Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)
Ուրանիտ, միներալ։ Քիմիական կազմը՝ UO2։ Սովորաբար U-ի մի մասը օքսիդացված է մինչև Ս6 ։ Խառնուրդների ձևով մշտապես առկա են ռադիոգեն Pb, հաճախ՝ Th և TR։ Pb-ի պարունակությամբ որոշում են միներալի բացարձակ հասակը։ Բյուրեղագիտական համակարգը խորանարդային է։ Առաջացնում է խորանարդներ, օքտաէդրեր կամ դրանց կոմբինացիաներ, ներփակումներ։ Գույնը՝ խեժի սևից մինչև կանաչավուն սև։ Փայլը՝ խեժի, կիսամետաղական։ Կարծրությունը՝ 5-6, խտությունը, բյուրեղներինը՝ 8000-10000 կգ/մ3, կոլոմորֆ տարբերակներինը՝ 6500-8500 կգ/մ3։ Ուժեղ ռադիոակտիվ է։ Հանդիպում է պեգմատիտներում, Co, Ni, Bi, Ag, As պարունակող հիդրոթերմալ երակներում։ Օգտագործվում է ապարների բացարձակ հասակը կապարային մեթոդով որոշելու համար։ Ուրանիտի բոլոր տարբերակները հիմք են ծառայում ուրանի հանքանյութերի համար։ Ուրանիտի խոշոր հանքավայրեր կան Կանադայում, ԱՄՆ-ում, Աֆրիկայում, Ավստրալիայում, Ֆրանսիայում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
