Hamburg

Caayr Heyr as Hanseatagh Hamburg Freie und Hansestadt Hamburg
—  Steat  —
1-d straih: Reayrt er y Binnenalster; 2-h straih: Große Freiheit, Speicherstadt, yn awin Elbe; 3-oo straih: Alstersfleet; 4-oo straih: Purt Hamburg, thie oikyn y Lhonglann 1-d straih: Reayrt er y Binnenalster; 2-h straih: Große Freiheit, Speicherstadt, yn awin Elbe; 3-oo straih: Alstersfleet; 4-oo straih: Purt Hamburg, thie oikyn y Lhonglann
Brattagh Armys
Soiaghey Hamburg
Co-ordnaidyn: 53°33′N 10°00′E
Çheer	Y Ghermaan
Reiltys
- Y Chied-Veoir	Olaf Scholz (SPD)
Eaghtyr
- Caayr	755.26 km² (291.6 mi ker)
Yrjid	6 m (20 tr)
Earroo yn phobble (2012)
- Caayr	1,808,489
- Glooaght y phobble	2,395/km² (6,203/mi ker)
Cryss hraa	CET (UTC 1)
- Sourey (TTSL)	CEST (UTC 2)
Coad postagh	20001–21149, 22001–22769, 27499
Coad(yn) çhellvane	040, 04721
Recortyssey carbyd	HH
Ynnyd-eggey	www.hamburg.de

She Hamburg (Fockley magh ayns Germaanish: [ˈhambʊɐ̯k]; fockley magh ynnydagh: ASE: [ˈhambʊɪç]; Germaanish Eeghtyragh/Germaanish Eeghtyragh y Neear: Hamborg ASE: [ˈhaˑmbɔːx]), ny Caayr Heyr as Hanseatagh Hamburg dy h-oikoil, y nah chaayr smoo 'sy Ghermaan, y treeoo steat jeig smoo 'sy Ghermaan, as y sheyoo caayr smoo 'syn Unnaneys Oarpagh. Ta ny smoo na 1.8 millioon deiney cummal 'sy chaayr as ta ny smoo na 5 millioon deiney cummal ayns Ard Moirvaljagh Hamburg (goaill stiagh ayrnyn jeh ny steatyn conastagh elley ry-laue, Niedersachsen as Schleswig-Holstein). She Purt Hamburg y nah phurt smoo 'syn Oarpey (lurg Purt Rotterdam) as y jeihoo purt smoo 'sy theihll as ee ny soie er yn awin Elbe.

Ta ennym Hamburg, Caayr Heyr as Hanseatagh Hamburg (Germaanish: Freie und Hansestadt Hamburg), soilshaghey magh shennaghys y chaayr myr oltey jeh'n Chommeeys Hanseatagh, myr caayr heyr impiroil 'syn Impiraght Romanagh Vannee, as myr steat caayragh as fer jeh ny shey steatyn jeig 'sy Ghermaan. Roish Unnaneyssey ny Germaan 'sy vlein 1871 va Hamburg ny çheer heyr er lheh. Roish ny ceaghlaghyn bunraghtoil 'sy vlein 1919, va'n phobblaght heayagh goll fo stiurey rang ard-heyraanee eiraghtagh, ny Hanseaten.

She cree arraghey feer scanshoil ayns twoaie yn Ghermaan eh Hamburg as t'eh coontit myr fer jeh ny caayryn smoo berçhagh 'syn Oarpey. Haink er dy ve ny cree çhynskylagh as ym-ysseragh, as stashoonyn dellal as caaghyn ec Airbus, Blohm Voss as Aurubis ry-gheddyn ayn. Ta'n scaalheaneyder radio as çhellinsh, Norddeutscher Rundfunk, as soilsheyderyn lheid as Gruner Jahr as Spiegel-Verlag, coontit myr fir jeh ny colughtyn smoo scanshoil mastey yn çhynskyl ym-ysseraght ayns Hamburg. Ta Hamburg er ny ve coontit myr cree argidoil er feie ny keeadyn, as ta soiag y nah vanc shinney 'sy theihll, y Berenberg Bank, soit ayn.

Mooinjerys eddyr-ashoonagh

Son ny smoo fys jeeagh-shiu er: Rolley baljyn as caayryn lannoonit 'sy Ghermaan

Baljyn as caayryn lannoonit

Ta Hamburg goll er lannooney rish:

Caayr Pheddyr, y Roosh Marseille, y Rank Shanghai, Deynphobblaght ny Sheen Dresden, y Ghermaan León, y Nickeraag Osaka, y Çhapaan

Praag, y Phobblaght Çheck Chicago, Illinois, ny Steatyn Unnaneysit Dar es Salaam, Tanzania Hamburg, Pennsylvania, ny Steatyn Unnaneysit Auckland, y Teelynn Noa São Paulo, y Vrasseel