Արաբական անապատ

Արաբական անապատ
Տեսակ	անապատ
Երկիր	Եգիպտոս,  Էրիթրեա,  Սուդան և  Եթովպիա
Վարչատարածք	Կարմիր ծով
ԲԾՄ	583 մետր

Արաբական անապատ (արաբ․՝ الصحراء الشرقية‎‎‎‎), անապատ Աֆրիկայում՝ Եգիպտոսում՝ Սահարայի հյուսիսարևելյան մասում։ Գտնվում է Նեղոսի հովտի և Կարմիր ծովի միջև։ Հարավում (հս. լ. 22°) միանում է Նուբիական անապատին։ Աշխարհագրության մեջ «Արաբական անապատ» եզրույթով հաճախ բնորոշվում են Արաբական թերակղզու անապատային շրջաններն ընդհանրապես։

Ռելիեֆ և կլիմա

Ռելիեֆում գերիշխում են բարձրավանդակները (միջին բարձրությունը՝ 500մ)։ Արևելքից Արաբական անապատը շրջապատված է լեռնաշղթայով, որի բարձրագույն գագաթներն են.

• Շաիբ էլ Բանատ (2.187մ)
• Կատար (1.963մ)
• Գարիբ (1.757մ)

Արաբական անապատի ընդարձակ տարածքները զբաղեցնում են անընդհատ շարժվող ավազաթմբերը։ Տարածքի մեծ մասը ընդհանրապես բնակեցված չէ հաճախակի դիտարկվող ավազային և փոշու փոթորիկների, ուժեղ քամիների պատճառով։ Բնորոշ է բարձր ջերմաստիճանը, տեղումների քիչ քանակը։

Պատկերասրահ

• 
  Արաբական անապատում ԳԱԶ-69-ի վրա
• 
  Անապատի տեսարան
• 
  Լուսնի խառնարանին նման լանդշաֆտ
• 
  Կարմիր ծովի ափերից հեռու
• 
  Քուսսեյրայի շրջանում ֆոսֆորի արդյունահանման պրիմիտիվ մեթոդ

Տես նաև

• Սահարա

Արտաքին հղումներ

• Кругосвет հանրագիտարան

Վիքիպահեստն ունի նյութեր, որոնք վերաբերում են «Արաբական անապատ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 667)։