Ֆուտբոլիստը ծնվել է Գդանսկում, բայց դեռևս մանուկ հասակից ծնողների հետ տեղափոխվել է Գերմանիա, որտեղ էլ և սկսել է զբաղվել ֆուտբոլով։ Խաղացել է մանկապատանեկական Սահարբուրգի, Տրասսեմի և Տրիրայի ակումբներում։ 2000 թվականին հրավիրվել է ֆրանսիական «Մեց» ակումբի ֆուտբոլային դպրոց։ 2002 թվականին սկսել է խաղալ ակումբի հիմնական կազմում։ Այնուհետև, 2004 թվականին, վերադարձավ Գերմանիա, որտեղ էլ խաղաց «Մյունխեն 1860»-ում և «Ալեմանիայում» (Ախեն)։
2010 թվականին խաղացել է Ռումինիայում։ Սկսել է խաղալ բիստրիցյան «Գլորիայում», բայց նրանից հետո, երբ ակումբը տեղափոխվեց երրորդ լիգա, նա էլ տեղափոխվեց կլուժյան «Ունիվերսիտատյա»։ Խաղացել է նաև «Պետրոլուլում»։ 2012 թվականին եղել է բուխարեստյան «Ստյաուա» ակումբի խաղացող։ Որտեղ էլ 2013 թվականին դարձավ Ռումինիայի չեմպիոն և Ռումինիայի սուպերգավաթի հաղթող (Սուպերգավաթի եզրափակչում խփել է իր թիմի գոլերից մեկը)։
Խաղացել է Լեհաստանի երիտասարդական հավաքականում, որտեղ անցկացրել է 6 հանդիպում։
2013 թվականի հուլիսի 31-ին Լեհաստանի հավաքականի մարզիչ Վալդեմար Ֆորնալիկը նրան ընդգրկել է հավաքականի խաղերի կազմում։ 2013 թվականի օգոստոսի 14-ին իր դեբյուտն է նշում ազգային հավաքականում, խաղալով և հաղթելով Դանիայի հավաքականի դեմ կայացած ընկերական խաղում (3:2), որը խաղաց իր համար հարազատ քաղաքում[2]։ Հավաքականի կազմում առաջին գոլը խփել է 2014 թվականի սեպտեմբերի 7-ին, խաղալով Ջիբրալթարի հավաքականի դեմ, իսկ գոլային փոխանցումը ստացել էր թիմակից Մատեուշ Կլիխից[3]։
Լեհաստան
Գերմանիա
Ալ Իթիխադ (Ջիդդա)
Դանիա
Չեռնոգորիա
Ուկրաինա
Իռլանդիա
Շոտլանդիա
Ջիբրալթար
