Միջազգային Կանաչ խաչ
| Միջազգային Կանաչ խաչ | |
|---|---|
| Տեսակ | միջազգային ոչ կառավարական կազմակերպություն |
| Երկիր |  Շվեյցարիա[1] |
| Հիմնադրված | 1992 թվական |
| Գլխադասային գրասենյակ | Ժնև, Շվեյցարիա |
| Տարածաշրջան | Բրազիլիայի Ռիո դե Ժանեյրո |
| Ղեկավար | Միխայիլ Սերգեևիչ Գորբաչով |
| Հիմնադիր | Միխայիլ Գորբաչով |
| Կայք | gcint.org |
Միջազգային Կանաչ խաչ Այս տերմինն ունի նաև այլ իմաստներ։Տես՝ Կանաչ Խաչ։
Միջազգային Կանաչ խաչ , միջազգային բնապահպանական կազմակերպություն, որը հիմնադրվել է Միխայիլ Սերգեևիչ Գորբաչովի կողմից, 1993 թվականին Բրազիլիայի Ռիո դե Ժանեյրո քաղաքում անցկացվող համաժողովից հետո[2]։ Միջազգային Կանաչ խաչի կենտրոնակայանը գտնվում է Ժնևում, իսկ մասնաճյուղերը գտնվում են 27 երկրներում, այդ թվում՝ ԱՄՆ-ում, Լատինական Ամերիկայում, Արևմտյան և Արևելյան Եվրոպայում, Ռուսաստանում, Բելառուսում, Ճապոնիայում, Պակիստանում։ Միջազգային Կանաչ խաչի նախագահ՝ Մ.Ս. Գորբաչով[3]։
Պատմություն
[խմբագրել | խմբագրել կոդը]1990 թվականի հունվարին, Մոսկվայում շրջակա միջավայրի և զարգացման համաշխարհային ֆորումին ուղղված կոչի ժամանակ, Խորհրդային Միության նախագահ Միխայիլ Գորբաչովը քննարկման դրեց Միջազգային Կարմիր խաչի նման կազմակերպություն ստեղծելու գաղափարը, միայն այս նոր կազմակերպությունը պետք է զբաղվի բնապահպանական խնդիրներով, և ոչ՝ բժշկական։ Նման կազմակերպության ստեղծումը կարագացնի այն բնապահպանական խնդիրների լուծումը, որոնք դուրս են գալիս ազգային սահմաններից[3]։ Արագացնելով այս գաղափարը՝ Միխայիլ Գորբաչովը Ռիո դե Ժանեյրոյում կայացած համաժողովում (1992 թ. հունիս) հայտարարեց նման կազմակերպության ստեղծման մասին։ Միևնույն ժամանակ, Շվեյցարիայի ազգային խորհրդի անդամ Ռոլանդ Վիեդերխերը հիմնադրել է «Կանաչ խաչի աշխարհ» բնապահպանական կազմակերպությունը։ Այս երկու կազմակերպություններն էլ միաձուլվել են 1993 թվականին և կազմել միջազգային Կանաչ խաչ[3].:
Միջազգային Կանաչ խաչը պաշտոնապես հիմնադրվել է Կիոտոյում, 1993 թվականի ապրիլի 18-ին։ Միխայիլ Գորբաչովի հրավերով շատ հայտնի անձինք են միացել տնօրենների նրա խորհրդին և պատվավոր խորհրդին[3]։
Ազգային կազմակերպությունների առաջին շարքը 1994 թվականի գարնանը պաշտոնապես միացավ միջազգային Կանաչ խաչին՝ Հաագայում։ Դրանք ներառում են Ճապոնիայի, Նիդեռլանդների, Ռուսաստանի, Շվեյցարիայի և ԱՄՆ-ի Կանաչ խաչը։
Կազմակերպության նպատակները
[խմբագրել | խմբագրել կոդը]Միջազգային Կանաչ խաչի նպատակներն են՝ միջոցներ ձեռնարկել ուղղված մոլորակի կայուն և անվտանգ ապագայի ապահովմանը, խթանել պատասխանատվության զգացումը շրջակա միջավայրի վրա քաղաքակրթության ազդեցության հետևանքների համար[4]։
Կանաչ խաչի գործունեության ոլորտները
[խմբագրել | խմբագրել կոդը]- Բնապահպանական խնդրիների արդյունքում առաջացող հակամարտությունների կանխարգելում և լուծում[4]
- Ռազմական գործողությունների և բախումների, շրջակա միջավայրի տուժած մարդկանց օգնություն ցուցաբերելը[4]
- Իրավական և էթիկական նորմերի մշակում, որոնք ապագայում կդառնան պետության, բիզնեսի և հասարակության գործողությունների հիմքը և շարժառիթը` էկոլոգիապես անվտանգ աշխարհ ստեղծելու համար[4]
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Aligned ISNI and Ringgold identifiers for institutions // zenodo — 2017. — doi:10.5281/ZENODO.758080
- ↑ Сайт отделения зелёного креста, в США. Страница «О нас» Արխիվացված 2008-01-21 Wayback Machine
- ↑ 3,0 3,1 3,2 3,3 «Международный сайт зелёного креста, страница «История»». Արխիվացված է օրիգինալից 2011 թ․ հուլիսի 23-ին. Վերցված է 2011 թ․ հուլիսի 20-ին.
- ↑ 4,0 4,1 4,2 4,3 «Сайт международного зелёного креста. Страница о миссии и деятельности организации». Արխիվացված է օրիգինալից 2011 թ․ հուլիսի 23-ին. Վերցված է 2011 թ․ հուլիսի 21-ին.