Դիմիտր Տելկիսկի
 | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Դիմիտր Տելկիսկին «Ամկարա»-յում | |||||||||||||||||||||||||||||||||
| Անձնական տվյալներ | |||||||||||||||||||||||||||||||||
| Ամբողջական անուն | Դիմիտր Նիկոլաև Տելկիսկի | ||||||||||||||||||||||||||||||||
| Քաղաքացիությունը |
 Բուլղարիա | ||||||||||||||||||||||||||||||||
| Մականուն | Արջ (բուլղար․՝ Мечо) | ||||||||||||||||||||||||||||||||
| Ծննդյան ամսաթիվ | մայիսի 5, 1977[1][2][3] (47 տարեկան) | ||||||||||||||||||||||||||||||||
| Ծննդավայր | Պլովդիվ, Բուլղարիա | ||||||||||||||||||||||||||||||||
| Հասակ | 174 | ||||||||||||||||||||||||||||||||
| Քաշ | 68 | ||||||||||||||||||||||||||||||||
| Դիրք | կիսապաշտպան | ||||||||||||||||||||||||||||||||
| Ակումբային տեղեկություններ | |||||||||||||||||||||||||||||||||
| Ներկա ակումբ | ավարտել է կարիերան | ||||||||||||||||||||||||||||||||
| Պատանեկան կարիերա | |||||||||||||||||||||||||||||||||
| |||||||||||||||||||||||||||||||||
| Մասնագիտական կարիերա* | |||||||||||||||||||||||||||||||||
| Տարի | Ակումբ | Խաղ | (Գոլ) | ||||||||||||||||||||||||||||||
| |||||||||||||||||||||||||||||||||
| Ազգային հավաքական | |||||||||||||||||||||||||||||||||
| |||||||||||||||||||||||||||||||||
|
| |||||||||||||||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | |||||||||||||||||||||||||||||||||
Դիմիտր Նիկոլաև Տելկիսկի (բուլղար․՝ Димитър Николаев Телкийски; մայիսի 5, 1977[1][2][3], Պլովդիվ, Բուլղարիա), բուլղարիացի ֆուտբոլիստ, կիսապաշտպան։
Կենսագրություն
[խմբագրել | խմբագրել կոդը]«Բոտև»
[խմբագրել | խմբագրել կոդը]Դիմիտր Տելկիսկին հանդիսանում է Պլովդիվ քաղաքի «Բոտև» ֆուտբոլային ակումբի սան։ 1990-ից մինչև 1995 թվականները Տելկիսկին խաղացել է թիմի երիտասարդական կազմում։ 1995 թվականին Դիմիտրը մասնակցություն է ունեցել բուլղարական մեկ այլ՝ «Չիրպան» ակումբի խաղերին, իսկ 1996 թվականից մինչև 1999 թվականը խաղացել է «Բոտև» ակումբի հիմնական կազմում, որտեղ անցկացրել է 62 խաղ և խփել է 16 գոլ։
«Լևսկի»
[խմբագրել | խմբագրել կոդը]1999 թվականին Դիմիտր Տելկիսկին տեղափոխվել է մայրաքաղաքային «Լևսկի» ակումբ, որտեղ էլ հասել է իր կարիերայի հիմնական հաջողություններին․ «Լևսկիի» կազմում նա դարձել է Բուլղարիայի առաջնության հնգակի հաղթող, հինգ անգամ հաղթել է նաև Բուլղարիայի գավաթի խաղարկությունում, և երկու անգամ հաջողության է հասել Բուլղարիայի Սուպերգավաթի խաղարկությունում։
2005-2006 մրցաշրջանում Տելկիսկին «Լևսկի» ակումբի կազմում մասնակցել է ՈՒԵՖԱ Գավաթի խաղարկությանը, որտեղ ակումբը հասել է մինչև 1/4 եզրափակիչ։ Հաջորդ մրցաշրջանում ակումբը, որի կազմում էր նաև Տելկիսկին, հասել է Չեմպիոնների Լիգայի խմբային փուլ և այդպիսի արդյունքով դարձել է առաջին բուլղարական ֆուտբոլային ակումբը, որը հասել է խմբային փուլին։ «Լևսկի» ակումբի կազմում Տելկիսկին անցկացրել է 287 խաղ և խփել է 64 գնդակ։
