Վիոլա Դանա

Վիոլա Դանա; անգլ.՝ Viola Dana
Ծնվել է	հունիսի 26, 1897
Ծննդավայր	Բրուքլին, Նյու Յորք, Նյու Յորք, ԱՄՆ
Մահացել է	հուլիսի 3, 1987 (90 տարեկան)
Մահվան վայր	Վուդլենդ Հիլզ, Լոս Անջելես, Կալիֆոռնիա, ԱՄՆ
Գերեզման	Hollywood Forever Cemetery
Քաղաքացիություն	ԱՄՆ
Մասնագիտություն	կինոդերասանուհի, թատրոնի դերասանուհի, հեռուստատեսային դերասանուհի և դերասանուհի
Ամուսին(ներ)	Ջիմմի Թոմսոն, Մորիս Ֆլին և Ջոն Քոլինզ
Պարգևներ և մրցանակներ	Հոլիվուդյան փառքի ծառուղու աստղ

Վիոլա Դանա (անգլ.՝ Viola Dana, հունիսի 26, 1897(1897-06-26)^[1], Բրուքլին, Նյու Յորք, Նյու Յորք, ԱՄՆ - հուլիսի 3, 1987(1987-07-03)^[1], Վուդլենդ Հիլզ, Լոս Անջելես, Կալիֆոռնիա, ԱՄՆ), ի ծնե՝ Վիրջինիա Ֆլագրատ Virginia Flugrath), ամերիկյան կինոդերասանուհի։ Նա իր կարիերան սկսել է համր կինոյից։

Կենսագրություն

Վիոլան ծնվել է 1897 թվականի հունիսի 26-ին՝ Բրուքլինում։ Նրա երկու քույրերը նույնպես դերասանուհի են դարձել։ Ավագը՝ Էդնա Ֆլագրատը, նկարահանվել է Անգլիայում, հանդես է եկել իր իսկական անունով, իսկ կրտսերը՝ Լեոնին, հանդես է եկել Շիրլի Մեյսոն կեղծանունով^[2]։

Վաղ տարիքից դերասանուհին խաղացել է թատրոնում։ Առավել ուշագրավ էր Մերի Պիկֆորդի՝ 1917 թվականին էկրանավորված «Խեղճ, փոքրիկ հարուստ աղջիկը» բեմադրությունը, որտեղ Վիոլան հանդես է եկել Գվենդոլինի դերում։ Այնուհետև նա հրավեր է ստացել Edison Studios կինոընկերությունից և 13 տարեկանում նորամուտը նշել Չարլզ Դիքենսի համանուն ստեղծագործության հիման վրա նկարահանված «Սուրբ Ծննդյան երգ» (1910) կարճամետրաժ ֆիլմում^[2]։

Առաջին գլխավոր դերում խաղացել է 1914 թվականին։ Ավելի ուշ նա ծանոթացել է Ջոն Քոլինզի հետ, որը Edison Studios կինոընկերության ռեժիսորներից էր։ 1915 թվականին նրանք ամուսնացել են։ Նրանց միությունը երկար չի տևել. 3 տարվա ընթացքում հասցրել է օգնել երիտասարդ կնոջը նկարահանվել 26 ֆիլմում։ 1918 թվականին Քոլինզը մահացել է թոքաբորբից։

Քոլինզի մահից հետո Վիոլան սիրավեպ է սկսել դերասան Օմար Լոքլիրի հետ, սակայն 1920-ին նկարահանումների ժամանակ նրա ինքնաթիռը կործանվել է, և Օմարը մահացել է։ 20-ական թվականների ընթացքում դերասանուհին հայտնի է եղել և ակտիվորեն նկարահանվել Է Metro Pictures կինոստուդիայում. ընդհանուր առմամբ նա նկարահանվել է հարյուրից ավելի ֆիլմում^[3]^[4]։ Վիոլայի աստղը խամրել է ձայնային կինոյի հայտնվելուն պես։ Կինոստուդիայի ղեկավարները համարել են, որ դերասանուհու ձայնը չի համադրվում նրա արտաքինի հետ, և նա համր կինոյի բազմաթիվ այլ դերասանուհիների նման հրաժարական է տվել։

1925 թվականի հունիսին նա ամուսնացել է դերասան Մորիս Ֆլինի հետ, սակայն չորս տարի անց բաժանվել է։ 70-ականների կեսերին հայտնաբերվել են նրա հին ֆիլմերը, և ծերացած դերասանուհին որոշ ժամանակ կրկին հայտնվել է հանրության առջև և հարցազրույցներ տվել։ Վիոլա Դանան մահացել է սրտի կաթվածից 1987 թվականի հուլիսի 3-ին՝ իննսուն տարեկան հասակում։ Կինոարտադրության մեջ ունեցած ներդրումների համար Հոլիվուդյան փառքի ծառուղում նա արժանացել է աստղի։

Ընտրված ֆիլմագրություն

1910 — Սուրբ Ծննդյան երգ
1916 — Դրախտի դարպասներ
1926 — Կոշեր Կիտի Կելլի

Պատկերասրահ

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Stone, Tammy. "Viola Dana." The Silent Collection; retrieved October 22, 2014.
↑ Lussier, Tim. "The tragic Flugrath sisters: Hard to believe, But all three experienced the same loss." Արխիվացված 2017-08-11 Wayback Machine silentsaregolden.com, 1999. Retrieved: October 22, 2014.
↑ "Viola Dana, 1897–1987." Golden Silents, 2014. Retrieved: October 22, 2014.

Արտաքին հղումներ

Վիքիպահեստն ունի նյութեր, որոնք վերաբերում են «Վիոլա Դանա» հոդվածին։

[_a4299feb4e573abf-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[Stone-2] 2,0 ^2,1 Stone, Tammy. "Viola Dana." The Silent Collection; retrieved October 22, 2014.

[3] Lussier, Tim. "The tragic Flugrath sisters: Hard to believe, But all three experienced the same loss." Արխիվացված 2017-08-11 Wayback Machine silentsaregolden.com, 1999. Retrieved: October 22, 2014.

[4] "Viola Dana, 1897–1987." Golden Silents, 2014. Retrieved: October 22, 2014.

[1]

[2]

[3]

[4]