը եղել է Ռուսաստանի ռազմածովային նավատորմի գլխավոր հրամանատար։ Ծովակալ (2013):

Կենսագրություն

[խմբագրել | խմբագրել կոդը]

Վլադիմիր Կորոլյովը ծնվել է 1955 թվականի փետրվարի 1-ին ՌՍՖՍՀ Կալինինի մարզի (ներկայումս՝ Տվերի նահանգ) Կաշինի շրջանի Պուստինկա գյուղում: 1972-1977 թվականներին սովորել է Մ. Վ. Ֆրունզեի անվան ռազմածովային բարձրագույն ուսումնարանում և հաջողությամբ ավարտելուց հետո ծառայության է անցել Խորհրդային ռազմածովային նավատորմի հյուսիսային նավատորմում: K-467 ատոմային սուզանավի վրա նա ստանձնել է նավարկության մարտական բաժնի հրամանատարի (GA-1), K-488- ի վրա՝ առաջին սպայի և K-387- ի հրամանատարի պարտականությունները: 1987 թվականին հաջողությամբ ավարտել է ռազմածովային նավատորմի բարձրագույն սպայական դասընթացները, իսկ 1995 թվականին՝ Ն.Գ. Կուզնեցովի անվան ռազմածովային ակադեմիան։ 1993 թվականի դեկտեմբերից մինչև 1996 թվականի ապրիլը եղել է ստորջրյա նավատորմի 24-րդ դիվիզիայի հրամանատարի տեղակալ։ 1996 թվականի ապրիլից մինչև 2000 թվականի օգոստոսը ծառայել է Հյուսիսային նավատորմի սուզանավային պաշտպանության օպերատիվ շտաբի ղեկավարությունում: Այնուհետև դարձել է ստորջրյա նավատորմի 24-րդ դիվիզիայի հրամանատար, 2002-2007 թվականներին էլ եղել է 12-րդ սուզանավային ջոկատի հրամանատար: 2006 թվականի դեկտեմբերի 15-ին Կորոլյովին շնորհվել է փոխծովակալի կոչում։ 2007 թվականի նոյեմբերից մինչև 2009 թվականի օգոստոսը նա պաշտոնավարել է որպես Հյուսիսային նավատորմի հրամանատարի տեղակալ, այնուհետև՝ շտաբի պետ մինչև 2010 թվականի հուլիսը։ Նա մասնակցել է 18 մեծ նավարկությունների սուզանավերով և վերգետնյա նավերով։

2010 թվականի հուլիսի 2-ին Կորոլյովը ՌԴ նախագահ Մեդվեդևի հրամանով նշանակվել է Սևծովյան նավատորմի[1], 2011 թվականի հունիսի 23-ին՝ Հյուսիսային նավատորմի հրամանատար։ [2] 2013 թվականի փետրվարի 20-ի թիվ 151 հրամանագրով նրան շնորհվել է ծովակալի կոչում։

2014 թվականի դեկտեմբերին, որպես Հյուսիսային նավատորմի միացյալ ռազմավարական հրամանատարության ղեկավար, նա անմիջականորեն գտնվել է պաշտպանության նախարարի ենթակայության տակ։ Այդ ստորաբաժանումն ուժեղացված էր «Կոլա» ՀՕՊ համակարգերով, մոտոհրաձգային ու արկտիկական բրիգադներով և ավիացիոն ուժերով։ Նրա անմիջական ղեկավարությամբ է 2015 թվականին Արկտիկայում ստեղծվել Հյուսիսային նավատորմի ռազմական ենթակառուցվածքը:

2016 թվականի ապրիլին Կորոլյովը նախագահ Պուտինի կողմից նշանակվել է Ռուսաստանի ռազմածովային ուժերի գլխավոր հրամանատար[3][4]։ Համարվում է այդ բարձր պաշտոնին նշանակված առաջին սուզանավորդը և նշանակման պահին առավել մեծ տարիք ունեցողը[5]: 2019 թվականի մայիսի 3-ին անցնելով թոշակի՝ նա աշխատել և աշխատում է Միացյալ նավաշինական խմբում որպես գործադիր տնօրենի տեղակալ[6] և համակարգում է ռազմածովային նավատորմի համար նավերի կառուցումը:

