Արայիկ Հարությունյան (Արցախի նախագահ)

	Արայիկ Հարությունյան
Դրոշ	(4-րդ) Արցախի Հանրապետության նախագահ
մայիսի 21, 2020 - օգոստոսի 31, 2023
Նախորդող	Բակո Սահակյան
Հաջորդող	Սամվել Շահրամանյան
Դրոշ	(1-րդ) Արցախի Հանրապետության պետնախարար
սեպտեմբերի 25, 2017 - հունիսի 6, 2018
Հաջորդող	Գրիգորի Մարտիրոսյան
Դրոշ	(6-րդ) Արցախի Հանրապետության վարչապետ
սեպտեմբերի 14, 2007 - սեպտեմբերի 25, 2017
Նախորդող	Անուշավան Դանիելյան
Կուսակցություն՝	«Ազատ հայրենիք»
Կրթություն՝	Հայաստանի պետական տնտեսագիտական համալսարան (1990) և Արցախի պետական համալսարան (1998)
Գիտական աստիճան՝	տեխնիկական գիտությունների թեկնածու (2013)
Մասնագիտություն՝	քաղաքական գործիչ
Ծննդյան օր	դեկտեմբերի 14, 1973 (50 տարեկան)
Ծննդավայր	Ստեփանակերտ, ԼՂԻՄ, ԱԽՍՀ, ԽՍՀՄ
Քաղաքացիություն	ԽՍՀՄ և Արցախ
Ամուսին	Քրիստինա Հարությունյան
Զավակներ	3
Պարգևներ
Arayik Harutyunyan

Անվան այլ կիրառումների համար տե՛ս՝ Արայիկ Հարությունյան (այլ կիրառումներ)

Արայիկ Վլադիմիրի Հարությունյան (դեկտեմբերի 14, 1973, Ստեփանակերտ, ԼՂԻՄ, ԱԽՍՀ, ԽՍՀՄ), հայ պետական-քաղաքական գործիչ, Արցախի Հանրապետության նախագահ (2020-2023)^[1]^[2], խոշոր գործարար^[3]^[4], Արցախի նախկին պետական նախարար, Ազատ Հայրենիք կուսակցության նախագահ^[5]^[6], տեխնիկական գիտությունների թեկնածու։

2023 թվականի հոկտեմբերի 3-ին Ադրբեջանը Արցախի տարածքից առևանգել է Արայիկ Հարությունյանին, և այդ պահից նա գերու կարգավիճակով պահվում է Բաքվում^[7]^[8]։

Կենսագրություն

Կրթություն

1990 թվականին ավարտել է Ստեփանակերտի ֆիզմաթ դպրոցը և նույն թվականին ընդունվել Երևանի ժողտնտեսության ինստիտուտը։
1994 թվականին տեղափոխվել և 1995 թվականին ավարտել է Արցախի պետական համալսարանի տնտեսագիտական ֆակուլտետը։ 1996 թվականին ընդունվել և 1998 թվականին ավարտել է ԱրՊՀ ասպիրանտուրան՝ տնտեսագիտություն մասնագիտությամբ։
2013 թվականին պաշտպանել է ատենախոսությունը և դարձել տեխնիկական գիտությունների թեկնածու։

