Anirudh Kuver
| Anirudh Kuver | |
|---|---|
| Janam | 1927 Sabeto, Nadi, Fiji |
| Ghar | United States |
| Citizenship | American |
| Jaati | Hindustani |
| Citizen | American |
| Parrhai | L.L.B |
| Parrhai ke jagha | University of Tasmania, Australia |
| Kaam | Wakiil, judge |
| Home town | Sigatoka |
| Jaana jaawe hae | Politician, Magistrate |
| Party | National Federation Party |
| Dharam | Hindu |
Anirudh Kuver (janam: 1927) Fiji ke ek teacher, wakiil, House of Representatives ke member aur Magistrate rahaa.
Sikchhaa
[badlo | source ke badlo]Kuver ke janam 1927 me Sabeto,Nadi, Fiji me, jahan pe uske pitaji ke kheti rahaa, bhais rahaa. Uu aapan Secondary sikchha ke Lautoka district, Fiji ke Natabua High School me paais. 1947-1948 talak uu Nasinu Teachers College me teacher ke parrhae karis. Uu chaar saal talak Primary school me parrhae ke baad 1953 se 1956 talak DAV High School, Ba district, Fiji me parrhaes. 1962 me uu Tasmania jaaw ke wakiili parrhis aur 1965 me in graduate hoe ke Hobart ke ek law firm, Finlay, Watchorn, Baker and Solomon ke saathe kaam karis.
Wakiili
[badlo | source ke badlo]1966 me uu Fiji laut ke Lautoka aur Sigatoka me aapan ofice kholis lekin kuchh din baad aapan Lautoka waala office band kar diis.
Politics me
[badlo | source ke badlo]1972 me Kuver, National Federation Party ke taraf se South Western Indian National Constituency me kharra bhais aur sab se surprise kar ke usse aur jaada jaana maana Alliance ke candidate, Vivekanand Sharma ke harae diis. Uu ii seat ke 1977 ke pahila election me fir se jiitis. Jab NFP split hoe gais tab uu Flower Faction ke Jai Ram Reddy ke saath diis. 1977 ke duusra election me uu, NFP ke split ke kaaran, appan seat haar gais. Ii time pe uu NFP ke General Secretary bhi banaa.
Magistrate
[badlo | source ke badlo]Politics se retire hoe ke baad uu 1992 me ek magistrate banaa aur chhe saal talak Fiji ke dher district me serve kare ke baad uu retire bhais.
Palwaar aur baad ke jindagi
[badlo | source ke badlo]2000 me uu United States migrate hoe gais. Uske lage char bhaeyya aur teen bahini the. Do bhaeyya aur ek bahini ke dehant ho gaya hae. Baki do bhaeyya aur do bahini USA me hae. Uske lage chaar larrkan aur cheh (6) naati-potaa hae.
References
[badlo | source ke badlo]