Կորոլյովը Արկտիկայի զարգացման պետական հանձնաժողովի նախագահության անդամ է։

Զինվորական կոչումներ

[խմբագրել | խմբագրել կոդը]
  • Դերծովակալ (9 հունիսի 2001 թ.)[7].
  • Փոխծովակալ (15 դեկտեմբերի 2006 թ.)[8].
  • Ծովակալ (20 փետրվարի 2013 թ.)[9].

Պարգևներ

[խմբագրել | խմբագրել կոդը]
  • «Ծովային վաստակի համար» շքանշան (2014)
  • «Հայրենիքին մատուցած ծառայությունների համար» 4-րդ աստիճանի շքանշան (2009)[10]
  • Մարտական ծառայությունների համար շքանշան (1996 թ.)[11]
  • «ԽՍՀՄ զինված ուժերում հայրենիքին ծառայելու համար» 3-րդ աստիճանի շքանշան (1989)[12]
  • Վաստակավոր բևեռախույզ (2015)
  • բազմաթիվ մեդալներ

Ծանոթագրություններ

[խմբագրել | խմբագրել կոդը]
  1. ↑ http://kremlin.ru/acts/bank/32716 - decree of appointment to black sea fleet (Russian)
  2. ↑ Արխիվացված (Date missing) bazazakonov.ru (Error: unknown archive URL) des Präsidenten der Russischen Föderation vom 23. Juni 2011
  3. ↑ Официальный отдел. Из Указов Президента Российской Федерации. // Морской сборник. — 2016. — № 6. — С.3.
  4. ↑ «Сайт Министерства обороны Российской федерации». Արխիվացված է օրիգինալից 2016-04-17-ին. Վերցված է 2016-04-07-ին. {{cite web}}: Unknown parameter |deadurl= ignored (|url-status= suggested) (օգնություն)
  5. ↑ «В истории ВМФ Владимир Королёв стал первым главкомом из подводников». Российская газета. 2016-04-12. Արխիվացված է օրիգինալից 2018-09-04-ին. Վերցված է 2018-09-17-ին.
  6. ↑ «Рахманов сообщил об утверждении экс-главкома ВМФ вице-президентом ОСК по военному кораблестроению / Новости ВПК, 9 июля 2019». Արխիվացված է օրիգինալից 2019-07-09-ին. Վերցված է 2019-07-09-ին. {{cite web}}: Unknown parameter |deadurl= ignored (|url-status= suggested) (օգնություն)
  7. ↑ Официальный отдел. Из указов Президента Российской Федерации. // Морской сборник. — 2001. — № 7. — С.2.
  8. ↑ Официальный отдел. Из Указов Президента Российской Федерации. // Морской сборник. — 2007. — № 1. — С. 10—11.
  9. ↑ «Указ Президента Российской Федерации от 20 февраля 2013 года № 151 «О присвоении воинских званий высших офицеров военнослужащим Вооружённых Сил Российской Федерации»». 2013-02-20. Արխիվացված է օրիգինալից 2015-06-30-ին. Վերցված է 2018-09-17-ին. {{cite web}}: no-break space character in |title= at position 63 (օգնություն)
  10. ↑ Официальный отдел. Из указов Президента Российской Федерации. // Морской сборник. — 2009. — № 10. — С.3.
  11. ↑ Официальный отдел. Из указов Президента Российской Федерации. // Морской сборник. — 1996. — № 6. — С.25.
  12. ↑ Официальный отдел. Из указов Президента Российской Федерации. // Морской сборник. — 2002. — № 5. — С.2—3.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Վլադիմիր Կորոլյով» հոդվածին։
Ստացված է «https://hy.wikipedia.org/w/index.php?title=Վլադիմիր_Կորոլյով&oldid=10150070» էջից