Գործունեություն

1995-1997 թվականներին աշխատել է ԼՂՀ էկոնոմիկայի և ֆինանսների նախարարությունում՝ որպես նախարարի օգնական։
1997-1999 թվականներին նա աշխատել է Հայագրոբանկի Ասկերանի մասնաճյուղում՝ որպես կառավարիչ։
1999-2004 թվականներին զբաղեցրել է Հայագրոբանկի Ստեփանակերտի մասնաճյուղի կառավարչի պաշտոնը։
2005 թվականին ընտրվել է ԼՂՀ ԱԺ պատգամավոր, մոտ երկու տարի նախագահել խորհրդարանի ֆինանսաբյուջետային և տնտեսական կառավարման հարցերի մշտական հանձնաժողովում, միաժամանակ եղել է Հայրենիք խմբակցության ղեկավարը։
2005-2007 թվականներին Ազատ Հայրենիք կուսակցության համանախագահը, ապա և՝ նախագահն էր։
2007-2009 թվականներին - Պատգամավորական գործունեությունը դադարեցրել և կուսակցապետի պաշտոնը թողել է ԼՂՀ վարչապետ նշանակվելու կապակցությամբ։
Արայիկ Հարությունյանը ԼՂՀ Նախագահի հրամանագրով վարչապետ է նշանակվել 2007 թվականի սեպտեմբերի 14-ին։
Արայիկ Հարությունյանը 2009 թ. հոկտեմբերից վերընտրվել է Ազատ Հայրենիք կուսակցության նախագահ։
Արցախի Հանրապետության նախագահի հրամանագրով 2012 թվականին վերանշանակվել է Արցախի Հանրապետության վարչապետ։
2017 թվականին որպես վարչապետ և իշխող կուսակցության ղեկավար աջակցել է Արցախում իրականացվող սահմանադրական փոփոխություններին, որի արդյունքում գործող նախագահը շարունակել է պաշտոնավարումը երրորդ ժամկետով առանց ընտրությունների անցկացման։
Նախագահի 2017 թվականի սեպտեմբերի 25-ի հրամանագրով Արխիվացված 2017-09-30 Wayback Machine նշանակվել է Արցախի Հանրապետության պետական նախարար։
2018 թվականի հունիսի 6-ին Արայիկ Հարությունյանն ազատվել է Արցախի Հանրապետության պետական նախարարի պաշտոնից՝ իր դիմումի համաձայն^[9], ապա նշանակվել Բակո Սահակյանի հատուկ հանձնարարությունների գծով խորհրդատու։
2020 թվականին կայացած նախագահական ընտրությունների գլխավոր թեկնածու։
Արցախի Հանրապետության նախագահ 2020 թվականի մայիսի 21-ից^[10] մինչև 2023 թվականի օգոստոսի 31-ը^[1]։
2023 թվականի հոկտեմբերի 3-ին նա Արցախի երկու նախկին նախագահների՝ Արկադի Ղուկասյանի, Բակո Սահակյանի և Ազգային ժողովի նախկին նախագահ Դավիթ Իշխանյանի հետ ձերբակալվել է Ադրբեջանի պետական անվտանգության ծառայության կողմից և բերվել Բաքու^[11]։

Կոչումներ և պարգևներ

Արայիկ Հարությունյանը պարգևատրվել է «Մարտական Խաչ» II աստիճանի շքանշանով։ Իսկ Արցախի նախագահի՝ 2016 թվականի օգոստոսի 30-ի հրամանագրով՝ Ա. Հարությունյանը պարգևատրվել է «Գրիգոր Լուսավորիչ» շքանշանով՝ Արցախի Հանրապետությանը մատուցած բացառիկ ծառայությունների համար և ի նշանավորումն Արցախի Հանրապետության հռչակման 25-րդ տարեդարձի։

Ծանոթագրություններ

↑ ^1,0 ^1,1 «Արայիկ Հարությունյանը հրաժարական է տվել». Արխիվացված է օրիգինալից 2023 թ․ օգոստոսի 31-ին. Վերցված է 2023 թ․ օգոստոսի 31-ին.
↑ «Լեռնային Ղարաբաղի նախագահ է ընտրվել Արայիկ Հարությունյանը».
↑ «Միչեւ վարչապետ դառնալը եղել եմ Արցախի ամենախոշոր գործարարը. Արայիկ Հարությունյանը՝ իր ունեցվածքի մասին» (արխիվացված)։
↑ «Ղարաբաղի պաշտոնաթող վարչապետը խոսել է իր բիզնեսների մասին» (արխիվացված)։
↑ «2020 թ. «Ազատ հայրենիք» կուսակցությունը ակտիվորեն մասնակցելու է Արցախում քաղաքական բոլոր գործընթացներին. Արայիկ Հարությունյան» (արխիվացված)։
↑ «2020 թվականին «Ազատ հայրենիք» կուսակցությունն ակտիվորեն մասնակցելու է քաղաքական բոլոր գործընթացներին. Արայիկ Հարությունյան» Արխիվացված 2019-07-19 Wayback Machine։
↑ «Ադրբեջանը ձերբակալել է Արցախի նախկին նախագահ Արայիկ Հարությունյանին». Hetq.am. 2023 թ․ հոկտեմբերի 3. Վերցված է 2023 թ․ դեկտեմբերի 6-ին.
↑ «Ադրբեջшնը ձերբակալել է նաև Արցախի նախկին նախագահ Արայիկ Հարությունյանին». www.tert.am. Արխիվացված է օրիգինալից 2023 թ․ դեկտեմբերի 7-ին. Վերցված է 2023 թ․ դեկտեմբերի 6-ին.
↑ «Նախագահ Սահակյանն ստորագրել է մի շարք հրամանագրեր». www.president.nkr.am. 2018 թ․ հունիսի 6.
↑ «Մեկնարկել է նորընտիր նախագահ Արայիկ Հարությունյանի երդմնակալության արարողությունը (Ուղիղ)». artsakhpress.am. 21 մայիսի, 2020, 18:00. Արխիվացված է օրիգինալից 2023-10-20-ին. Վերցված է 2020-05-21-ին.
↑ «Բաքուն Բակո Սահակյանին, Արկադի Ղուկասյանին և Դավիթ Իշխանյանին չորս ամսով կալանավորեց». azatutyun.am. 2023 թ․ հոկտեմբերի 5. Վերցված է 2023 թ․ նոյեմբերի 20-ին.

