Insaan ke paachan tantr
Insaan ke paachan tantr (Human digestive system) me gastrointestinal tract aur khaana pachae waala duusra organ (jiib, laar granthi (salivary gland), pancreas, liver aur gallbladder) hae. Ii ooth se suruu hoe hae aur gaanrr (anus) me khalaas hoe hae. Iske puura lambaai 9 metres hae.[1] Ii khaana ke tuurr ke chota chota chemical me kare hae jisse ii sahaj me khuun me sokhae (absorb) jaae hae. Ii mailaa bhi banae hae jiske dehin se bahaar paad ke, tatti kar ke, nait to mutti kar ke, nikaala jaae hae.
Khaana pachae waala process ke tiin hissa me baata jaae hae. Pahila hissa me gastric gland me se secretion hoe he khaana ke suung ke aur dekh ke. Ii hissa me khaana ke chabaana bhi hae aur muh me khaana laar se mile hae aur khanaa ke liilaa jaae hae. Duusra hissa peet me hoe hae jahaan pe khaana gastric acid (jon ki aslii me hydrochloric acid hae aur iske pH 1.5 se 3.5 talak hae[2]) se mil ke aur tuute hae aur khaana chhota atrrii me jaae hae. Tiisra hissa me, atrri me khaana ke enzymes, jon pancreas banae hae, se milae ke aur tuurra jaae hae. Insaan ke paachan tantr ke sab se barraa hissa, barraa atrrii hae, jahaan pe paani ke absorb karaa jaae hae aur mailaa ke rakkhaa jaae hae, tatti kare se pahile.[3]
References
[badlo | source ke badlo]- ↑ "Disintegration of solid foods in human stomach". Journal of Food Science 73 (5): R67–R80. June 2008. doi:10.1111/j.1750-3841.2008.00766.x. PMID 18577009.
- ↑ Elaine N. Marieb, Katja Hoehn, Katja N. Hoehn 2018. Human anatomy and physiology, 11th edition. Pearson Education, p1264. ISBN 978-0134580999
- ↑ "Large intestine". Encyclopedia Britannica. 2016. Retrieved 2 August 2024.