Վիկտորյա Դոնդա
| Վիկտորյա Դոնդա իսպ.՝ Victoria Donda | |
|---|---|
 | |
| Ծնվել է | սեպտեմբերի 17, 1979[1][2] (45 տարեկան) |
| Ծննդավայր | Navy Petty-Officers School of Mechanics, Բուենոս Այրես, Արգենտինա |
| Քաղաքացիություն |  Արգենտինա |
| Կրոն | ագնոստիցիզմ |
| Կրթություն | Բուենոս Այրեսի համալսարան |
| Մասնագիտություն | փաստաբան, իրավապաշտպան և քաղաքական գործիչ |
| Աշխատավայր | National Institute Against Discrimination, Xenophobia and Racism?[3] |
| Զբաղեցրած պաշտոններ | Պատգամավորների պալատի անդամ, Պատգամավորների պալատի անդամ և Պատգամավորների պալատի անդամ |
| Կուսակցություն | Freemen of the South Movement? և Somos?[4] |
| Կայք | victoriadonda.com.ar |
 Victoria Donda Վիքիպահեստում | |
Վիկտորյա Դոնդա Պերես (իսպ.՝ Victoria Donda Pérez, սեպտեմբերի 17, 1979[1][2], Navy Petty-Officers School of Mechanics, Բուենոս Այրես, Արգենտինա), արգենտինացի իրավապաշտպան, Արգենտինայի ազգային կոնգրեսի պատգամավոր, ներկայացնում է ձախ «Ազատների շարժում հարավից» կուսակցությունը։ «Մայիսյան հրապարակի տատիկներ» կազմակերպության համահիմնադիրներից Լեոնտինա Պուէբլա դե Պերեսի թոռնուհին է և «կեղտոտ պատերազմի» երկու զոհերի դուստրը։
Կենսագրություն
[խմբագրել | խմբագրել կոդը]
Ծննդաբերության ժամանակ Դոնդայի մայրը գտնվել է ESMA-յում, բռնատիրական ռեժիմի կողմից իրականացվող խոշտանգման կենտրոնում։ Նրա ծնողները, Մարիա Հիլդա Պերես դե Դոնդան և Խոսե Մարիա Լաուրեանո Դոնդան համարվում են «անհետ կորած»։ Միևնույն ժամանակ նրա հորեղբայրը ռազմածովային սպա էր և պատասխանատու էր նրա ծնողների ձերբակալության, խոշտանգումների ու սպանության համար։ Ծնողների մահից հետո նորածին Վիկտորիային տվել են այլ ընտանիքի, որը ոչինչ չգիտեր նրա կենսաբանական ծնողների մասին։ 2003 թվականին «Մայիսյան հրապարակի տատիկները» և H.I.J.O.S. կազմակերպությունների օգնությամբ սկսվում են նրա իրական ծագման փնտրտուքները։ Նրա իրական ծագումը բացահայտվել է 2004 թվականին։ Այսպիսով նա դարձել է «Մայիսյան հրապարակի տատիկների» կողմից հայտնաբերված 78-րդ թոռնիկը։ Այդ ժամանակ արդեն Վիկտորիան զբաղվում էր հասարակական գործունեությամբ, մարդու իրավունքների խնդրով ու աղքատության վերաբերյալ խնդիրների լուծմամբ։ 2001 թվականի դեկտեմբերի բողոքի ակցիաների ժամանակ նա մասնակցել է խորհրդարանի շենքի զանգվածային պաշարման գործողություններին։ Սովորել է Բուենոս Այրեսի համալսարանի իրավաբանության բաժնում, դարձել է փաստաբան և իրավապաշտպան։ Անդամակցել է «Ազատների շարժում հարավից» կուսակցությանը։ 2007 թվականին «Ճակատ հաղթանակի համար» կուսակցությունից ընտրվել է Արգենտինայի ազգային կոնգրեսի ստորին պալատ, որտեղ դարձել է ամենաերիտասարդ կին պատգամավորն ու առաջին պատգամավորը, որ «կեղտոտ պատերազմի» զոհերի երեխան էր։ Խորհրդարանում աչքի է ընկել առաջարկած մեծ թվով օրենսդրական նախագծերով, որոնք ընդլայնում էին մարդու իրավունքների պաշտպանությունը։ Հաջորդ, 2011 թվականի ընտրություններին նա մասնակցել է «Լայն առաջադեմ ճակատ»-ի կողմից, որն այնուհետև վերաձևափոխվել է` դառնալով «Առաջադեմներ» կոալիցիան։ 2015 թվականի ընտրություններին նա գլխավորել է կոալիցիայի ցուցակը։
Մարդու իրավունքների պաշտպանություն
[խմբագրել | խմբագրել կոդը]Մինչև իր ինքնության մասին իմանալը, Վիկտորիան արդեն հետաքրրքված էր մարդու իրավունքների պաշտպանությամբ և աղքատության խնդիրներով։ Նա աշխատում էր Ազուցենա Վիլաֆլորի անվան անվճար ճաշարանում։ Մասնակցել է Արգենտինայի կոնգրեսի վրա 2011 թվականի ցույցերի ընթացքում տեղի ունեցած հարձակմանը[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 https://directorio.directoriolegislativo.org/node/92576
- ↑ 2,0 2,1 Sehinkman D. https://www.lanacion.com.ar/politica/victoria-donda-re-quiero-ser-presidenta-nid1516914/ — La Nación, 2012.
- ↑ Gasulla L. (unspecified title) — 2021. — P. 138. — ISBN 978-987-599-755-4
- ↑ Victoria Donda lanzó el partido político "Somos" (իսպ.) — Infobae, 2018.
- ↑ Reato, Ceferino (2015). Doce noches [Twelve nights] (Spanish). Argentina: Sudamericana. էջ 19. ISBN 978-950-07-5203-9.
{{cite book}}: CS1 սպաս․ չճանաչված լեզու (link)
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Վիկտորյա Դոնդա» հոդվածին։ |
| ||||||||||||||||