«Հապոել»
[խմբագրել | խմբագրել կոդը]2008 թվականի հունվարի 3-ին «Լևսկին» և Թել Ավիվի «Հապոել» ակումբները համաձայնության են եկել Էլին Տոպուզակովի և Դիմիտր Տելկիսկու՝ իսրայելյան ակումբ տեղափոխության վերաբերյալ։ Երկու ֆուտբոլիստներն էլ պայմանագիր են կնքել «Հապոելի» հետ 2008 թվականի հունվարի 7-ին։ Տելկիսկին իր համար ընտրել է 31 համարը։ Դիմիտրի Տելկիսկին «Հապոելի» կազմում իր դեբյուտը նշել է 2008 թվականի հունվարի 12-ին Կֆար-Սավա քաղաքի «Հապոելի» դեմ խաղում, որտեղ թելավիվյան «Հապոելը» պարտվել է 1։2 հաշվով։ «Հապոելի» կազմում իր առաջին գոլը Տելկիսկին խփել է Հերցլիա քաղաքի «Մակկաբի» ակումբի դեմ խաղում՝ օգնելով իր թիմին հաղթել 3։2 հաշվով։ 2008 թվականին տեղի երկրպագուները Դիմիտր Տելկիսկուն ճանաչել են տարվա լավագույն ֆուտբոլիստ։
«Ամկար»
[խմբագրել | խմբագրել կոդը]Ռուսաստանում Դիմիտր Տելկիսկին կարող էր հայտնվել դեռ 2008 թվականին, երբ նա ստացել էր «Լուչ-Էներգիա» և «Ալանիա» ակումբներից հրավեր։ Բայց այն ժամանակ Տելկիսկին նախընտրեց իսրայելական «Հապոել» ակումբ[4]։ 2009 թվականի առաջին կեսում Տելկիսկին հրավեր է ստացել «Ամկարից», որի մարզիչը եղել է բուլղարիացի Դիմիտր Դիմիտրովը, ով ֆուտբոլիստի հետ շատ լավ ծանոթ էր դեռ «Լևսկիում» անցկացրած տարիներից։
Հուլիսի 18-ին Տելկիսկին հայտնվել է Պերմում[5], իսկ հուլիսի 28-ին կես տարվա պայմանագիր կնքեց ՖԱ «Ամկարի» հետ, այդպիսով դառնալով ՖԱ «Ամկար»-ի խաղացողների միջև չորրորդ բուլղարիական ֆուտբոլի ներկայացուցիչ[6]։
Դիմիտր Դիմիտրովը ֆուտբոլիստին վերցրել է փաստացի առանց դիտելու[4]։ Տելկիսկին հրավիրվել է կայունացնելու «Ամկարի» խաղը և ուժեղացնելու թիմի հարձակման պոտենցիալը։ Գլխավոր մարզիչ Դիմիտր Դիմիտրովի կարծիքով՝ Տելկիսկին բազմակողմանի խաղացող է, ով կարող է խաղալ կիսապաշտպանության գծում, կամ էլ ինսայդի դերում, ով համապատասխանում է սովորական 4-3-3 սխեմային, որն օգտագործում է «Ամկարը»[7]։
«Ամկարի» հետ ունեցած հարաբերությունների մասին Տելկիսկին ասել է հետևյալը․
«Ամկարն» իմ հայրենիքում ամենահայտնի ռուսական ակումբն է։ Քանի որ այնտեղ խաղում են միանգամից երեք բուլղարիացիներ՝ «Լևսկիում» և հավաքականում իմ հին թիմակիցներ Սիրակովը, Կուշևը և Պեևը, ինչպես նաև բրազիլացի Ժեան Կարլոսը նույնպես լավ ծանոթ է ինձ «Լևսկիից»։
- Դիմիտր Տելկիսկի[8]
«Ամկարի» կազմում առաջին անգամ Տելկիսկին խաղացել է 2009 թվականի օգոստոսի 9-ին մոսկովյան ԲԿՄԱ-ի դեմ. խաղն ավարտվել է ԲԿՄԱ-ի օգտին 1։0 հաշվով։ Այդ խաղի 82-րդ րոպեին Դիմիտր Տելկիսկին փոխարինել է Նիկոլայ Ժիլյաևին[9]։
