Սահակ Բ Խապայան

Սահակ Բ Խապայան; արմտ. հայ.՝ Սահակ Բ. Խապայեան
Ծնվել է	մարտի 25, 1849
Ծննդավայր	Դատեմ Եղեգի, Օսմանյան կայսրություն
Մահացել է	հոկտեմբերի 8, 1939 (90 տարեկան)
Մահվան վայր	Անթիլիաս, Լիբանան
Քաղաքացիություն	Օսմանյան կայսրություն և Մեծ Լիբանան
Կրոն	Հայ Առաքելական Եկեղեցի
Կրթություն	Երուսաղեմի ժառանգավորաց վարժարան (1868)
Մասնագիտություն	քահանա
Զբաղեցրած պաշտոններ	Մեծի Տանն Կիլիկիո կաթողիկոս

Սահակ Բ Խապայան, Գաբրիել Կարապետի Խապայան (մարտի 25, 1849(1849-03-25)^[1], Դատեմ Եղեգի, Օսմանյան կայսրություն^[1] - հոկտեմբերի 8, 1939(1939-10-08), Անթիլիաս, Լիբանան^[1]), Կիլիկիայի Հայոց կաթողիկոս 1902-1939 թվականներին։

Կենսագրություն

Կրթվել է Երուսաղեմի ժառանգավորաց վարժարանում (1867-1868), ապա Կ-Պոլսում մասնավոր դասեր առնելուց (1869-1871) հետո վերադարձել է Երուսաղեմ և դասավանդել իր ուսանած հաստատությունում։ 1874-1881 թվականներին եղել է «Սիոն» ամսագրի խմբագիրը։ 1881-1886 թվականներին նվիրակի պաշտոնով գործել է Կովկասում։ 1885 թվականին ձեռնադրվել է եպիսկոպոս։

Գործունեություն

Առաջին համաշխարհային պատերազմի ժամանակ Կիլիկիայից աքսորվել է օսմանահպատակ Երուսաղեմ (1916), ապա՝ Դամասկոս (1917)։ Զինադադարից հետո վերադարձել է Ադանա (1919), 1921 թվականին՝ Կիլիկիայի հայության հետ բռնությամբ գաղթել Սիրիա։ Որպես հոգևոր գործիչ՝ սատարել է Սիրիայում և Լիբանանում ապաստանած հայությանը։

1930 թվականից հաստատվել է Անթիլիասում։ Ճանաչելով Գևորգ Սուրենյանցի կաթողիկոսությունը՝ ոչ միայն պահպանել է միակ՝ Հալեպի թեմը, այլև հիմնադրել նոր թեմեր իրեն արտոնված տարածքներում՝ նախկին թեմերի փոխարեն՝ Դամասկոսի, Լիբանանի, Կիպրոսի։ Նրա օրոք են կառուցվել Բեյրութի սուրբ Նշան եկեղեցին և Անթիլիասի սուրբ Գրիգոր Լուսավորիչ մայր տաճարը, հիմնադրվել է Անթիլիասի դպրեվանքը, տպարանը և հրատարակչությունը և շատ այլ հոգևոր-մշակութային կառույցներ։

Կաթողիկոսի անունով է կոչվել Բեյրութի Սահակյան վարժարանը։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 10 (հայ.) — հատոր 10. — էջ 135.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 135)։

[_6b908b3ffb0e2256-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 10 (հայ.) — հատոր 10. — էջ 135.

[1]