Մերի Ֆութ

Մերի Ֆութ; անգլ.՝ Mary Foote
Ի ծնե	անգլ.՝ Mary Hubbard Foote
Ծնվել է	նոյեմբերի 25, 1872 կամ նոյեմբերի 20, 1872
Ծննդավայր	Գիլֆորդ
Վախճանվել է	հունվարի 28, 1968 (95 տարեկան)
Մահվան վայր	Գիլֆորդ
Քաղաքացիություն	ԱՄՆ
Կրթություն	Եյլի արվեստի դպրոց և Կարմեն ակադեմիա
Մասնագիտություն	նկարչուհի
Թեմաներ	գեղանկարչություն, Կերպարվեստ և յուղաներկ
Ուշագրավ աշխատանքներ	Carrie Chapman Catt? և Ruth Draper?
Ուսուցիչ	Ջոն Սինգեր Սարջենթ և Ֆրեդերիկ Վիլյամ Մակմոնիս
Անդամակցություն	Ամերիկյան հեղափոխության դստրեր
Հայր	Քրիստոֆեր Սփենսեր Ֆութ
Համատեղ ապրող	Ֆրեդերիկ Վիլյամ Մակմոնիս և Էռնստ Հանֆշտենգլ
	Mary Hubbard Foote Վիքիպահեստում

Մերի Ֆութ (անգլ.՝ Mary Foote, ամբողջական անունը՝ Մերի Հաբարդ Ֆութ, անգլ.՝ Mary Hubbard Foote, նոյեմբերի 25, 1872(1872-11-25) կամ նոյեմբերի 20, 1872(1872-11-20)^[2], Գիլֆորդ^[1] - հունվարի 28, 1968(1968-01-28)^[2], Գիլֆորդ), ամերիկացի դիմանկարային նկարչուհի։

Կենսագրություն

Ընտանիք

Մերի Ֆութը ծնվել է 1872 թվականի նոյեմբերի 25-ին ԱՄՆ Կոնեկտիկուտ նահանգի Գիլֆորդ քաղաքում, Չառլզ Սփենսեր Ֆութի (1837-1880) և նրա կնոջ՝ Խաննա Հաբարդ Ֆութի (1840—1885) ընտանիքում^[6]։ Նրա կրտսեր քույրը՝ Մարգարեթ Ֆութը ևս դարձել է նկարչուհի։ Երբ երկու աղջիկները և նրանց եղբայրը որբացել են, Մարգարեթին մեծացրել է հորաքույր Հարիեթ Ֆութ Հոուլին ամուսնու հետ, որոնք ապրում էին Վաշինգտոնում^[7]։ Մերիին իր մոտ է վերցրել մորաքույրը, որն ապրում էր Կոնեկտիկուտ նահանգի Հարթֆորդ քաղաքում^[8]։

Մերի Ֆութի զարմուհին եղել է Լիլի Ջիլեթ Ֆութը՝ Մարկ Տվենի երեխաների տնային դաստիարակչուհին^[8]։ Մերին որոշ ժամանակ ապրել է գրողի ընտանիքում և ընկերացել Սյուզի Քլեմենսի՝ նրա ավագ դստեր հետ։ Մերի Ֆութը նաև եղել է Ամերիկյան հեղափոխության դստրերի անդամ, գեներալ Ուորդի թոռան թոռնուհին (Andrew Ward, 1727-1799)^[9], որը ևս ծնվել էր Գիլֆորդում և աչքի է ընկել Ջորջ Վաշինգտոնի մոտ իր քաջությամբ։

Գործունեություն

1890 թվականից Մերի Ֆութը արվեստ է ուսումնասիրել Եյլի արվեստի դպրոցում։ 1894 թվականին ստացել է Alice Kimball English Prize մրցանակը՝ ստեղծված ի աջակցություն ամառային ճամփորդությունների, իսկ 1897 թվականին՝ William Wirt Winchester Prize մրցանակը, որն օգտագործել է Եվրոպայում երկամյա ուսման համար։ Ֆութն ուղևորվել է Ֆրանսիա, որտեղ Փարիզում սովորել է Ջոն Սինգեր Սարջենթի մոտ։ Նաև Փարիզի Կարմեն ակադեմիայում և Ժիվերնիում եղել է Ֆրեդերիկ Վիլյամ Մակմոնիսի (այդ իսկ պատճառով այգիները եղել են Ֆրանիսայում նրա շատ աշխատանքներում պատկերման առարկա)^[10]։ Նա ստեղծել է Մակմոնիսի դիմանկարը։ Մերիի ընկերների թվում էին մեկենաս Մեյբլ Դոջը, պարուհի Այսեդորա Դունկանը, գրողներ Հենրի Ջեյմսը և Գերտրուդ Սթայնը, նկարիչներ Ջեյմս Ուիսթլերը, Էլեն Էմմեթը և Սեսիլյա Բոն։

