Կարիսմա Կապուր

Կարիսմա Կապուր անգլ.՝ Karisma Kapoor
Ծնվել է	հունիսի 25, 1974(1974-06-25) (50 տարեկան)
Ծննդավայր	Մումբայ, Հնդկաստան
Կրթություն	Cathedral and John Connon School?
Քաղաքացիություն	Հնդկաստան
Կրոն	հինդուիզմ
Մասնագիտություն	դերասանուհի, կինոդերասանուհի, հեռուստատեսային դերասանուհի և սցենարիստ
Ընտրանի	Raja Hindustani?, Dil To Pagal Hai?, Biwi No.1?, Մեզ չեք բաժանի, Եղբոր որոնումը, Zubeidaa? և Mentalhood?
Ծնողներ	հայր՝ Ռանդհիր Կապուր, մայր՝ Բաբիտա
Պարգևներ և մրցանակներ	Filmfare Awards և Ազգային կինոմրցանակ երկրորդ պլանի կնոջ լավագույն դերակատարման համար

Կարիսմա Կապուր (հինդի` करिश्मा कपूर, հունիսի 25, 1974(1974-06-25), Մումբայ, Հնդկաստան), հնդիկ դերասանուհի։ Նկարահանվել է մոտ 60 կինոնկարներում և հեռուստասերիալներում։ Արժանացել է Filmfare Awards-ի մրցանակների` գլխավոր և երկրորդական դերերի համար, ինչպես նաև Ազգային կինոմրցանակի՝ կանացի երկրորդ պլանի լավագույն դերի համար։

Կենսագրություն

Կարիսմա Կապուրը Կապուրների դերասանական դինաստիայի ներկայացուցիչներից մեկն է։ Ծնվել է դերասան Ռանդհիր Կապուրի և դերասանուհի Բաբիտայի ընտանիքում։ Ռաջ Կապուրի թոռնուհին է։ Նրա հորեղբայրներն են դերասաններ Ռիշի Կապուրն ու Ռաջիվ Կապուրը։ Կրտսեր քույրը դերասանուհի Կարինա Կապուրն է։

Կարիսման կրթությունն ստացել է Մումբայի լավագույն Ջոն Կոնոնի՝ տաճարին կից դպրոցում և շարունակել է Մումբայի համալսարանին պատկանող Սոֆիայի օրիորդաց քոլեջում։ Կինոդեբյուտը կայացել է 1991 թվականին՝ «Սիրո կալանավորը» ֆիլմում։ Դրան հաջորդել են հիմնականում կատակերգական բնույթի ֆիլմեր այնպիսի դերասանների հետ, ինչպիսիք են Սալման Խանն ու Գովինդան։ Քիչ թե շատ առաջին հաջողված ֆիլմը 1996 թվականին նկարահանված «Ռաջա Հինդուստանի» կինոնկարն է, որտեղ նրա խաղընկերը Աամիր Խանն էր։ Այս ֆիլմի համար Կարիսման ստացավ իր առաջին Filmfare Award մրցանակը՝ կանացի լավագույն դերի համար։ Երկրորդ անգամ մրցանակը նա ստացել է 2001 թվականին՝ «Եղբորը որոնելիս» ֆիլմի համար։ Յաշ Չոպրայի կողմից 1997 թվականին նկարահանված «Խելագար սիրտը» կինոնկարի համար Կարիսման ստացել է Ազգային կինոմրցանակ և Filmfare Award՝ կանացի երկրորդ պլանի լավագույն դերի համար։ Արժե նշել նաև նրա դերերը «Որոշում» (1992 թ.), «Ճանապարհ դեպի նոր կյանք» (1993 թ.), «Ռաջա Բաբու» (1994 թ.), «Ուզում եմ ամուսնանալ միլիոնատիրոջ դստեր հետ» (1994 թ.), «Հանցագործի սերը» (1996 թ.), «Մեզ չեն բաժանի» (1999 թ.), «Զուբեյդա» (2001 թ.), «Վտանգավոր սեր» (2012 թ.) և այլ ֆիլմերում։

Անձնական կյանքը

1992-1995 թվականներին Կարիսման սիրավեպ է ունեցել դերասան Աջայ Դևգանի հետ։ 2002 թվականին հայտարարվել էր Կարիսմայի և Աբհիշեկ Բաչչանի ամուսնության մասին, սակայն չորս ամիս անց նրանք բաժանվեցին։ 2003 թվականին Կարիսման ամուսնացել է ձեռնարկատիրությամբ զբաղվող Սանջայ Կապուրի հետ։ Այդ ամուսնությունից նրանք ունեցել են երկու երեխա՝ մեկ որդի և մեկ դուստր։ Ամուսնալուծվել են 2014 թվականին։

