Հարություն Թորոսյան

Հարություն Թորոսյան
Ծնվել է	1933
Ծննդավայր	Բեյրութ, Լիբանան
Քաղաքացիություն	Լիբանան
Կրթություն	Փարիզի Գեղեցիկ արվեստների ազգային բարձրագույն դպրոց և Ժյուլիանի ակադեմիա
Մասնագիտություն	նկարիչ և քանդակագործ

Հարություն Ստեփանի Թորոսյան (1933, Բեյրութ, Լիբանան), հայ գեղանկարիչ, գրաֆիկ, քանդակագործ։

Կենսագրություն

Սկզբում հանդես է եկել որպես բանաստեղծ։ 1956 թվականին Փարիզում սովորել է Ազգային բարձրագույն գեղարվեստի դպրոցում, 1960 թվականին՝ Ժյուլենի ակադեմիայում։ Աշխատանքներից գտնվում են Հայաստանի ազգային պատկերասրահում։

Ստեղծագործություններ

Ստեղծել է դիմանկարներ, նատյուրմորտներ, բնանկարներ, կրոնական թեմաներով նկարներ, ինչպես նաև լիբանանյան կյանքը պատկերող տեսարաններով կտավներ։

• «Հիշատակ Լիբանանից»
• «Մայրական սեր»
• «Շվեդացի պարմանուհին»
• «Կանանց երազը»
• «Ծովափին»

Ցուցահանդեսներ

Խմբակային ցուցահանդեսներ

• Գարնանային և աշնանային սրահներ, Կրթության նախարարություն, Բեյրութ, 1954, 1955, 1964 թթ.
• «Արվեստ առանց սահմանների» սրահ, Փարիզ, 1963 թ.
• Գեղարվեստական զարթոնք, Փարիզ, 1962 թ.
• Աշնանային ցուցադրություն, Փարիզ, 1962 թ.
• Ալեքսանդրիայի բիենալե, 1968 թ.
• Լիբանանցի նկարիչների ցուցադրություն, Galerie Le Vendôme, 1968 թ.
• Աշնանային ցուցադրություն, Sursock թանգարան, 1969 թ.
• Փարիզի բիենալե, 1969 թ.
• Համազգային սրահ, 1969 , 1971 թթ.
• Լիբանանցի նկարիչների ցուցադրություն, Բրյուսել, Բելգիա, 1969, 1970 թթ.
• Լիբանանցի նկարիչների ցուցադրություն, Քուվեյթ, 1969, 1970 թթ.
• Գարնանային և աշնանային սրահներ, Կրթության նախարարություն, 1967, 1968, 1969, 1970, 1971, 1972, 1973 թթ.

Անհատական ցուցահանդեսներ

• 1960 թ. «Չորս քամիների ակումբ», Փարիզ
• 1960 թ. «Առաջատար ուսումնառությունների կենտրոն», Բեյրութ
• 1963 թ. «Չորս քամիների ակումբ», Փարիզ
• 1963 թ. Carlton հյուրանոց, Բեյրութ
• 1965 թ. Cézanne պատկերասրահ, Մարսել
• 1967 թ. Cassia պատկերասրահ, Բեյրութ
• 1971 թ. Պատճենների ցուցադրություն, Երևան, Հայաստան
• 1974 թ. Modulart պատկերասրահ, Բեյրութ

Մատենագրություն

• Վ. Խաչիկյան, Կենսասեր արվեստով։ «Հայրենիքի ձայն», 1971 թ., 21 հուլիսի։