1901 թվականին նա վերադարձել է Նյու Յորք և բացել իր սեփական ստուդիան Վաշինգտոն Սքվեր պուրակում, որտեղ աշխատել է շնորհիվ դիմանկարների պատվերների։ Նրա պատվիրատուներն էին այդ ժամանակների Who’s Who ցանկի անձինք։ Մերին նաև նկարել է ծաղիկներ և բնանկարներ։ Նրա աշխատանքները ցուցադրվել են Փենսիլվանիայի կերպարվեստի ակադեմիայում մի շարք այլ հայտնի նկարիչների աշխատանքների կողքին։ 1913 թվականին նա մասնակցել է Զինագործական ցուցահանդեսի։ 1926 թվականի վերջին և 1927 թվականի սկզբին նկարչուհին ապրել և աշխատել է Պեկինում։

1920-ական թվականներին Մերի Ֆութը կիսել է իր ստուդիան և հարաբերություններ ունեցել Ֆրեդերիկ Վիլյամ Մակմոնիսի հետ։ Երբ ամեն ինչ ավարտվել է, Մերին խորը դեպրեսիայի մեջ է ընկել և դիմել ամերիկացի բժիշկ Սմիթ Ջելլիֆին։ 1927 թվականին Մերին փակել է իր ստուդիան, իսկ նրա ընկերներից մեկը՝ Նյու Յորքից բեմադրող նկարիչ Ռոբերտ Էդմոնդ Ջոնսը^[11] խորհուրդ է տվել Ցյուրիխում Կարլ Գուստավ Յունգի մոտ։

1928 թվականից մինչև 1950-ական թվականների սկիզբ ապրել է Ցյուրիխում։ Սկզբում վերծանել է Յունգի դասընթացները և խմբագրել նրա տեքստերը, այնուհետև պատճեններ է ստեղծել դասընթացների մասնակիցների համար։ 1930-ական թվականներին Մերի Ֆութը գաղտնի կապ է ունեցել Հարվարդի համալսարանում կրթություն ստացած գերմանացի գործարար և նացիստ Էռնստ Հանֆշտենգլի հետ։ 1950-ական թվականներին նա վերադարձել է Կոնեկտիկուտ, որտեղ ապրել է մինչև կյանքի վերջը։

Մահացել է 1968 թվականի հունվարի 28-ին հայրենի քաղաքում և թաղվել Foote-Ward Cemetery գերեզմանոցում^[12]։ Դամբանականում ասվում է, որ նա եղել է Յունգի «քարտուղարուհին»^[13]։

