Մանբիջ
| Քաղաք | ||
|---|---|---|
| Մանբիջ | ||
| արաբ․՝ منبج | ||
 | ||
| Երկիր |  Սիրիա | |
| Մուհաֆազա | Հալեպի մարզ | |
| Համայնք | Մանբիջի շրջան | |
| ԲԾՄ | 483 մ | |
| Խոսվող լեզուներ | արաբերեն | |
| Բնակչություն | 78 255 մարդ (2012) | |
| Կրոնական կազմ | իսլամ | |
| Ժամային գոտի | UTC 2, ամառը UTC 3 | |
| Հեռախոսային կոդ | 963 25 21XXXX | |
| ||
Մանբիջ (արաբ․՝ منبج), քաղաք Սիրիայի հյուսիսային մասում։ Գտնվում է Սիրիայի Հալեպի մարզում։ 2012 թվականի տվյալներով քաղաքի բնակչությունը կազմում է 78 255։ Ներկայումս քաղաքը գրեթե դատարկվել է, քանի որ մեծապես տուժել է Սիրիական ճգնաժամից։ Օգոստոսի 12-ին քաղաքը ազատագրվել է ԻԼԻՊ-ի վերահսկողությունից` Սիրիայի դեմոկրատական ուժերի կողմից։
Աշխարհագրական դիրք
[խմբագրել | խմբագրել կոդը]Քաղաքը գտնվում է մուհաֆազայի հյուսիսարևելյան մասում` Եփրատ գետից 30 կիլոմետր դեպի արևմուտք։ Քաղաքը գտնվում է ծովի մակարդակից 483 մետր բարձրության վրա[1]։ Մանբիջը գտնվում է Հալեպից 74 կիլոմետր դեպի հյուսիս-արևելք, իսկ Դամասկոսից` 362 կիլոմետր հեռավորության վրա։ Այն շրջանի վարչական կենտրոնն է։ Ամենամոտ քաղաքացիական օդանավակայանը գտնվում է Հալեպ քաղաքում[1]։
Դեմոգրաֆիա
[խմբագրել | խմբագրել կոդը]Վերջին մարդահամարը տեղի է ունեցել 2012 թվականին, որի համաձայն որի քաղաքի բնակչությունը կազմում էր 78 255 մարդ։ Իսկ օրինակ 1981 թվականին տեղի ունեցած մարդահամարի տվյալներով բնակչությունը կազմում էր 30 812[2]։ Բնակչության թվաքանակի աճը ըստ տարեթվերի
| 1960 | 1970 | 1981 | 1988 | 2003 | 2012 |
|---|---|---|---|---|---|
| 8 577 | 14 635 | 30 812 | 47 728[3] | 65 948[3] | 78 255[4] |
Տեսարժան վայրեր
[խմբագրել | խմբագրել կոդը]Մանբիջի շրջակայքում է գտնվում հին սիրիական քաղաք Հիերապոլիսը (չշփոթել Թուրքիայի Փամուքքալեի մոտ գտնվող Հիերապոլիս քաղաքի հետ)։ Սիրիական Հիերապոլիսը եղել է Հռոմեական կայսրության Եփրատի պրովինցիայի գլխավոր քաղաք[5]։
Պատմություն
[խմբագրել | խմբագրել կոդը]Քաղաքը առաջին անգամ հիշատակվում է հունական աղբյուրներում Բամբիկա անվամբ։ Պլինիոս Ավագը իր «Իրական պատմություն» աշխատության մեջ նշում է, որ Բամբիկան եղել է Աթարգատիս աստվածուհու մեհենական քաղաքը[6]։
Մ.թ.ա. 53 թվականին Հիերապոլիսը, ստանալով այս անվանումը Սելևկոս I Նիկատորի կառավարման օրոք, թալանվել է դեպի Պարթևաստան արշավող Մարկոս Կրասսոսի զորքերի կողմից։
Քաղաքում ապրել է 2-րդ դարի գնոստիկ Բարդեսանը։
Քաղաքը վերակառուցվել է 8-րդ դարում Բաղդադի խալիֆ Հարուն ալ-Ռաշիդի հրամանով և երկար ժամանակ «կռվախնձոր» է եղել բյուզանդացիների, արաբների, խաչակիրների և թուրքերի համար։
Հայտնի բնակիչներ
[խմբագրել | խմբագրել կոդը]- Օմար Աբու Ռիշա — սիրիացի բանաստեղծ և դիվանագետ։
- Ալ-Բուհթուրի (820—897) — արաբ բանաստեղծ։
Ծանոթագրություններ
[խմբագրել | խմբագրել կոդը]- ↑ 1,0 1,1 Физико-географические данные (անգլ.)
- ↑ World Gazetteer (անգլ.)
- ↑ 3,0 3,1 գնահատողական
- ↑ հաշվարկային
- ↑ «Иераполис». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.
{{cite book}}: CS1 սպաս․ location missing publisher (link) - ↑ Plinius Secundus, Liber V, 81
Արտաքին հղումներ
[խմբագրել | խմբագրել կոդը].svg){kind=small}
 | Վիքիպահեստն ունի նյութեր, որոնք վերաբերում են «Մանբիջ» հոդվածին։ |
| ||||||||||
