Zebnica (rěka)
| Sebnitz, Vilémovský potok | |
 Něhdyši železniski móst přez Zebnicu | |
| ćeče přez | Čěsku a Saksku |
| žórło | pola Brtník w Čěskej (50° 57′ 42″ S, 14° 25′ 58″ W50.96166666666714.432777777778 ) |
| wuliw | jako Lachsbach po zjednoćenju z Pólnicu do Łobja (50° 56′ 35″ S, 14° 8′ 6″ W50.94305555555614.135Koordinaty: 50° 56′ 35″ S, 14° 8′ 6″ W ) |
| mórski basenk | Sewjerne morjo |
| dołhosć | 30,8 km |
| přestrjeń rěčiny | 162 km² |
Zebnica (němsce Sebnitz) je lěwa žórłowa rěka Lachsbacha a běži w Čěskej a w Sakskej přez Saksku Šwicu. Na čěskim teritoriju rěka wona Vilémovský potok (němsce Wölmsdörfer Bach).
Geografija
[wobdźěłać | žórłowy tekst wobdźěłać]Zebnica resp. Vilémovský potok wužórli so w čěskej Šluknowskej pahórčinje (čěsce Šluknovská pahorkatina) w šěrokim dole mjez 608 m wysokej horu Hrazený (Pirsken) a 593 m wysokej Plešný (Plissenberg), kilometraj sewjerozapadnje wsy Brtníky (Zeidler). Rěčka běži do sewjerozapadneho směra hač do Velkeho Šenova (Groß Schönau), hdźež, běžo podłu doły rěčki Šenovský potok, swój běh měnja a přez Vilémov (Wölmsdorf) a Mikulášovice (Nixdorf) běži.
Spody tutych sydlišćow sta so Vilémovský potok mjez horu Spálený vrch (Hillebrand) (443 m) a Wolfstein (392,9 m) pola Doliny (Franzthal) z namjeznej rěčku mjez Čěskej a němskim wuběžkim Zebničanskeho lěsa, kotryž do čěskeho teritorija nutř saha. Wot tutoho wotrězka mjenuje so Zebnica abo Zebničanska rěčka. Za namjeznym přechodom Zebnica–Dolní Poustevna běži hišće něšto stow metrow jako namjezna rěčka a běži potom přez Zebnicu a molowniski Zebničanski doł, zo by so po 30,8 kilometrach z rěku Pólnicu pola Porschdorfa k Lachsbachej zjednoćiła. Delni dźěl Zebničanskeho doła je předewšěm přez železnisku čaru Sebnitztalbahn z jeje 7 tunlemi znaty.
Přitoki
[wobdźěłać | žórłowy tekst wobdźěłać]Wuznamne přitoki Zebnicy su
w Čěskej:
- Šenovský potok (Schönauer Bach), Velký Šenov
- Liščí potok (Hainsbach), spody města Velký Šenov
- Mikulášovický potok (Nixdorfer Bach), Vilémov
- Luční potok (Heimichbach), Dolní Poustevna
w Němskej:
- Finkenbach, Hofhainersdorf (měšćanski dźěl Zebnicy)
- Schönbach, Amtshainersdorf (měšćanski dźěl Zebnicy)
- Fischbach, spody Ulbersdorfskeho młyna
- Schwarzbach, pola młyna Buttermilchmühle
- Kohlichtgraben, pola młyna Kohlmühle
Fawna
[wobdźěłać | žórłowy tekst wobdźěłać]Wot lěta 1995 eksistuje krajnopřesahowy projekt Łobjowy łosos, kotrehož zaměr je znowawobsydlenje Łobja a někotrych přitokow, mj. dr. Zebnicy, z łososami. Tutón projekt je wuspěšny a je k tomu wjedł, zo je so łosos w Zebnicy zaso zdomjacnił.