Tišnov
| ||
| Wopon | ||
|---|---|---|
| ||
| Zakładne daty | ||
| stat |  Čěska
| |
| kraj |  Južna Morawa
| |
| okres | Brno-venkov | |
| wysokosć | 256 metrow n.m.hł. | |
| přestrjeń | 17,13 km² | |
| wobydlerstwo | 9.267 (1. jan 2021)[1] | |
| hustosć zasydlenja | 541 wob. na km² | |
| póstowe čisło | 666 01 | |
| předwólba | ( 420) 05 | |
| Zarjadnistwo | ||
| webstrona | tisnov.cz | |
| Politika | ||
| měšćanosta | Bc. Jiří Dospíšil | |
| ||
| Wjeršk Květnice nad Tišnovom | ||
Tišnov (němsce Tischnowitz) je městačko z něhdźe dźewjeć tysac wobydlerjemi pod Čěskomorawskej wysočinu južneje Čěskeje republiki na srjedźnej Morawje. Leži na železniskej čarje mjez Brnom a Žďárom nad Sázavou.
Stawizny
[wobdźěłać | žórłowy tekst wobdźěłać]Tišnov je jedne z najstaršich městow srjedźneje Morawy a leži na starej wikowanskej dróze wot Morawy do Čech. Sydlišćo nasta něhdźe w lěće 1240 we wobwodźe abatisow z klóštra Porta Coeli jako wobhrodźena wikowanska stacija. W lěće 1428 bu Tišnov wot Husitow wobsadźeny a přez wulki měšćanski woheń zničeny. W Třicećilětnej wójnje so město wospjet wot wšelakich wójskow wobsadźi a zhubi wuznam.
Zajimawostki
[wobdźěłać | žórłowy tekst wobdźěłać]Klóšter Porta coeli (hornjoserbsce Njebjeske wrota, němsce Kloster Himmelspforte, čěsce Brána nebes) je cistercienski klóšter w Tišnovje w Morawje. Je so w lěće 1230 wot kralowny Constancie z Wuherskeje załožił. Klóšter Marijiny doł we Łužicy kupi klóšter Porta Coeli w lěće 1861 za 180.000 złotych, w lěće 1950 je so zawrěł a w lěće 1990 zaso wobnowił.
Dalša sostra tutoho konwenta běše Serbowka. Tež poslednja abatisa Annuntiata Bělkenc bě serbskeho pochada, wumrě w lěće 2003. Konwent založi 1915 klóštersku šulu za domjacnosć, kotra bě jenička w Rakusko-Wuherskej, tež serbskim dźowkam – kubłarkam přistupna.
W Tišnovje/Brnje ma nakładnistwo Sursum swoje sydło, hdźež su hižo někotre publikacije wo Serbach zdźěla w čěskej a zdźěla w serbskej a němskej rěči wušli.
Twarske pomniki
[wobdźěłać | žórłowy tekst wobdźěłać]- Sanatorij Dr. Františka Kuthana (1899) w młodźinskom stilu – architekt Hugo Kepka
- Měšćanska nalutowarna (1931–1933), jedno z najwuznamnych dźěłow moderneje architektury Čěskeje – architekti Bohuslav Fuchs a Jindřich Kumpošt
Rozrjadowanje města
[wobdźěłać | žórłowy tekst wobdźěłać]K městu Tišnov słušeja měšćanske dźěle Hajánky, Hájek, Jamné, Pejškov.
Žórła
[wobdźěłać | žórłowy tekst wobdźěłać]Wotkazy
[wobdźěłać | žórłowy tekst wobdźěłać]
Commons: Tišnov – Zběrka wobrazow, widejow a awdiodatajow- Websydło města Tišnov (čěsce)
- Informacije wo měsće (čěsce)