Զամբյուղ (ծաղկաբույլ)

Զամբյուղ, (Calathidium), աստղածաղկազգիների ընտանիքին բնորոշ մոնոպոդիային ծաղկաբույլ` տափակած պարարտ առանցքով (ծաղկաբույլի պատյան)։ Զամբյուղը ըստ երևույթին, ունի բազմացեղային (պոլիֆիլետիկ) ծագում (ծաղկաբույլերի տարբեր տիպերից)։ Զամբյուղի պատյանը համարում են երկրորդային գոյացություն, որը ծագել է իրար մոտեցած և կարճացած ծաղկակոթերով տարբեր տիպերի ծաղկաբույլերի միջև փուխր պարենքիմի զարգացման հաշվին։ Նրա վրա պարուրաձև դասավորված են իրար կիպ կպած և ծայրամասից դեպի կենտրոն բացվող ծաղիկները։ Վերջինները շրջապատված են ամուլ ծաղկատերևներից բաղկացած ծածկոցով։ Զամբյուղումմ ծաղիկների թիվը 10-ից մինչև 1000 է։ Աստղածաղկազգիների տարբեր ցեղերի զամբյուղներում բոլոր ծաղիկները կամ միատեսակ են (լեզվակավոր), կամ ոչ միատեսակ և տարբերակված են ծայրայինների՝ զիգոմորֆների (կեղծ լեզվակավոր, ձագարաձև երկշուրթ), և միջնակաների՝ ակտինոմորֆների (խողովակավորներ)։ Բոլոր ծաղիկները (ներքին և ծայրային) կարող են լինել լեզվակավոր (խատուտիկ, եղերդակ) կամ խողովակավոր (ներքին ծաղիկների դեպքում), ծայրայինները կարող են լինել կեղծ լեզվակավոր (արևածաղիկ, օշինդր), ձագարաձև (տերեփուկ), երկշուրթ (հերբերա)։

Պատկերասրահ

• 
  Զամբյուղի դիագրամա
• 
  Սովորական երիցուկի (Bellis perennis) զամբյուղ
• 
  Արևածաղիկ՝ արտահայտված ափսեաձև զամբյուղով
• 
  Զամբյուղի ներքևի մասը (արևածաղիկ)
• 
  Գեղավեր՝ կուժաձև զամբյուղով
• 
  Ռուդբեկիա՝ կոնաձև զամբյուղով

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։