Գիտության և արվեստի թանգարան (Սինգապուր)

Գիտության և արվեստի թանգարան
Տեսակ	թանգարան
Երկիր	Սինգապուր
Տեղագրություն	Downtown Core?
Վայր	Մարինա Բեյ Սենդս
Հասցե	6 Bayfront Ave, Singapur 018974, 6 Bayfront Ave, Singapur 018974, 6 Bayfront Ave, Singapur 018974 և 6 Bayfront Ave, Singapore 018974
Հիմնադրվել է	փետրվարի 17, 2011
Տնօրեն	Հոնոր Հարգեր
Կայք	marinabaysands.com/ArtScienceMuseum

Գիտության և արվեստի թանգարան (Սինգապուր) (անգլ.՝ ArtScience Museum), թանգարան Սինգապուրի Մարինա-Բեյ ծոցի ափին։ Աշխարհում առաջին թանգարանն է, որը նպատակ է հետապնդում ուսումնասիրել ստեղծագործական գործընթացի դերը գիտության և արվեստի բնագավառում և դրա ազդեցությունը հասարակության գիտակցության վրա։ Las Vegas Sands Corporation -ի ներկայացուցիչ Շելդոն Ադելսոնի կարծիքով շինությունը քաղաքի և երկրի «այցեքարտն» է, որն իրենով ներկայացնում է «Սինգապուրի ողջույնի ափը»։

Շինության ոճը և ենթակառուցվածքը

Շինության ափսեանման տանիքը անձրևաջրեր է հավաքում դեպի կենտրոն, որի բացման շնորհիվ ջուրը հոսում է դեպի թանգարանի ներքին ջրամբար։ Թանգարանի անհամաչափ կառուցվածքը՝ մշակված Arup կազմակերպության կողմից, հասնում է մինչև 60 մետր բարձրության։ Ճարտարապետական ասամբլեան հենվում է 10 սյուների վրա՝ զամբյուղանման օղակով փակելով կենտրոնական մասը, որն էլ շինության հիմնական կրողն է։ Նման գեղագիտական և ինժեներական լուծման շնորհիվ տպավորություն է ստեղծվում, թե շենքը կախված է գետնին։ Շենքի արտաքին կողմն առանձնանում է ամրացված պոլիմերով, որը սովորաբար կիրառվում է նմանօրինակ մասշտաբով նավերի, զբոսանավերի կառուցման համար։ Հատկապես այդ նյութն է ստեղծում ամրակուռ կառույցի պատրանք։