Գայոս Ալլեկտոս (լատին․՝ Gaius Allectus), հռոմեական կայսր, ուզուրպատոր ապստամբած Բրիտանիայում293-296 թթ.: Ալլեկտոսը ինքնահռչակ կայսր Կարաուզիոսի գանձապահն էր։ 293 թ. Բուլոնի ճակատամարտում Կարաուզիոսի պարտությունից հետո Ալլեկտոսը սպանել է նրան։ Բանակի հիմնական մասը Ալլեկտոսը կենտրոնացրել է կղզու հարավում, որպեսզի պաշտպանվի Կոնստանդիոս I Քլորի հարձակումից։ Կառավարել է բացարձակ բռնապետական կարգերով։ 296 թ. Կոնստանդիոս I Քլորի և նրա պրեֆեկտ Ասկլեպիոդոսի նավատորմիղը մոտեցել է Բրիտանիայի ափին։ Նավատորմի մի մասը ետ է դարձել, բայց Ասկլեպիոդոսի զորքին հաջողվել է հասնել ափին։ Ալլեկտը հանդիպել է նրանց զորքով, բայց ջախջախվել է և սպանվել փախուստի ժամանակ։