Ընդհանուր առմամբ «Ամկարի» կազմում անցկացրել է 4 խաղ, որից հետո՝ հոկտեմբերի 17-ին, հայտարարվել է ակումբի և խաղացողի միջև երկկողմանի համաձայնությամբ պայմանագրի խզման մասին, որի համար որպես պատճառ նշվել է այն, որ Դիմիտրը չի կարողացել իր դերն ամրագրել հիմնական կազմում[10], սակայն հետագայում պարզ է դարձել, որ նրա կինը սիրեկան ուներ, երբ Տելկիսկին գտնվում էր Պերմում[11]։
Կրկին «Լևսկի»
[խմբագրել | խմբագրել կոդը]«Ամկարի» հետ պայմանագրի խզումից հետո Տելկիսկին վերադարձել է «Լևսկի», որի կազմում հանդես էր եկել ավելի վաղ՝ անցկացնելով այդ ակումբում իր խաղային կարիերայի մեծ մասը։
Անձնային որակներ
[խմբագրել | խմբագրել կոդը]Դիմիտր Տելկիսկին՝ որպես կիսապաշտպան, տարբերվում է մեծ արդյունավետությամբ[12]․ Բուլղարիայի և Իսրայելի առաջնություններում անցկացրած 398 խաղերում նա խփել է 88 գնդակ։ Համարվում է շարժական, ունիվերսալ խաղացող, ով կարող է խաղալ ինչպես կենտրոնում, այնպես էլ եզրերում[4]։ Հայտնի է լավ արագությամբ, հրաշալի դրիբլինգով, տուգանային և տասնմեկ մետրանոց հարվածների կատարմամբ։ Աշխատող ոտքը աջն է[13]։
«Բոտև» ակումբի երկրպագուների կողմից Տելկիսկին ստացել է «Մեչո» (բուլղար․՝ Мечо) մականունը, որը հայերեն թարգմանությամբ նշանակում է «արջ»[13], «թավշե արջուկ»։
Նվաճումներ
[խմբագրել | խմբագրել կոդը]Իր բոլոր պաշտոնական պարգևները Դիմիտր Տելկիսկին ստացել է «Լևսկի» ակումբի կազմում։
- Բուլղարիայի առաջնության հաղթող - 2000, 2001, 2002, 2006, 2007
- Բուլղարիայի Գավաթի հաղթող - 2000, 2002, 2003, 2005, 2007
- Բուլղարիայի Սուպերգավաթի հաղթող - 2005, 2007
- ՈՒԵՖԱ Գավաթ 2005-2006․ 1/4 եզրափակիչ
- ՈՒԵՖԱ Չեմպիոնների Լիգա 2006-2007․ Խմբային փուլ
- Թել-Ավիվի «Հապոելի» 2008 թվականի լավագույն ֆուտբոլիստ (ակումբի երկրպագուների կարծիքով)
Ծանոթագրություններ
[խմբագրել | խմբագրել կոդը]- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ 3,0 3,1 Արգենտինական ֆուտբոլի տվյալների շտեմարան (իսպ.)
- ↑ 4,0 4,1 4,2 «Դիմիտր Տելկիսկին Газета.ру կայքում». Արխիվացված օրիգինալից 2009 թ․ օգոստոսի 13-ին. Վերցված է 2009 թ․ օգոստոսի 13-ին.
- ↑ «Ամկարը» կարող է համալրել շարքերը երկու նորեկներով(չաշխատող հղում)
- ↑ ՖԱ «Ամկար» համալրվել է Բուլղարիայի չորս լեգեոներներով
- ↑ «Ամկար» գալիս են ևս երկու նորեկներ
- ↑ «Ամկար»-ը մոտ է Բուլղարիայի հավաքականի կիսապաշտպանի հետ պայմանագիր կնքելուն(չաշխատող հղում)
- ↑ «Не было бы счастья, да Нецид помог». Արխիվացված է օրիգինալից 2009 թ․ օգոստոսի 12-ին. Վերցված է 2017 թ․ հուլիսի 1-ին.
- ↑ Одним болгарином в «Амкаре» стало меньше
- ↑ Մեչո Տելկիսկին պաշտոնապես բաժանվեց(բուլղ.)
- ↑ В «Амкаре» может появиться четвёртый игрок-болгарин
- ↑ 13,0 13,1 Д. Телкийски на sports.ru
Արտաքին հղումներ
[խմբագրել | խմբագրել կոդը]- Վիճակագրութունը National Football Teams կայքում(անգլ.)
- Խաղացողի վիճակագությունը ՖԱ «Ամկարի» կայքում Արխիվացված 2009-08-07 Wayback Machine
|
