Բյուլախ
| Բնակավայր | |||
|---|---|---|---|
| Բյուլախ | |||
| շվեյց. գերմ.՝ Bülach | |||
| |||
 | |||
| Երկիր |  Շվեյցարիա | ||
| Համայնք | Bülach District? | ||
| Մակերես | 16,09±0,01 կմ² | ||
| ԲԾՄ | 428 մետր, 431 մետր | ||
| Պաշտոնական լեզու | գերմաներեն | ||
| Բնակչություն | ▲24 186 մարդ (դեկտեմբերի 31, 2023)[1] | ||
| Հեռախոսային կոդ | 044 | ||
| Փոստային դասիչ | 8180 | ||
| Ավտոմոբիլային կոդ | ZH | ||
| Պաշտոնական կայք | buelach.ch | ||
| |||
Բյուլախ (գերմ.՝ Bülach), քաղաք Շվեյցարիայում՝ Ցյուրիխի կանտոնում։ Նույնանուն շրջանի վարչական կենտրոնն է; Գտնվում է Գլատ գետի հովտի արևելյան մասում՝ Ցյուրիխի օդանավակայանից 6 կիլոմետր դեպի հյուսիս։
Զբաղեցնում է 16.1 քառակուսի կիլոմետր տարածք, որի 33.2%-ն օգտագործվում է գյուղատնտեսական նպատակներով, 39.5%-ն էլ անտառապատ է։ 2017 թվականի դեկտեմբերի 31-ի տվյալներով Բյուլախում ապրում էր 19.888 մարդ։
Ժողովրդագրություն
[խմբագրել | խմբագրել կոդը]Քաղաքի բնակչության թվաքանակը պատմական ժամանակի ընթացքում կրել է հետևյալ փոփոխությունները[2][3]
| Տարին | Բնակչ. |
|---|---|
| Ուշ միջնադար | 500-ից պակաս |
| 16-18-րդ դարեր | մոտ. 1,000 |
| 1836 | 1,278 |
| 1850 | 1,545 |
| 1900 | 2,175 |
| 1920 | 3,239 |
| 1950 | 4,634 |
| 1970 | 11,043 |
| 2000 | 13,999 |
| 2005 | 14,815 |
| 2006 | 15,571 |
| 2008 | 16,589 |
| 2010 | 17,478 |
| Հունվար 2012 | 17,457 |
| Մայիս 2012 | 17,667 |
Պատմություն
[խմբագրել | խմբագրել կոդը]Պատմական փաստաթղթերում Բյուլախն առաջին անգամ հիշատակվել է 811 թվականին՝ որպես Pulacha[2] և, ինչպես իր ուսումնասիրություններից մեկում նշել է հնագետ Յոախիմ Վերները, ով հետազոտել է այս բնակավայրի միջնադարյան գերեզմանատունը, Բյուլախն այն հին ժամանակներից ընդգրկված է եղել Ալեմանի մարզի կազմում[4]։ Ավստրիայի Հաբսբուրգյան ազնվականական տոհմի ներկայացուցիչ, դուքս Լեոպոլդ Երրորդը Բյուլախին քաղաքի կարգավիճակ է շնորհել դեռևս 1384 թվականին՝ թույլատրելով, որ ունենա իր քաղաքային շուկան։
Տեսարժան վայրեր
[խմբագրել | խմբագրել կոդը]Պատմական այս բնակավայրը հարուստ է արժեքավոր հուշարձաններով, որոնց թվում են ռեֆորմիստական եկեղեցին, Sigristenkeller պատկերասրահը, Pfarrhaus-ը, Tithe ամբարը, Saint Laurentius եկեղեցին, քաղաքապետարանը՝ 74 մետր բարձրությամբ աշտարակով, որտեղից յուրաքանչյուր ամսվա առաջին շաբաթ օրը՝ երեկոյան ժամը 6-ից փողհարները կես ժամ շարունակ նվագում են։
Պատկերասրահ
[խմբագրել | խմբագրել կոդը]-
Հին քաղաքամասի Շուկայի թողոցը -
Բյուլախը 1838 թ. փորագրանկարում -
Տեսարան քաղաքից -
Երկաթուղային կայարանում -
