Ալեքսանդր Գուրգենով

Ալեքսանդր Գուրգենով
Ծնվել է	փետրվարի 18, 1951(1951-02-18) Լվով, Ուկրաինական ԽՍՀ, ԽՍՀՄ
Մահացել է	հունիսի 19, 2011(2011-06-19) (60 տարեկան) Երևան, Հայաստան
Մասնագիտություն	դաշնակահար և մանկավարժ
Աշխատավայր	Երևանի Կոմիտասի անվան պետական կոնսերվատորիա

Ալեքսանդր Շալվոյի Գուրգենով (փետրվարի 18, 1951(1951-02-18), Լվով, Ուկրաինական ԽՍՀ, ԽՍՀՄ - հունիսի 19, 2011(2011-06-19), Երևան, Հայաստան), հայ դաշնակահար, մանկավարժ։ Պրոֆեսոր (2004 թվական)։

Կենսագրություն

Սովորել է Լվովի կոնսերվատորիայում (1969–1971 թվականներին), ավարտել Երևանի պետական կոնսերվատորիան (1974 թվական) և ասպիրանտուրան (1978 թվականին, երկուսն էլ՝ ղեկավար Աննա Ամբակումյան)։

1974 թվականից դասավանդել է Երևանի պետական կոնսերվատորիայում (ամբիոնի վարիչ՝ 2004–2011 թվականներին)։ Կազմել է «Հայ կոմպոզիտորների կամերային ստեղծագործությունների ժողովածուն» (ռուսերեն, 1990 թվական), համահեղինակ է «Օտարալեզու երաժշտական բառարանի» (2004 թվական)։

Դաշնակահարների համաուկրաինական (1969–1971 թվականներին), այսրկովկասյան (1972 թվական) մրցույթների դափնեկիր։

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։