Չար խորթ մոր մասին
 | |
|---|---|
 | |
| Տեսակ | մուլտֆիլմ |
| Ռեժիսոր | Վալենտինա Բրումբերգ և Զինաիդա Բրումբերգ |
| Սցենարիստ | Լազար Լագին |
| Հնչյունավորում | Նադեժդա Ռումյանցևա, Անատոլի Պապանով, Ալեքսանդր Մենակեր, Մարիա Միրոնովա, Ռինա Զելյոնայա, Ելենա Պոնսովա, Kira Smirnova? և Մարիա Վինոգրադովա |
| Բեմադրող նկարիչ | Լանա Ազարխ և Վալենտին Լալայանց |
| Երաժշտություն | Ալեքսանդր Վառլամով |
| Օպերատոր | Բորիս Կոտով |
| Երկիր |  ԽՍՀՄ |
| Ընկերություն | Սոյուզմուլտֆիլմ |
| Տևողություն | 1134 s |
| Թվական | 1966 |
«Չար խորթ մոր մասին» (ռուս.՝ «Про злую мачеху»), 1966 թվականի խորհրդային մուլտֆիլմ, որ նկարահանել են ռեժիսորներ Վալենտինա և Զինաիդա Բրումբերգները[1]։ Մուլտֆիլմը խորթ մոր ու որդեգրյալ դստեր մասին պատմող հեքիաթների թեմայով երաժշտական պարաֆրազ է, որը հեղինակներն անվանել են սրտահույզ կատակերգություն։
Սյուժե
[խմբագրել | խմբագրել կոդը]Պետրուշկայի հագուստով հաղորդավարը ներկայացնում է «սրտահույզ կատակերգություն»՝ մեկնաբանելով մանկավարժական գիտությունների «չորացած» գործիչ «Մակարեյ Ուստիմովիչ Նեուստաննիի «Խորթ մայրն ու խորթ դուստրն անցյալում և ներկայում» զեկույցը, որում կատարվել է հեքիաթային նախահեղափոխական ու խորհրդային իրականությունում ապրող խորթ մայրերի համեմատություն։
Սիդոր Սիդորովիչն ու Ֆյոկլա Ֆեոդորովնան, որ Մոսկվայում ապրում են հարևանությամբ և երկուսն էլ միայնակ են մնացել, ընտանիք են կազմում, իսկ նրանց դուստրերը՝ Տոման ու Ֆիրան, դառնում են խորթ քույրեր։ Ինչպես հարկն է խորթ մորը, Ֆյոկլան սկսում է մտածել, թե ինչպես տանջի իր խորթ դստերը՝ Տոմային։ Սկզբում նա խորհուրդ է հարցնում Բաբա Յագայից, որն ապրում էր իրենց քաղաքում, բայց այնպիսի սարսափելի խորհուրդներ է ստանում, որ չի համարձակվում կատարել դրանք՝ վախենալով ենթարկվել քրեական պատասխանատվության։
Մտածելով իր անելիքների մասին՝ Ֆյոկլան գնում է այգի, որտեղ տեսնում է, թե ինչպես են ծնողները երես տալիս իրենց երեխաներին՝ կատարելով նրանց բոլոր քմահաճույքները, և արդյունքում երեխաներն սկսում են իշխել նրանց։ Ֆյոկլան միանգամից որոշում է վարվել հակառակ ձևով. իր հարազատ դստերը՝ Ֆիրային, նա ստիպում է սովորել, մաքրել բնակարանը և զբաղվել սպորտով, իսկ Տոմային խնայում է ու փայփայում՝ թույլ չտալով ինքնուրույն ինչ-որ գործ անել։ Անցնում են տարիներ. Ֆիրան դարձել է գեղիրան, մարզական կազմվածքով, խելացի ու լավատես գեղեցկուհի, իսկ Տոման գեր, քմահաճ ու տգետ է և միշտ դժգոհ է ամեն ինչից։
