Cokow

**Cokow**
Zockau
	Połoženje Cokowa na karće Hornjeje Łužicy
	Połoženje Cokowa na karće Hornjeje Łužicy
gmejna:	Dobruša-Huska
zagmejnowanje:	1950 (do Huski)
wobydlerstwo:	94 (31. decembra 2022)
přestrjeń:	2,85 km²
wysokosć:	224 metrow n.m.hł.
	51.20722222222214.568055555556224 Koordinaty: 51° 12′ 26″ S, 14° 34′ 5″ W
póstowe čisło:	02633
předwólba:	035930
	wobydler/ka:; Cokowčan/-ka
	adjektiw:; Cokowski
	skłonowanje:; Cokowa, Cokowej, Cokow, Cokowom, w Cokowje
	wikidata: Cokow (Q160855)

Cokow (němsce Zockau) je hornjołužiska wjes ze 94 wobydlerjemi^[2] na juhu Budyskeho wokrjesa, kotraž słuša wot lěta 1999 ke gmejnje Dobruša-Huska.

Geografija

Leži něhdźe dźesać kilometrow zapadnje Budyšina, tři kilometry južnje Hodźija a 224 metrow nad mórskej hładźinu w hornjołužiskej pahórčinje při Čornicy.

Susodne wjeski su Brěza w Hodźijskej gmejnje na sewjeru, Hunćericy a Huska na juhowuchodźe, Mjedźojz (gmejna Zemicy-Tumicy) na zapadźe a Nowe Spytecy na sewjerozapadźe.

Michał Rostok naliči 1887 slědowace serbske ležownostne mjena: Krjach, Ladko, W hórkach, W kužołach, Pola Spytec, Pola Hunćeric, Pola Huski, Pola haja, Pola Kosyrnja, Na ladach, Na łučkach, W hajkach, W haće, W dole, We wuměnkach, Rokoćiny, Pola Noslic, Strónčki, Pola Mjedźowza, W Burjecach, Pusćina.^[3]

Stawizny

Po sydlišćowej formje je Cokow nawsowc. Prěni raz naspomni so pisomnje hižo w lěće 1238 jako sydło wěsteho knjeza Gerlachus miles de Zokowa. Kaž Hodźij njesłušeše do Hornjołužiskeho markhrabinstwa, ale bě jako prjedawše wobsydstwo Mišnjanskich biskopow hižo wot 1559 dźěl sakskeho kurwjerchowstwa. W slědowacych lětstotkach podsteješe wjes wšelakorym knjezam. Hišće w lěće 1559 słušeše do wobsydstwa Biskopičanskeje měšćanskeje rady, 1560 pak wukonješe hižo Póckowske ryćerkubło ležownostne knjejstwo we wsy. 1696 běše we wobsydstwje ryćerkubła w Počaplicach a 1764 měješe swójske ryćerkubło.^[4]

Cyrkwinsce přisłušachu Cokowčenjo hižo w 16. lětstotku Husčanskej ewangelskej wosadźe.

Hač do lěta 1950 bě Cokow samostatna gmejna a po tym najprjedy wjesny dźěl Huski.

Wobydlerstwo

W lěće 1884 měješe wjes po Mukowej statistice 128 wobydlerjow, mjez nimi 106 Serbow (83 %).^[5] 1925 bě wot cyłkownje 194 wobydlerjow 186 ewangelskich a sydom katolskich.

Wosobiny

Eberhard Dučman (1926–2005), twarski inženjer, profesor; rodźeny w Cokowje

Žórła

↑ staw: 31. decembra 2022; Podaća gmejnskeho zarjadnistwa Dobruše-Huski
↑ staw: 31. decembra 2022; Podaća gmejnskeho zarjadnistwa Dobruše-Huski
↑ Michał Rostok: Ležownostne mjena. W: ČMS 40 (1887), str. 3–50, tu str. 19 (digitalizat).
↑ Cokow w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 61. → wšě wjeski

Wotkaz

Commons: Cokow – Zběrka wobrazow, widejow a awdiodatajow

Wjesne dźěle Dobruše-Huski

[1] staw: 31. decembra 2022; Podaća gmejnskeho zarjadnistwa Dobruše-Huski

[2] staw: 31. decembra 2022; Podaća gmejnskeho zarjadnistwa Dobruše-Huski

[3] Michał Rostok: Ležownostne mjena. W: ČMS 40 (1887), str. 3–50, tu str. 19 (digitalizat).

[digit-4] Cokow w Digitalnym stawizniskim zapisu městnow Sakskeje (němsce)

[5] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 61. → wšě wjeski

[1]

[2]

[3]

[4]

[5]