Մերի Ֆութին վերաբերող որոշ փաստաթղթեր պահվում են Եյլի համալսարանի գրադարանում։

Մերի Ֆութի որոշ աշխատանքներ

Ծանոթագրություններ

↑ ^1,0 ^1,1 ^1,2 ^1,3 Library of Congress Authorities — Library of Congress.
↑ ^2,0 ^2,1 ^2,2 ^2,3 ^2,4 http://n2t.net/ark:/65665/sm461d9d6df-d9d1-49eb-8a00-6acda1e8653f
↑ Geni(բազմ․) — 2006.
↑ https://www.google.com/books/edition/Jung/7qDcC963BiUC?hl=en&gbpv=0 — P. 361.
↑ https://www.google.com/books/edition/Jung/7qDcC963BiUC?hl=en&gbpv=0 — P. 363.
↑ Daughters of the American Revolution. Lineage Book — National Society of the Daughters of the American Revolution Արխիվացված 2021-12-17 Wayback Machine. Daughters of the American Revolution; 1904. p. 331.
↑ Jules Heller; Nancy G. Heller. North American Women Artists of the Twentieth Century: A Biographical Dictionary Արխիվացված 2021-12-17 Wayback Machine. Taylor & Francis; 19 December 2013. 978-1-135-63889-4. p. 1862.
↑ ^8,0 ^8,1 Joan MacPhail Knight. Charlotte in Giverny Արխիվացված 2021-12-17 Wayback Machine. Chronicle Books; 4 January 2013. 978-1-4521-2565-7. p. 81.
↑ «GEN Andrew Ward V». Արխիվացված օրիգինալից 2021 թ․ դեկտեմբերի 17-ին. Վերցված է 2021 թ․ դեկտեմբերի 17-ին.
↑ Joan MacPhail Knight. Charlotte in Giverny Արխիվացված 2021-12-17 Wayback Machine. Chronicle Books; 4 January 2013. 978-1-4521-2565-7. p. PT 81.
↑ «Machinal». Internet Broadway Database. Արխիվացված օրիգինալից 2020 թ․ օգոստոսի 3-ին. Վերցված է 2016 թ․ նոյեմբերի 7-ին.
↑ «Mary Foote». Արխիվացված օրիգինալից 2020 թ․ ապրիլի 10-ին. Վերցված է 2021 թ․ դեկտեմբերի 17-ին.
↑ Bair, Deirdre (2004). Jung: A Biography. Little, Brown & Company. էջեր 360–63. ISBN 0-316-15938-7. Արխիվացված է օրիգինալից 2021 թ․ դեկտեմբերի 18-ին. Վերցված է 2023 թ․ ապրիլի 6-ին.

Արտաքին հղումներ

Վիքիպահեստն ունի նյութեր, որոնք վերաբերում են «Մերի Ֆութ» հոդվածին։

[_c4aceb7712a0c1b0-1] 1,0 ^1,1 ^1,2 ^1,3 Library of Congress Authorities — Library of Congress.

[_15fbe0c831225faf-2] 2,0 ^2,1 ^2,2 ^2,3 ^2,4 http://n2t.net/ark:/65665/sm461d9d6df-d9d1-49eb-8a00-6acda1e8653f

[_f9de643f09dea8f7-3] Geni(բազմ․) — 2006.

[_ca7c07934a5c5067-4] ttps://www.google.com/books/edition/Jung/7qDcC963BiUC?hl=en&gbpv=0 — P. 361.

[_dee56f2ce4b44481-5] ttps://www.google.com/books/edition/Jung/7qDcC963BiUC?hl=en&gbpv=0 — P. 363.

[6] Daughters of the American Revolution. Lineage Book — National Society of the Daughters of the American Revolution Արխիվացված 2021-12-17 Wayback Machine. Daughters of the American Revolution; 1904. p. 331.

[Heller_p._1862-7] Jules Heller; Nancy G. Heller. North American Women Artists of the Twentieth Century: A Biographical Dictionary Արխիվացված 2021-12-17 Wayback Machine. Taylor & Francis; 19 December 2013. 978-1-135-63889-4. p. 1862.

[Knight_p._81-8] 8,0 ^8,1 Joan MacPhail Knight. Charlotte in Giverny Արխիվացված 2021-12-17 Wayback Machine. Chronicle Books; 4 January 2013. 978-1-4521-2565-7. p. 81.

[9] «GEN Andrew Ward V». Արխիվացված օրիգինալից 2021 թ․ դեկտեմբերի 17-ին. Վերցված է 2021 թ․ դեկտեմբերի 17-ին.

[10] Joan MacPhail Knight. Charlotte in Giverny Արխիվացված 2021-12-17 Wayback Machine. Chronicle Books; 4 January 2013. 978-1-4521-2565-7. p. PT 81.

[IBDb-11] «Machinal». Internet Broadway Database. Արխիվացված օրիգինալից 2020 թ․ օգոստոսի 3-ին. Վերցված է 2016 թ․ նոյեմբերի 7-ին.

[12] «Mary Foote». Արխիվացված օրիգինալից 2020 թ․ ապրիլի 10-ին. Վերցված է 2021 թ․ դեկտեմբերի 17-ին.

[Bair-13] Bair, Deirdre (2004). Jung: A Biography. Little, Brown & Company. էջեր 360–63. ISBN 0-316-15938-7. Արխիվացված է օրիգինալից 2021 թ․ դեկտեմբերի 18-ին. Վերցված է 2023 թ․ ապրիլի 6-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]