Ռեֆորմիստական եկեղեցին (դրվագ) -
Կաթոլիկ եկեղեցին (դրվագ) -
Արհեստագործական դպրոցը -
Կինոթատրոնը -
Հիվանդանոցը
Կրթություն
[խմբագրել | խմբագրել կոդը]Քաղաքում գործող տարրական դպրոցներից են Schuleinheit Böswisli-ը[5], Schuleinheit Schwerzgrueb-ը[6], Schuleinheit Lindenhof-ը[7] և Schuleinheit Hohfuri-ը[8]։
Միջնակարգ դպրոցներն են Schule Hinterbirch-ն ու Schule Mettmenriet-ը[9][10]։ Բյուլախում գործում է նաև միջնակարգ արհեստագործական Kantonsschule Zürcher Unterland (KZU) դպրոցը։
Անվանի բյուլախցիներ
[խմբագրել | խմբագրել կոդը]
- Յուրգ Գուտկեխտ (ծնվ. 1949) - համակարգչագետ
- Դանիել Կլայներ (ծնվ. 1963) - դիրիժոր, Վիեննայի երաժշտության ու կատարողական արվեստի համալսարանի դասախոս
- Կլոդ Մայեր (ծնվ. 1964) - շվեյցարական զինված ուժերի գեներալ
- Մարզիկներ
- Կուրտ Կլինգլեր (ծնվ. 1928) - նախկին մարզական հրաձիգ, 1968 թվականի ամառային օլիմպիական խաղերի մասնակից
- Լուիս Պֆենիգեր (ծնվ. 1944) - նախկին մարզիկ հեծանվարշավորդ, 1964 թվականի ամառային օլիմպիական խաղերի մասնակից
- Նիկոլա Շպրինգ (ծնվ. 1982) - պրոֆեսիոնալ եռամարտիկ, 2012 թվականի ամառային օլիմպիական խաղերի մասնակից
- Սառա Մայեր (ծնվ. 1984) - նախկին գեղասահորդուհի, Շվեյցարիայի ութակի չեմպիոնուհի
- Մարտինա վան Բերկել (ծնվ. 1989) - լողորդուհի, 2012 թվականի ամառային օլիմպիական խաղերի մասնակից
- Նիլս Հինտերման (ծնվ. 1995) - լեռնադահուկորդ, աշխարհի գավաթի խաղարկության մրցումների մասնակից
- Նիկո Գեորգիդիս (ծնվ. 1996) - շախմատիստ, գրոսմայստեր
Ծանոթագրություններ
[խմբագրել | խմբագրել կոդը]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2023 — FSO, 2024.
- ↑ 2,0 2,1 Bülach in German, French and Italian in the online Historical Dictionary of Switzerland.
- ↑ accessed 17-Jun-2012 Արխիվացված Փետրվար 29, 2012 Wayback Machine
- ↑ J. Werner, Das alamannische Gräberfeld von Bülach, (Monographs in Ur- und Frühgeschichte Schweiz), Basel 1953.
- ↑ "Schuleinheit Böswisli." Primarschule Bülach. Retrieved on April 23, 2015.
- ↑ "Schuleinheit Schwerzgrueb." Primarschule Bülach. Retrieved on April 23, 2015.
- ↑ "Schuleinheit Lindenhof." Primarschule Bülach. Retrieved on April 23, 2015.
- ↑ "Schuleinheit Hohfuri." Primarschule Bülach. Retrieved on April 23, 2015.
- ↑ "Schule Hinterbirch." Sekundarskule Bülach. Retrieved on April 23, 2015.
- ↑ "Schule Mettmenriet." Sekundarskule Bülach. Retrieved on April 23, 2015.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Բյուլախ» հոդվածին։ |
| ||||||||||