[:0-1] 1,0 ^1,1 «Արայիկ Հարությունյանը հրաժարական է տվել». Արխիվացված է օրիգինալից 2023 թ․ օգոստոսի 31-ին. Վերցված է 2023 թ․ օգոստոսի 31-ին.

[2] «Լեռնային Ղարաբաղի նախագահ է ընտրվել Արայիկ Հարությունյանը».

[news.am_Արայիկ_գործարար-3] «Միչեւ վարչապետ դառնալը եղել եմ Արցախի ամենախոշոր գործարարը. Արայիկ Հարությունյանը՝ իր ունեցվածքի մասին» (արխիվացված)։

[esspres_գործարար_Արայիկ_Հ-4] «Ղարաբաղի պաշտոնաթող վարչապետը խոսել է իր բիզնեսների մասին» (արխիվացված)։

[կուսակցական_Արայիկ_aysor.am-5] «2020 թ. «Ազատ հայրենիք» կուսակցությունը ակտիվորեն մասնակցելու է Արցախում քաղաքական բոլոր գործընթացներին. Արայիկ Հարությունյան» (արխիվացված)։

[6] «2020 թվականին «Ազատ հայրենիք» կուսակցությունն ակտիվորեն մասնակցելու է քաղաքական բոլոր գործընթացներին. Արայիկ Հարությունյան» Արխիվացված 2019-07-19 Wayback Machine։

[7] «Ադրբեջանը ձերբակալել է Արցախի նախկին նախագահ Արայիկ Հարությունյանին». Hetq.am. 2023 թ․ հոկտեմբերի 3. Վերցված է 2023 թ․ դեկտեմբերի 6-ին.

[8] «Ադրբեջшնը ձերբակալել է նաև Արցախի նախկին նախագահ Արայիկ Հարությունյանին». www.tert.am. Արխիվացված է օրիգինալից 2023 թ․ դեկտեմբերի 7-ին. Վերցված է 2023 թ․ դեկտեմբերի 6-ին.

[9] «Նախագահ Սահակյանն ստորագրել է մի շարք հրամանագրեր». www.president.nkr.am. 2018 թ․ հունիսի 6.

[10] «Մեկնարկել է նորընտիր նախագահ Արայիկ Հարությունյանի երդմնակալության արարողությունը (Ուղիղ)». artsakhpress.am. 21 մայիսի, 2020, 18:00. Արխիվացված է օրիգինալից 2023-10-20-ին. Վերցված է 2020-05-21-ին.

[11] «Բաքուն Բակո Սահակյանին, Արկադի Ղուկասյանին և Դավիթ Իշխանյանին չորս ամսով կալանավորեց». azatutyun.am. 2023 թ․ հոկտեմբերի 5. Վերցված է 2023 թ․ նոյեմբերի 20-ին.

[1]

[2]

[3]

[4]

[5]

[6]

[7]

[8]

[9]

[10]

[11]