Xurxo Lobato

Xurxo Lobato

(2017)
Biografía
Nacemento	1956 (67/68 anos) A Coruña, España
Educación	Universidade de Santiago de Compostela
Actividade
Ocupación	fotógrafo, fotoxornalista
Membro de	Real Academia Galega de Belas Artes
Premios
Ortega y Gasset Awards (en)
Páxina web	xurxolobato.gal

Xurxo Lobato Sánchez, nado na Coruña o 29 de abril de 1956, é un fotógrafo galego. É membro da Real Academia Galega de Belas Artes "Nosa Señora do Rosario".

En 2020 foi Premio da Cultura Galega.

Traxectoria

Formación

Foi estudante de bacharelato no IES Monelos da Coruña e licenciado en Xeografía e Historia coa especialidade de Historia Contemporánea pola Universidade de Santiago de Compostela no ano 1979.

Actividade profesional

En 1977 foi fotógrafo colaborador nos seguintes xornais e revistas: Teima, Man Común, A Nosa Terra, correspondente gráfico de El País e a Axencia Cover, Cambio16, Vogue, Elle, Telva, Geo, Feinsmeicker, Der Spiegel, El Mundo, La Vanguardia, El Periódico, El Dominical, El Semanal, National Geographic, Historia National Geographic, Viajar, Spain Gourmetour, Sobremesa e Capital. Esta ampla actividade fotoxornalística valeulle ser incluído dentro da corrente fotográfica do documentalismo español.

En 1980 comezou a traballar en La Voz de Galicia, onde desde o 1986 é xefe de fotografía e coordinador da axencia Voz Noticias. Chegou a ser redactor xefe de fotografía e Arquivo Gráfico de La Voz de Galicia até 2004. Entre 1990 e 1991 foi director do seminario Fotoxornalismo no "Centro de Enseñanzas de la Imagen" de Santiago de Compostela. De 1993 a 2002 foi profesor de Fotoperiodismo na Escola de Medios de Comunicación de La Voz de Galicia, na Universidade da Coruña. En 1996 foi nomeado director do seminario Fotoperiodismo y comunicación visual. En 1997 foi director do seminario Imaxe e información, da UIMP. Un ano despois foi o coordinador do encontro A fotografía como memoria histórica, organizado polo Consello da Cultura Galega en Santiago de Compostela. Así mesmo, participou noutros seminarios sobre fotoperiodismo e fotografía dixital.

En 1981 participou na viaxe do Xurelo á Foxa Atlántica, onde realizou un traballo fotográfico que axudou na paralización dos verquidos radioactivos.

Dende 1998 a súa obra chegou ao público a través de numerosas exposicións e publicacións, tanto individuais como colectivas. Asemade recibiu múltiples premios e bolsas en recoñecemento ao seu traballo, que se atopa representado en moitas das mellores coleccións de centros de arte de España. Así, por exemplo, recibiu o Premio da Crítica no Día das Letras Galegas (1991), o premio Compostela 93, o premio Ortega y Gasset (2003), o premio Polo prestixio na información pola Plataforma Nunca Máis en Vigo (2003), o premio Fotoperiodismo Desarrollo Sostenible en Doñana (2004), o premio Sumiller Gallaecia (2005) , o Gourmand World Cookbook (2008), o Best Wine Book Award 2013 na categoría de Fotografía e viño de España polo libro Rías Baixas, o viño do mar. e o "Premio Artes Plásticas da Cultura Galega" (2020). No 2006 foi elixido Académico numerario da Sección de Artes da Imaxe da Real Academia Galega de Belas Artes de Nosa Señora do Rosario. Por outra banda, ten obra exposta no Museo Raíña Sofía (Madrid), na Deputación da Coruña, no IVAM (Valencia) e no Centro de Estudos Fotográficos (Vigo).