Մասնակի ֆիլմագրություն

Թվական	Անվանում	Բնօրինակ անվանում	Կերպար
1991	Սիրո կալանավորը	Prem Qaidi	Նիլիմա
1992	Ոստիկանը	Police Officer	Բիջալի
1992	Որոշում	Nishchaiy	Պայալ Սինգհ
1992	Սիրո ջրվեժը	Deedar	Սապնա Սաքսենա
1992	Առնական սիրտը	Jigar	Սուման
1993	Ճանապարհ դեպի նոր կյանք	Jaagruti	Շալու
1993	Դիմակայում	Muqabla	Կարիսմա
1993	Հզորագույնը. Երջանկություն` պարտքով	Shaktiman	Պրիյա
1993	Հարուստը	Dhanwaan	Անջալի Չոպրա
1993	Սերն աստծո պարգև է	Sangram	Մադհու Սինգհ
1994	Ռաջա Բաբու	Raja Babu	Մադհուբալա
1994	Սիրելին	Dulaara	Պրիյա Չաուհան
1994	Սիրային ուժ	Prem Shakti	Գաուրի, Կարիսմա
1994	Վրեժխնդրություն	Aatish: Feel the Fire	Պուջա
1994	Անհաջող ամուսնություն	Suhaag	Պուջա
1994	Ուզում եմ ամուսնանալ միլիոնատերի դստեր հետ	Andaz Apna Apna	Կարիսմա
1994	Հավատալ ինքն իրեն	Khuddar	Պուջա
1994	Ուսուցիչ, ես ձեզ սիրում եմ	Andaz	Ջայա
1995	Որդեգրված դուստրը	Jawab	Սուման
1995	Մարտադաշտ	Maidan-E-Jung	Տուլսի
1995	Բեռնակիր № 1	Coolie No. 1	Մալտի
1996	Ճակատագրի փոփոխականություններ	Saajan Chale Sasural	Պուջա
1996	Կրիշնա	Krishna	Ռաշմի
1996	Հանցագործի սերը	Jeet	Կաջալ Շարմա
1996	Բարեպաշտը	Bal Bramhachari	Աշա Ռանա
1996	Ռաջա Հինդուստանի	Raja Hindustani	Աարտի Սեհգալ
1996	Ամենահաղթ սերը	Ajay	Մանորամա, «Ռամա»
1997	Անհոգ երկվորյակները	Judwaa	Մալա
1997	Հերոս № 1	Hero No. 1	Մինա Նաթհ
1997	Արյան երկու գույնը	Lahoo Ke Do Rang	Հինա
1997	Մահվան հրեշտակը	Mrityudaata	Ռենուկա Ջայն
1997	Խելագար սիրտը	Dil To Pagal Hai	Նիշա
1999	Խայծ	Silsila Hai Pyar Ka	Վանշիկհա Մաթհուր
1999	Համար մեկ կինը	Biwi No. 1	Պուջա Մեհրա
1999	Մեզ չեն բաժանի	Hum Saath-Saath Hain: We Stand United	Սապնա
1999	Գազանը	Jaanwar	Սապնա
2000	Մրցակից եղբայրներ	Chal Mere Bhai	Սապնա Մեհրա
2000	Սիրո մոգությունը	Hum To Mohabbat Karega	Գիտա Կապուր
2000	Եղբորը որոնելիս	Fiza	Ֆիզա
2000	Արյունախումը	Shikari	Ռաջեշվարի Ռավալ
2001	Զուբեյդա (Ճակատագրական սեր)	Zubeidaa	Զուբեյդա
2001	Սիրելիի առևանգումը	Aashiq	Պուջա
2001	Սիրո կապանքները	Ek Rishtaa: The Bond of Love	Նիշա Թհապար
2002	Այո, ես էլ եմ քեզ սիրում	Haan Maine Bhi Pyaar Kiya	Պուջա Կաշյապ
2002	Վերադարձնել որդուն	Shakthi: The Power	Նանդինի
2002	Հարազատ արյուն	Rishtey	Կոմալ Սինգհ
2003	Փոխակերպուկը	Baaz: A Bird in Danger	Նեհա Չոպրա
2006	Գժտություն	Mere Jeevan Saathi	Նատաշա
2010	Եվ արդարություն բոլորի համար	Zamaanat	Կաջոլ
2012	Վտանգավոր սեր	Dangerous Ishhq	Սանջանա

Ծանոթագրություններ

Վիքիպահեստն ունի նյութեր, որոնք վերաբերում են «Կարիսմա Կապուր» հոդվածին։