Zuera
| ||||
| Localización | ||||
|---|---|---|---|---|
| ||||
| Estado | España | |||
| Comunidade autónoma | Aragón | |||
| Provincia | Provincia de Zaragoza  | |||
| Capital | Zuera | |||
| Poboación | ||||
| Poboación | 8.677 (2023) (26,12 hab./km²) | |||
| Xeografía | ||||
| Parte de | ||||
| Superficie | 332,249586 km² | |||
| Altitude | 280 m | |||
| Comparte fronteira con | ||||
| Organización política | ||||
| • Alcalde | Antonio Jesús Bolea Gabaldón (en)  | |||
| Identificador descritivo | ||||
| Código postal | 50800 | |||
| Fuso horario | ||||
| Código INE | 50298 | |||
| Outro | ||||
| Irmandado con | ||||
| Páxina web | ayunzuera.com | |||
 | ||||
Zuera é un concello español situado na provincia de Zaragoza, en Aragón. Atópase a 25 km ao norte da cidade de Zaragoza, en dirección Huesca. En 2016 tiña 7978 habitantes.
Xeografía
[editar | editar a fonte]A vila de Zuera está emprazada en ambas as marxes do río Gállego, a 25 km de Zaragoza e a 46 km de Huesca. Pertencente á comarca de Zaragoza, é o cuarto concello con máis habitantes da mesma, despois da capital, Utebo e Cuarte de Huerva. O termo municipal, de 333,17 km², é o quinto máis grande da provincia e a maior parte dos asentamentos urbanos localízanse na ribeira do Gállego, seguindo o eixo lonxitudinal que marcan a autovía Mudéxar, a estrada N-330 e a liña de ferrocarril. Presenta fortes variacións topográficas, desde os 746 msnm de La Lomaza ata os 279 msnm do centro urbano, xunto ao río.
Conforma xunto coas localidades de San Mateo de Gállego, Villanueva de Gállego, Gurrea de Gállego, La Paúl e El Temple a rexión coñecida como Bajo Gállego, aínda que esta zona non funciona como comarca administrativa.
Demografía
[editar | editar a fonte]Tiña en 2016 unha poboación de 7.978 habitantes, agrupados nos núcleos de Zuera, El Portazgo, Las Galias, Barrio de la Estación, Ontinar de Salz e Las Lomas del Gállego.
| 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 | 2008 |
|---|---|---|---|---|---|---|---|---|---|---|---|---|
| 2.471 | 2.825 | 3.598 | 3.860 | 4.420 | 4.793 | 5.340 | 5.122 | 5.168 | 5.294 | 5.640 | 6.424 | 7.288 |
Economía
[editar | editar a fonte]A principal base económica de Zuera é a agricultura, con 18.012 hectáreas de labor de acordo ao Censo Agrícola de 1972, das que unha quinta parte corresponde a regadío. O regadío no fondo do val recibe a auga de quenllas derivadas do Gállego e da Canle da Violada. Os produtos principais son o millo, a alfalfa, o trigo, algunhas praderías e cultivos hortícolas.
A actividade industrial foi progresivamente adquirindo maior protagonismo. Entre as industrias instaladas destacan as alimentarias, téxtiles, construción e outras. O despegamento industrial de Zuera empezou a finais da década de 1960, ao inaugurarse o polígono El Campillo. Na actualidade, o polígono industrial Los Llanos de la Estación, construído pola SEPES a iniciativa municipal, conta cun elevado nivel de ocupación.
Lugares de interese
[editar | editar a fonte]- Igrexa de San Pedro
- Ermida da Virxe do Salz
- Arco da Mora
- Montes de Zuera
- Parque fluvial do Gállego
Festas e celebracións
[editar | editar a fonte]As festas maiores celébranse entre o 25 e o 30 de agosto na honra a San Licer, patrón de Zuera. En Pentecoste realízase a romaría á ermida da Virxe do Salz. Outras celebracións destacadas son o San Xurxo, o 23 de abril, e a Festa do Cristo, a segunda fin de semana de setembro.
.svg){kind=small}