Obra

Bibliográfica

• Lobato, X.; Valle Pérez, J. (1991). Imaxes da arte en Galicia. Catalogación arqueolóxica e artística de Galicia do Museo de Pontevedra. A Coruña: Fundación Barrié de la Maza. ISBN 84-87819-11-7. 
• Lobato, X.; Carandell, L (1991). El Camino de Santiago (en castelán). Barcelona: Lunwerg , S.L. ISBN 978-84-7782-147-2. 
• Lobato, X.; García Bayón, C. (1993). Nomadeando los montes y ríos de "O Invernadeiro" (en castelán). A Coruña: Xunta de Galicia. ISBN 978-84-453-0955-1. 
• Lobato, X.; Varela, J. (1994). Ancares. Santiago de Compostela: Fundación Caixa Galicia. ISBN 978-84-605-1505-0. 
• Lobato, X. (1995). Galegos na escaleira. Santiago de Compostela: Fundación Caixa Galicia. ISBN 978-84-89231-09-2. 
• Lobato, X. (1998). Viguíssimos. Santiago de Compostela: Fundación Caixa Galicia. ISBN 978-84-89231-76-4. 
• Lobato, X.; Rey Berguer, E.; Berlanga Martínez, N (2000). El color del sur ano (en castelán). A Coruña: Concello da Coruña. ISBN 978-84-86836-23-8. 
• Lobato, X.; Rivas, M.; Estévez Fernández, X.; Truini, W. (2000). Compostela, vanguardia y sosiego (en castelán). Barcelona: Lunwerg, S.L. ISBN 978-84-7782-650-7. 
• Lobato, X.; Patiño Pérez, A.; Coombs, S. (2001). Xurxo Lobato: la mirada encrucijada (en castelán). Madrid: La Fábrica. ISBN 978-84-95471-26-0. 
• Lobato, X.; Alonso, Sandra; Blanco, Ignacio; Barreiro, Dolores; Cabana, Miguel; Flores, Jesús; Fraga, Jesús; Parada, Carmen; Seoane, Pepe (2001). La Galicia de los pazos. A Coruña: La Voz de Galicia-Biblioteca Gallega. p. 312. 
• Lobato, X.; Casares, C. (2001). O antigo Café Moderno de Pontevedra. Santiago de Compostela: Fundación Caixa Galicia. ISBN 978-84-95491-33-6. 
• Lobato, X.; Rozas, M.; Martínez Castro, X.; Joyce, D. (2002). Imágenes de la memoria. A Coruña: Fundación Eugenio Granell. ISBN 978-84-89440-29-6. 
• Lobato, X. (2003). Orgullo de Ferrol. A Coruña: La Voz de Galicia, S.A.-Biblioteca Gallega. ISBN 978-84-9757-110-4. 
• Lobato, X. (2003). No país do nunca máis: reportaxe. Vigo: Editorial Galaxia. ISBN 978-84-8288-616-9. 
• Lobato, X.; Zarzalejos Nieto, M.; Sacha (2003). Gastronomía en el camino de Santiago (en castelán). Barcelona: Lunwerg , S.L. ISBN 978-84-7782-977-5. 
• Lobato, X. (2003). Galicia camino celeste (en castelán). Barcelona: Lunwerg , S.L. ISBN 978-84-7782-926-3. 
• Lobato, X.; Zarzalejos Nieto, M.; Langdon-Davies, A.; Rees, R.; Sacha (2003). Cuisine on the road to Santiago (en inglés). Barcelona: Lunwerg, S.L. ISBN 978-84-7782-978-2. 
• Lobato, X. (2004). Homenaje a Claudio Movilla (en castelán). Barcelona: Editorial Ronsel. ISBN 978-84-88413-83-3. 
• Lobato, X.; Chamorro, E. (2004). La Galicia de los monasterios. A Coruña: La Voz de Galicia-Biblioteca Gallega. p. 276. ISBN 978-84-9757-123-4. 
• Lobato, X.; Sotelo Blanco, O. (2006). Xentes do mar do Grove. Santiago de Compostela: Sotelo Blanco Edicións. ISBN 978-84-7824-487-4. 
• Lobato, X.; Costa Clavell, J. (2006). A cociña galega en España. Santiago de Compostela: Sotelo Blanco Edicións. ISBN 978-84-7824-498-0. 
• Lobato, X.; Candán Illán, J.; Langdon-Davies, A. (2007). Mares de Finisterrae (en castelán). Barcelona: Lunwerg , S.L. ISBN 978-84-9785-400-9. 
• Lobato, X.; Truini, W. (2007). Ebro: el río y la vida (en castelán). Barcelona: Lunwerg, S.L. ISBN 978-84-9785-382-8. 
• Lobato, X.; Truini, W. (2008). Peregrinajes: 365 pasos por el Camino de Santiago (en castelán). Barcelona: Lunwerg, S.L. ISBN 978-84-9785-408-5. 
• Lobato, X.; Pérez Alberti, A.; Langdon-Davies, A.; Greedy, M. (2008). Espacios naturales de Galicia (en castelán). Barcelona: Lunwerg , S.L. ISBN 978-84-9785-484-9. 
• Lobato, X.; Morganti, F.; Caseiro Nogueiras, D. (2008). Vacas: a súa dignificación sexual e gastronómica. León: Editorial Everest, S.A. ISBN 978-84-441-0117-0. 
• Lobato, X.; Rosario Sarmiento (2016). Contravento e marea. Itinerarios converxentes. Centro Municipal Valente, Concello de Ourense / Museo Interactivo de Historia de Lugo, Concello de Lugo. 

Véxase tamén

Ligazóns externas

• Páxina web de Xurxo Lobato
• Ficha na Academia Gallega de Belas Artes (pdf)