Tonga
|
|
| hesło Ko e ʻOtua mo Tonga ko hoku tofiʻa | |
| zakładne daty: | |
| swójske mjeno | Puleʻanga Fakatuʻi ʻo Tonga (tongasce) Kingdom of Tonga (jendź.) |
| stolica | Nuku'alofa |
| přestrjeń | 747 km² |
| wobydlerstwo | 106.501 (2015)[1] |
| hustosć | 142,6 wob./km² |
| forma knježerstwa | parlamentariska monarchija |
| hłowa stata | kral Tupou VI. |
| šef knježerstwa | premier Pohiva Tuʻiʻonetoa |
| měna | Pa'anga |
| hamtska rěč | tongašćina, jendźelšćina |
| hymna | Ko e fasi ʻo e tuʻi ʻo e ʻOtu Tonga |
| časowe pasmo | UTC 13 |
| njewotwisnosć | 4. junija 1970 |
| Top Level Domain | .to |
| telefon | 676 |
| awtowa značka | TON |
| Połoženje Tongi na zemi | |
 | |
Kralestwo Tonga je kupowy stat w južnym dźělu Ćicheho oceana, kotryž słuša geografisce k Polyneziskej. Dnja 4. junija 1970 bu njewotwisny wot Zjednoćeneho kralestwa. Tonga je hač do dźensnišeho jenička monarchija w Oceaniji a jenički sobustaw Commonwealtha, kotryž ma swójsku dynastiju.
Geografija
[wobdźěłać | žórłowy tekst wobdźěłać]
K tongaskemu archipelej słušeja 176 kupow a atolow, kotrež rěkachu w zašłosći pola Europjanow tež Kupy přećelstwa. Wot nich su jenož 36 stajnje wobsydlene. Wone namakaja so w Pacifiku wuchodnje Fidźija, južnje Samowy a sewjernje Nowoseelandskeje. Tongaske wulkanowe kupy liča k Pacifiskej wulkanowej rynce. Wuchodnje wot jich namaka so hač 10.882 metrow hłuboka Tongaska hrjebina, kotraž słuša k najhłubšim mórskim hrjebinam na swěće. Najwyši wjeršk kraja je wjace hač 1.000 metrow wysoki a leži na kupje Kao.
Stolica a najwjetše město Tongy je Nuku'alofa na hłownej kupje Tongatapu z něhdźe 24.000 wobydlerjemi.
Wobydlerstwo
[wobdźěłać | žórłowy tekst wobdźěłać]98 % tongaskeho wobydlerstwa su Polynezičenjo. Tamni wobydlerjo su zwjetša Europjenjo, Chinjenjo a Indičenjo. Wjele tongaskich byrgarjow je stajnje we wukraju žiwe, předewšěm w Awstralskej, Nowoseelandskej a w Zjednoćenych statach.
Tongašćina słuša k polyneziskim rěčam, kiž su hałuza Awstroneziskich rěčow.
Infrastruktura
[wobdźěłać | žórłowy tekst wobdźěłać]Mjezynarodne lětanske linije zwjazuja Tongu z Awstralskej, Nowoseelandskej, Samou a Fidźijom. Tež mjez tongaskimi kupami je lětadło najwažniši wobchadny srědk.
Internet
[wobdźěłać | žórłowy tekst wobdźěłać]Tonga wobsedźi Top Level Domain .to, kotraž je w zapadźe wosebje dla wužiwanja za (ilegalne) wideostreaming-słužby znata.
Žórła
[wobdźěłać | žórłowy tekst wobdźěłać]Wotkaz
[wobdźěłać | žórłowy tekst wobdźěłać]
Commons: Tonga – Zběrka wobrazow, widejow a awdiodatajow
| ||||||||
