Ուիլյամ Ջոյս

Ուիլյամ Ջոյս; անգլ.՝ William Brooke Joyce
Ծնվել է	ապրիլի 24, 1906 կամ 1906
Ծննդավայր	Բրուքլին, Նյու Յորք, Նյու Յորք, ԱՄՆ
Մահացել է	հունվարի 3, 1946 կամ 1946
Մահվան վայր	HM Prison Wandsworth, Ուոնդսուերտ, Մեծ Լոնդոն, Անգլիա, Միացյալ Թագավորություն
Գերեզման	Bohermore
Քաղաքացիություն	Միացյալ Թագավորություն, ԱՄՆ և Նացիստական Գերմանիա
Կրթություն	Coláiste Iognáid, Galway?, Քինգս քոլեջ և Բիրքբեք, Լոնդոնի համալսարան
Մասնագիտություն	քաղաքական գործիչ, լրագրող և ռադիոհաղորդավար
Կուսակցություն	Բրիտանիայի ֆաշիստների միություն և National Socialist League?
	William Joyce Վիքիպահեստում

Ուիլյամ Բրուք Ջոյս (անգլ.՝ William Joyce, ապրիլի 24, 1906(1906-04-24)^[1]^[2] կամ 1906^[3], Բրուքլին, Նյու Յորք, Նյու Յորք, ԱՄՆ^[4] - հունվարի 3, 1946(1946-01-03)^[1]^[2] կամ 1946^[3], HM Prison Wandsworth, Ուոնդսուերտ, Մեծ Լոնդոն, Անգլիա, Միացյալ Թագավորություն^[5]), նացիստ քարոզիչ, որը գերմանական ռադիոյով վարել է անգլալեզու հաղորդում։ Բրիտանիայում նա հայտնի է Լորդ Հո Հո անունով (անգլ.՝ Lord Haw-haw)^[6]։ Պատճառը Ջոյսի բրիտանական առոգանությունն էր, որը բնորոշ էր Անգլիայի բարձր դասակարգին։

Կենսագրություն

Ծնվել է կաթոլիկ իռլանդացու և բողոքական անգլիացու ընտանիքում։ Շուտով ընտանիքը տեղափոխվել է Անգլիա։ Ավարտել է Լոնդոնի համալսարանը։ Ջոյսը եղել է յունիոնիզմի մոլի կողմնակից և դեռ մանուկ տարիքում Իռլանդիայի հանրապետական բանակի վերաբերյալ տեղեկություններ փոխանցել բրիտանացիներին։ Յունիոնիզմը գաղափար էր, որի կողմնակիցները ցանկանում էին Իռլանդիան տեսնել Մեծ Բրիտանիայի կազմում։

1923 թվականին դարձել է հակակոմունիստական ոչ մեծ խմբի անդամ։ 1924 թվականին Պահպանողական կուսակցության նիստի ժամանակ հարձակման է ենթարկվել, որի արդյունքում վնասվել է Ուիլյամի այտը։ 1932 թվականին անդամակցել է Ֆաշիստների բրիտանական միությանը (British Union of Fascists), որի ղեկավարումն ստանձնել է Օսվալդ Մոսլին։ Զբաղվել է քարոզչական հարցերով։

1937 թվականին վիճել է Մոսլիի հետ, դուրս եկել Ֆաշիստների բրիտանական միությունից և խորհրդարանի պատգամավոր Ջոն Բեքեթի հետ միասին հիմնադրել Նացիոնալ-սոցիալիստական լիգան (National Socialist League), որը դավանում էր հակահրեական և հակակապիտալիստական գաղափարներ։

1939 թվականի օգոստոսի վերջին, տեղեկանալով հնարավոր ձերբակալության վերաբերյալ, կնոջ հետ միասին փախել է Գերմանիա։

1940 թվականին ընդունել է գերմանական քաղաքացիություն (մինչ այդ եղել է ԱՄՆ քաղաքացի), դարձել «Խոսում է Գերմանիան» (անգլ.՝ Germany calling) ռադիոկայանի անգլալեզու հաղորդման վարող։ Ջոյսի հաղորդումներն իր սարկաստիկ կատակների համար մեծ հեղինակություն է վայել բրիտանացիների շրջանում, սակայն բովանդակությունը վստահություն չի առաջացրել։

1945 թվականին ձերբակալվել է բրիտանական զորքերի կողմից։ Պետական դավաճանության համար կախաղան է բարձրացվել բրիտանական իշխանությունների կողմից, չնայած, որ չի եղել Մեծ Բրիտանիայի քաղաքացի։ Դահիճը եղել է բրիտանացի հայտնի դահիճ Ալբերտ Փիրփոինթը։ Դատավճիռը ի կատար է ածվել Ուանդսվորթ բանտում։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Չեխիայի ազգային գրադարանի կատալոգ
↑ ^4,0 ^4,1 ^4,2 Hitler’s Man on British Radio / J. Turner — NYC: 2017.
↑ ^5,0 ^5,1 ^5,2 Lord Haw-Haw hanged — 1999. — ISSN 1756-3224; 1354-4322
↑ Би-би-си: «Пресса Британии»

Արտաքին հղումներ

Վիքիպահեստն ունի նյութեր, որոնք վերաբերում են «Ուիլյամ Ջոյս» հոդվածին։

[_1d2d3aa19eebb08a-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_5c362f048c949630-2] 2,0 ^2,1 ^2,2 ^2,3 ^2,4 Encyclopædia Britannica

[_6640ffd75edfde14-3] 3,0 ^3,1 ^3,2 ^3,3 ^3,4 Չեխիայի ազգային գրադարանի կատալոգ

[_6fd6b1b4ac601599-4] 4,0 ^4,1 ^4,2 Hitler’s Man on British Radio / J. Turner — NYC: 2017.

[_c971a66afcfacb7c-5] 5,0 ^5,1 ^5,2 Lord Haw-Haw hanged — 1999. — ISSN 1756-3224; 1354-4322

[6] Би-би-си: «Пресса Британии»

[1]

[2]

[3]

[4]

[5]

[6]