Sachalinska wišnja
| |
| Kćějaca sachalinska wišnja (Prunus sargentii) | |
| systematika | |
|---|---|
| Domena | Eukaryoty |
| Swět | Rostlinstwo |
| Rosidy Eurosidy I | |
| rjad: | (Rosales) |
| swójba: | Róžowe rostliny (Rosaceae) |
| podswójba: | (Spiraeoideae) |
| tribus: | Póčkosadowe rostliny (Amygdaleae) |
| ród: | Prunus |
| družina: | Sachalinska wišnja |
| wědomostne mjeno | |
| Prunus sargentii | |
| Rehder | |
Sachalinska wišnja (Prunus sargentii) je kerk abo štom ze swójby róžowych rostlinow (Rosaceae).
Wopis
[wobdźěłać | žórłowy tekst wobdźěłać]Sachalinska wišnja je kerk abo štom, kotryž docpěje wysokosć wot 6 hač do 10 (25) m. Rostlina je čućiwa přećiwo poćeženju powětra, ale zymokruta.
Skora je kastanijowa.
Łopjena
[wobdźěłać | žórłowy tekst wobdźěłać]Dołhojte, wótre, dwójce rězane łopjena docpěja dołhosć wot 7 hač do 12 cm. Jich nazymske barbjenje je oranžowe abo (šarlach)čerwjene.
Kćenja
[wobdźěłać | žórłowy tekst wobdźěłać]Kćěje srjedź nalěta, wot apryla hač do meje. Róžojte kćenja njesu ćmowe próškowe łopješka. Wone so před łopjenami jewja, docpěja přeměr wot hač do 4 cm a steja po dwěmaj hač po pjećoch we wokołkach.
Płody
[wobdźěłać | žórłowy tekst wobdźěłać]Płody su błyšćace a njejědźne. Wone docpěja tołstosć wot něhdźe 1 cm.
Stejnišćo
[wobdźěłać | žórłowy tekst wobdźěłać]Wona so jako pyšna drjewina w parkach a wulkich zahrodach plahuje. Ma radšo čerstwe hač włóžne, hłubokosahace, wutkate, wapnite pódy.
Rozšěrjenje
[wobdźěłać | žórłowy tekst wobdźěłać]Rostlina je domjaca w Japanskej, Korejskej a wuchodnej Siberiskej.
Žórła
[wobdźěłać | žórłowy tekst wobdźěłać]- Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 686 (němsce)
- Mayer, Schwegler: Welcher Baum ist das?, Bäume, Sträucher, Ziergehölze, ISBN 978-3-440-11273-1, strona 172 (němsce)
 |
Tutón zapisk wo botanice je hišće jara krótki. Móžeš pomhać jón dale wutwarjeć. Za to stłóč horjeka na Wobdźěłać.
Jeli maja w druhej rěči hižo wobšěrniši zapisk wo samsnej temje, móžeš tutón tež přełožić. |
Jeli ma zapisk wjace hač jedyn njedostatk, wužij prošu předłohu |