Դևիդ Անդերս

Դևիդ Անդերս
Ծնվել է	մարտի 11, 1981(1981-03-11) (43 տարեկան)
Ծննդավայր	Գրանթս Փաս, Օրեգոն, ԱՄՆ
Քաղաքացիություն	ԱՄՆ
Մասնագիտություն	հեռուստատեսային դերասան, կինոդերասան և թատրոնի դերասան

Դևիդ Անդրես (անգլ.՝ David Anders Holt, մարտի 11, 1981(1981-03-11), Գրանթս Փաս, Օրեգոն, ԱՄՆ), դերասան, հայտնի դերերից են Ջուլիանա Սարկը «Լրտեսուհին» սերիալում, Ադամ Մոնրոն «Հերոսներ» սերիալում, Ջոն Գիլբերտը «Վամպիրի օրագրերը» սերիալում և Բլեյն Դեբիրսը «Ես զոմբի եմ» սերիալում։

Կենսագրություն

Անձնական կյանք

Անդրեսը ծնվել է Օրեգոն նահանգի Գրանտս Պասս քաղաքում՝ ԱՄՆ-ում Տոնի և Ջերի Հոլտի ընտանիքում։ Բացի նրանից, ընտանիքում եղել են նաև խորթ երեխաներ Ջեյսոնն ու Մայլին և հարազատ եղբայր Արիկը։ Դևիդը ընտանիքում փոքրն էր։ Մանկուց Անդերսը խաղացել է դպրոցական ներկայացումներում, սակայն հատուկ ուշադրություն է դարձրել սպորտին՝ բասկետբոլին և թենիսին։ 17 տարեկանում լինելով ավագ դպրոցում՝ Դևիդը խաղում էր Ֆիլիպ Առաքյալի դերը «Հիսուս Քրիստոսը Սուպերսթար» մյուզիքլի տեղական բեմադրության մեջ.։

Կարիերա

Տեղափոխվելով Լոս Անջելես՝ նա բեմական կեղծանուն է ընտրել Դևիդ Անդերսը, քանի որ Դևիդ Հոլթ անունն օգտագործում էր մեկ այլ դերասան։ 2001 թվականին Անդերսը «So Little Time» սերիալում խաղում է Օլսենի քույրերի հետ։ Ավելի ուշ՝ 2001 թվականին, նա Ջուլիան Սարկի դերը ստանում է «Լրտեսուհի» սերիալում։ Սկզբում ծրագրվում էր, որ Անդերսը հրավիրյալ աստղ կլինի, բայց հետո որոշվեց իրեն դարձնել մշտական գործող անձ։ «Լրտես» ֆիլմի նկարահանումների ժամանակ Դևիդը ոչ մեծ դերեր է խաղացել «Հմայվածները», «C. S. I.» և «Կրքի անատոմիա» սերիալներում, նկարահանվել է անկախ կինոյում և մասնակցել մի քանի փոքր բեմադրությունների։ 2002 թվականին Անդերսը հայտնվել է «Աղբյուր» ֆիլմում։ 2007 թվականին Դևիդը կատարել է Էլիի դերը համանուն ֆիլմում։ Նրա կարիերայի հաջորդ փուլը դարձել է Ադամ Մոնրոյի/Տակեզո Քենսեյի դերը «Հերոսներ» հայտնի սերիալում։ Բացի այդ, նա խաղացել է «Բարի գալուստ դրախտ 2։ Խութ» և «Հանդերձյալներ» ֆիլմերում։ Անդերսը որպես հրավիրված աստղ նկարահանվել է նաև «24» սերիալի ութերորդ եթերաշրջանում և կատարել Ջոն Գիլբերտի դերը «Վամպիրի օրագրերը» սերիալում 2010-2011 թվականներին։

Բարեգործություն

Անդերսը «Լրտեսուհին» և «Հերոսներ» սերիալում էր իր խաղընկեր Գրեգ Գրանբերգի հետ միասին եղել է Band from TV երաժշտական խմբի անդամ։ Նրանցից բացի այդ խմբում ներկայացել են այնպիսի աստղեր, ինչպիսիք են Հյու Լորիը («Հաուս»), Ջեսսի Սպենսերը («Հաուս»), Թերի Հետչեր («Հուսահատ տնտեսուհիները») և ուրիշներ։

Համերգներից և ալբոմի վաճառքից ստացված միջոցները հատկացվել են բարեգործության։

Ֆիլմագրություն

Տարի		Հայերեն անվանում	Բնօրինակ անվանում	Դեր
2002-2006	ս	Լրտեսուհին	Alias	Ջուլիան Սարկ
2002	ֆ	Աղբյուր	Sourge	Բուջի
2004	ս	C.S.I.: Հանցագործության վայրը	CSI	Տրեվիս Ուոտսոն
2005	ս	Կախարդվածները	Charmed	Գրաֆ Ռոժե
2005	ս	C.S.I.: Հանցագործության վայրը՝ Մայամի	CSI: Miami	Բրայան Միլլեր
2006	ֆ	Մոռացվածը մթության մեջ	Left in Darkness	Դոնովան
2007	ֆ	Էլի	ELI	Էլի
2007	ս	Կրքի անատոմիա	Grey's Anatomy	Ջիմ
2007	ս	Հերոս	Heroes	Ադամ Մոնրո /Տակեզո Կենսեյ
2009	ս	Խաբիր ինձ	Lie to Me	Սերժանտ Ռասսել Սքոտտ
2009	ֆ	Եգիպտացորենի երեխաները	Children of the Corn	Բերտոն Ստենտոն
2009	ֆ		The Revenant	Բարտ
2009	ֆ	Բարի գալուստ դրախտ 2։ Խութ	Into the Blue 2: The Reef	Կարտլոն
2010	ս	24 ժամ	24	Յոզեֆ Բաժաև
2010	ս	Պահոց 13	Warehouse 13	Ջոնա Ռայթ
2010	ս	Պաշտպանության տակ	Undercovers	Մետյու Հանտ
2010-2017	ս	Վամպիռի օրագիրը	The Vampire Diaries	Ջոն Հիլբերտ
2011-2016	ս	Մի անգամ հեքիաթում	Once Upon a Time	Վիկտոր Ֆրանկենշտեյն / Դոկտոր Բեյլ
2012	ս	Նետ	Arrow	Սայրուս Վենչ
2012	ս	Հաուս	House M.D.	Բիլլ Կոպելմեն
2012	ֆ	Հարևաններ	Neighbors	Տիմոտի Լոնգշենկս
2013	ս	Հարկավոր կոպտություն	Necessary Roughness	Տրոյ Կատլեր
2013	ս	Մտածել ինչպես հանցագործը	Criminal Minds	Անտոն Հարրիս
2015	ս	Հետապնդող	Stalker	Դարրեն Տայլեր
2015-2019	ս	Ես զոմբի եմ	iZombie	Բլեյն Դերբիս