She fer reiree 'sy 12oo eash va Davy I (Gaelg Vean-eashagh: Dabíd mac Maíl Choluim; Gaelg Albinagh: Daibhidh I mac [Mhaoil] Chaluim; 1084 – 24 Boaldyn 1153). V'eh ny Lah er ny Cumbriee (1113-1124), ny Eearley er Northampton as Huntingdon as, ny s'anmey, ny Ree er ny h-Albinee (1124-1153). V'eh ny vac saa jeh Mylecholumb III ny h-Albey as Margaid Wessex. Cheau eh e vleeantyn beggey ayns Nalbin agh, lurg baase e phaarantyn ayns 1093, v'eh ceaut magh er eebyrtys fo laueyn e naim as y Ree noa, Donal III ny h-Albey.
