Ջոն ՄըքՀարդի Սինքլեիր
| Ջոն ՄըքՀարդի Սինքլեիր | |
|---|---|
| Ծնվել է | հունիսի 14, 1933[1] |
| Ծննդավայր | Շոտլանդիա, Միացյալ Թագավորություն |
| Մահացել է | մարտի 13, 2007[2][1] (73 տարեկան) |
| Մահվան վայր | Ֆլորենցիա, Իտալիա |
| Քաղաքացիություն | .svg){kind=small} Միացյալ Թագավորություն |
| Մասնագիտություն | լեզվաբան և բառարանագիր |
| Աշխատավայր | Բիրմինգհեմի համալսարան |
Ջոն ՄըքՀարդի Սինքլեիր (անգլ.՝ John McHardy Sinclair, հունիսի 14, 1933[1], Շոտլանդիա, Միացյալ Թագավորություն - մարտի 13, 2007[2][1], Ֆլորենցիա, Իտալիա), 1965-2000 թվականներին Բիրմինգհեմի համալսարանում ժամանակակից անգլերեն լեզվի պրոֆեսոր։ Նա ուսումնասիրություններ է կատարել կորպուսային լեզվաբանության, խոսույթային վերլուծության, բառարանագրության ու լեզվական կրթության ոլորտներում։
Կենսագրություն
[խմբագրել | խմբագրել կոդը]1965 թվականին իր կնոջ՝ Մայֆընուի Սինքլեիրի ու իրենց 3 երեխաների հետ Շոտլանդիայից Բիրմինգհեմ տեղափոխվելիս Ջոն Սինքլեիրը աշխատանքի է անցնում Բիրմինգհեմի համալսարանի ժամանակակից անգլերեն լեզվի ամբիոնում։ Սինքլեիրը ժամանակակից կորպուսային լեզվաբանության առաջին սերնդի ներկայացուցիչն է և «COBUILD» նախագծի հիմնադիրը։ Այս ծրագրի նպատակն էր կազմել կորպուսային բառապաշար անգլերեն ուսումնասիրող օտարերկրացիների համար։ Նա Քոլինսի «Cobuild English Language Dictionary» բառարանի գլխավոր խորհրդատուն էր։ Բառարանի առաջին խմբագրությունը հրատարակվել է 1987 թվականին։
Ջոն Սինքլեիրը հայտնի էր իր անսովոր գաղափարներով, որոնք նպաստել են կորպուսային լեզվաբանության երիտասարդ ոլորտի զարգացմանը։ 2000 թվականին՝ իր հրաժեշտի դասախոսության ժամանակ, նա պնդում էր, որ իր հրապարակած հոդվածներից ոչ մեկը հաջողության չհասավ գրախոսության շրջանակներում, և նույնիսկ հոդվածը, որը նրան պատվիրել էին գրել ամսագրի համար, սխալմամբ գրախոսվել ու մերժվել է։
Բիրմինգհեմի ժամանակակից անգլերեն լեզվի պրոֆեսորի պաշտոնից վաղաժամ թոշակի անցնելուց հետո Ջ.Սինքլեիրը հիմնել է Տոսկանական համաշխարհային կենտրոն իր երկրորդ կնոջ՝ Ելենա Թոգնինի-Բոնելլիի հետ։ Այս հաստատությունը կորպուսային լեզվաբանությանն առնչվող վերապատրաստման դասընթացներ է անցկացնում։
Նրա քույրը բառարանագիր Բերիլ Աթքինսն է։
Աշխատություններ
[խմբագրել | խմբագրել կոդը]Հայտնի աշխատություններից են «Towards the Analysis of Discourse»-ը, որը նա հրատարակեց Մելքոլմ Քուլթարդի հետ 1975 թվականին, «Corpus, Concordance, Collocation»-ը (Օքսֆորդ համալսարանի ամսագիր, 1991 թվական), «Reading Concordances»-ը (2003 թվական), «Trust the Text»-ը (2004 թվական), և «Linear Unit Grammar»-ը (2006 թվական)։
Նրա «Corpus, Concordance, Collocation»-ը հիմք դրեց իդիոմային սկզբունքին[3]։
Հետագա ընթերցանություն
[խմբագրել | խմբագրել կոդը]- Rosamund Moon (2009). Words, grammar, text: revisiting the work of John Sinclair. John Benjamins Publishing Company. ISBN 978-90-272-2248-0.
- Julia Lavid (2007). «To the memory of John Sinclair, Professor of Modern English Language. Estudios Ingleses de la Universidad Complutense». Vol. 15. էջեր 9–12.
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 http://www.guardian.co.uk/obituaries/story/0,,2070990,00.html
- ↑ Seretan, Violeta. Syntax-Based Collocation Extraction https://books.google.com/books?id=I9mO0r7HbXUC&pg=PA18 p.18