Զիա Յուսիֆզադե
| Զիա Յուսիֆզադե | |
| Կրթություն՝ | Մոսկվայի պետական լեզվաբանական համալսարան |
|---|---|
| Մասնագիտություն՝ | զորավար |
| Ծննդյան օր | փետրվարի 15, 1929 |
| Ծննդավայր | Շաքի, Ադրբեջանական ԽՍՀ, ԱԽՖՍՀ, ԽՍՀՄ |
| Վախճանի օր | սեպտեմբերի 29, 2015 (86 տարեկան) |
| Վախճանի վայր | Բաքու, Ադրբեջան |
| Քաղաքացիություն |  Ադրբեջան
|
| Հայր | Q23684590? |
| Պարգևներ |
   և  |
Զիա Մամեդիա օղլու Յուսիֆզադե (ադրբ.՝ Ziya Məmmədiyyə oğlu Yusifzadə, փետրվարի 15, 1929, Շաքի, Ադրբեջանական ԽՍՀ, ԱԽՖՍՀ, ԽՍՀՄ - սեպտեմբերի 29, 2015, Բաքու, Ադրբեջան), ԽՍՀՄ պետական անվտանգության մարմինների և Ադրբեջանի ազգային անվտանգության նախարարության աշխատակից։ Հեյդար Ալիևի անվան ԱԱՆ ակադեմիայի նախկին ռեկտոր։
Կենսագրություն
[խմբագրել | խմբագրել կոդը]Ծնվել է Շաքի քաղաքում, ինտելիգենտ ընտանիքում[1]։ 1945 թվականին Զաքաթալայում ավարտել է միջնակարգ դպրոցը։ Դպրոցն ավարտելուց հետո Զաքաթալայում զբաղվել է մանկավարժական գործունեությամբ։ 1952 թվականին ավարտել է Մոսկվայի օտար լեզուների պետական մանկավարժական ինստիտուտը և ստացել անգլերենի ուսուցչի որակավորում։ Տիրապետել է չորս օտար լեզվի։ 45-ամյա ծառայության ընթացքում արժանացել է Ադրբեջանի Հանրապետության, ԽՍՀՄ-ի և այլ երկրների ավելի քան 40 մեդալների և շքանշանների։
Աշխատանքը ԽՍՀՄ ՊԱԿ-ում
[խմբագրել | խմբագրել կոդը]- 1952-1956 թվականներին կարևոր պաշտոններ է զբաղեցրել Ադրբեջանական ԽՍՀ-ի Լուսավորության նախարարությունում և մինիստրների խորհրդում։
- 1956 թվականին ծառայության անցավ Ադրբեջանական ԽՍՀ-ի Պետական անվտանգության կոմիտեում։
- 1972-1976 թվականներին եղել է ՊԱԿ հակահետախուզական բաժնի պետ, իսկ 1976 թվականից աշխատել է ՊԱԿ ղեկավարի առաջին տեղակալի պաշտոնում։
- 1980 թվականի հունիսի 18-ից մինչև 1988 թվականի օգոստոսի 11-ը եղել է Ադրբեջանական ԽՍՀ-ի ՊԱԿ նախագահ։ 1977 թվականին ստացել է գեներալ-մայորի, իսկ 1984 թվականին՝ գեներալ-լեյտենանտի կոչումներ։
- 1988-1992 թվականներին Ադրբեջնական ԽՍՀ մինիստրների խորհրդի միջազգային հարաբերությունների բաժնի պետ։
1992 թվականին անցել է թոշակի։
Վերադարձը զինվորական ծառայության
[խմբագրել | խմբագրել կոդը]Հաշվի առնելով կյանքի մեծ փորձը 1999 թվականի հունիսի 28-ին Ադրբեջանի նախագահ Հեյդար Ալիևի հրամանով Յուսիֆզադեն նշանակվում է Հեյդար Ալիևի անվան ԱԱՆ ակադեմիայի ղեկավար։
Քաղաքական գործունեությունը Ադրբեջանական ԽՍՀ-ում
[խմբագրել | խմբագրել կոդը]Զիա Յուսիֆզադեն մի քանի անգամ ընտրվել է Բաքվի խորհրդի Ադրբեջանական ԽՍՀ-ի Գերագույն խորհրդի և ԽՍՀՄ Գերագույն խորհրդի պատգամավոր։ 1970-1988 թվականներին նա եղել է Ադրբեջանական ԽՍՀ-ի Կոմկուսի Կենտկոմի անդամակցության թեկնածու։
Ծանոթագրություններ
[խմբագրել | խմբագրել կոդը]- ↑ http://www.azerbaijan.az/portal/StatePower/Ministers/ministersCabinet_11_r.html Արխիվացված 2015-06-10 Wayback Machine Родился в 1929 году в городе Шеки