Ձմռանը՝ դեկտեմբերին, Սիդոր Սիդորովիչը խիստ հիվանդանում է, և բժիշկը նրան ապաքինման համար խորհուրդ է տալիս ուտել թարմ ելակ։ Հակառակ մոր հորդորներին՝ Ֆիրան դահուկներով գնում է անտառ՝ ելակ փնտրելու։ Օգնելով հիվանդ ատամով գայլին՝ Ֆիրան հանդիպում է ծեր պրոֆեսորին ու նրա երիտասարդ օգնականին։ Նրանք աղջկան առաջարկում են մաքրել ձյան կույտը, և աղջիկն արդյունքում գտնում է պոլիպլոիդային ելակի ջերմոց։ Նվեր ստանալով ելակ՝ Ֆիրան ու պրոֆեսորի օգնականը գայլի օգնությամբ վերադառնում են քաղաք։ Սիդոր Սիդորովիչն ուտում է ելակն ու առողջանում։
Ուրախությամբ նշում են Ֆիրայի ու պրոֆեսորի օգնականի հարսանիքը։ Տոման չարությունից նույնպես գնում է անտառ՝ ելակ բերելու, բայց քիչ է մնում գայլերն ուտեն նրան։
Ստեղծողներ
[խմբագրել | խմբագրել կոդը]- Սցենարիստ – Լազար Լագին
- Ռեժիսորներ – Վալենտինա և Զինաիդա Բրումբերգներ
- Բեմադրող նկարիչներ – Լանա Ազարխ, Վալենտին Լալայանց
- Կոմպոզիտոր – Ալեքսանդր Վառլամով
- Օպերտոր – Բորիս Կոտով
- Հնչյունային ռեժիսոր – Գեորգի Մարտինյուկ
- Մոնտաժող – Նինա Մայորովա
- Խմբագիր – Զ. Պավլովա
- Նկարիչ-մուլտիպլիկատորներ – Իգոր Պոդգորսկի, Վլադիմիր Արբեկով, Գալինա Բարինովա, Ելենա Վերշինինա, Մարինա Ոսկանյանց, Վիոլետա Կոլեսնիկովա, Բորիս Բուտակով, Ելիզավետա Կոմովա, Տատյանա Պոմերանցևա, Տատյանա Տարանովիչ, Սերգեյ Մարակասով, Արկադի Շեր
- Օգնականներ – Տատյանա Ֆեոդորովա, Սվետլանա Կաշչեևա
- Դերերը հնչյունավորել են՝
- Անատոլի Պապանով – հաղորդավար Պետրուշկա
- Մարիա Միրոնովա – Ֆյոկլա Ֆեոդորովնա
- Ալեքսանդր Մենակեր – Սիդոր Սիդորովիչ
- Նադեժդա Ռումյանցևա – Ֆիրա
- Մարիա Վինոգրադովա – Տոմա
- Ելենա Պոնսովա – Բաբա Յագա
- Ռինա Զելյոնայա – առաջին տատ / չարաճճի աղջիկ
- Կիրա Սմիռնովա – երկրորդ տատ
- Եվգենի Վեսնիկ — էպիզոդ (լուսագրերում նշված չէ)
- Ֆիլմի տնօրեն – Գ. Կրուգլիկով
Տեսաերիզ
[խմբագրել | խմբագրել կոդը]1990-ական թվականներին մուլտֆիլմը թողարկվել է տեսաերիզներով մուլտֆիլմերի հավաքածուներում Studio PRO Video և «Союз» ստուդիաների կողմից։ 2000-ական թվականներին «Союз» ստուդիան թողարկել է DVD։
Ծանոթագրություններ
[խմբագրել | խմբագրել կոդը]- ↑ «Խորթ մոր մասին» մուլտֆիլմը ԿինոՊոիսկ կայքում
Արտաքին հղումներ
[խմբագրել | խմբագրել կոդը]- «Չար խորթ մոր մասին» մուլտֆիլմը «Անիմատոր.ռու» կայքում
|
