Baneag veg

Baneag veg
Bwoirrinagh Firrinagh
Rang oaylleeagh
Reeriaght: Animalia Phylum: Arthropoda Rang: Insecta Oardagh: Lepidoptera Kynney: Pieridae Genus: Pieris Dooie: P. rapae
Ennym daa-ennymagh
Pieris rapae (Linnaeus, 1758)

She foillycan ee baneag veg (Pieris rapae). T'ee ry-akin 'syn Oarpey, 'syn Affrick hwoaie, 'syn Aishey as 'sy Vretyn Vooar. T'ee er ny jannoo dooie ayns America Hwoaie, 'syn Austrail as 'sy Teelynn Noa chammah.

Jalloo-oaylleeaght

Ta'n çheu s'yrdjey bane ouyragh as ta birr ghooey er ny skianyn hoshee. Ta daa spot doo ayns mean skian hoshee ny mraane. Ta'n çheu s'inshley ouyr as breck doo er.

Ta'n phraddag glass as follit dy mie er duillagyn.

Bea

T'ad breh oohyn er dooieyn Brassicaceae, goaill stiagh caayl, rahgyl as callish Rangagh; er y fa shoh t'eh coondit myr paitt. T'ad breh ooh lomarcan er duillag y lus. Ta'n eie ayn dy ren Brassicaceae aafilley covestaghyn isothiocyanate noi praddagyn ny baneag veg.

Ta'n phraddag soie er çheu s'inshley ny duillagyn dys shaghney cragheyderyn; cha nel ad meevlasstal myr praddagyn ny baneag vooar. T'ad cadley yn geurey myr cryslid.

Ta foillycanyn aasit laaoil.

• 
  Praddag
• 
  Cryslid
• 
  Keintys
• 
  Giu naghtyr