Անդոկ
| Անդոկ | |
|---|---|
| Տեսակ | լեռ |
| Երկիր |  Թուրքիա |
| Լեռնաշղթա | Հայկական Տավրոս |
| Բարձրությունը ծովի մակարդակից | 2830 մետր |
Անդոկ, Անդովկ, Անդոք, Անգոքսաար, Անասգ, Անտոկ, Անտող, Անտոք, Հանդոք, լեռ Հայկական լեռնաշխարհում, Հայկական Տավրոսի լեռնաշղթայում, Մուշ քաղաքից հարավ-արևմուտք, բարձրություն 2830 մ, բարձրադիր լանջերը ծածկված են ալպյան բուսականությամբ, ավելի ցած աճում են նաև որոշ ծառատեսակներ ու թփուտներ։ Անդոկը Մուշի և Սասունի հայերի ապաստանն է եղել վտանգի ժամանակ։ 1915—1916 թթ Անդոկի վրա էին ապաստանել թուրք ջարդարարներից հալածված փախստական հայեր, որոնց մեծ մասը զոհվեց (տե՛ս Սասունի ինքնապաշտպանություն)։ Անդոկին սասունցիները մի տեսակ սրբազան, փրկարար սար են համարել։ Նրա մասին երգվել են երգեր, հորինվել ավանդություններ։ Անունը իբր ծագում է Անտոն ճգնավորի անունից[1]։
Ծանոթագրություններ
[խմբագրել | խմբագրել կոդը]- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի համալսարանի հրատարակչություն», 1986, էջ 258 — 992 էջ։