Winston-Salem

Winston-Salem

Epónimo	Joseph Winston (pt)
Localización
36°06′09″N 80°15′38″O
Estado	Estados Unidos de América
Estado federado	Carolina do Norte
County of North Carolina (en)	Condado de Forsyth (pt)
Capital de	Condado de Forsyth (pt)
Poboación
Poboación	249.545 (2020) (720,51 hab./km²)
Número de fogares	96.611 (2020)
Xeografía
Situado na entidade territorial estatística	Winston-Salem metropolitan area (en) (Poboación:675.966)
Superficie	346,346052 km²
Auga	0,9324 % (1 de abril de 2010)
Bañado por	Salem Creek (en)
Altitude	300 m
Creación	1766
Organización política
• Mayor of Winston-Salem, North Carolina (en)	Allen Joines (pt)
Identificador descritivo
Código postal	27104
Fuso horario	Zona de Tempo Oriental
Prefixo telefónico	336
Outro
Irmandado con	Kumasi Ungheni (pt) Nassau Freeport (pt) Shanghai (2006–)
Sitio web	cityofws.org

Winston-Salem é unha cidade dos Estados Unidos, no estado de Carolina do Norte, con 229 617 habitantes censados no 2010. Winston-Salem é a sede do condado de Forsyth, a cidade máis grande deste e a cuarta máis grande do estado (aínda que unha estimación do censo de 2011 estimando a poboación en 232 385 habitantes fai que Winston-Salem sexa a quinta).

Winston-Salem é o segundo municipio máis grande da rexión de Piedmont Triad, albergando tamén o edificio de oficinas máis alto, 100 North Main Street, anteriormente o Edificio de Wachovia e agora coñecido localmente como o Centro de Wells Fargo. Winston-Salem tamén se denomina a "cidade xemelga" pola súa dobre herdanza e "Cidade das Artes e da Innovación" pola súa dedicación ás artes plásticas, ao teatro e á investigación tecnolóxica. "Camel City" é unha referencia á participación histórica da cidade na industria tabaqueira relacionada cos cigarros Camel da base local RJ Reynolds Tobacco Company. Moitos dos lugareños refírense á cidade como "Winston" na fala informal.

Descrición

O distrito de Old Salem (1766), Historic Bethabara (1753) e os lugares de Bethania (1759) son os lugares máis antigos da cidade, de interese histórico. Tamén é de interese histórico Vila Reynolda (que inclúe os xardíns Reynolda e a Casa Reynolda, Museo de Arte Americana). Outros sitios de interese son o Horne Creek Historic Farm, Parque Tanglewood , o centro educativo SciWorks, e SECCA, o Centro de Arte Contemporánea do Sueste. Os deportes máis importantes da cidade e os lugares de lecer están organizados nun grupo coñecido como o Winston-Salem Entertainment-Sports Complex.

A área metropolitana de Winston-Salem ( MSA ) ten unha poboación de 468 124 habitants segundo as estimacións do 2008 da Oficina do Censo dos EAU. A partir do 2008, a área estatística combinada (CSA) de Greensboro / Winston-Salem / High Point, a tríade de Piedmont , ten unha poboación de 1 603 101 habitantes, polo que é a 30ª área metropolitana máis grande nos EAU. No 2012, a cidade foi incluída entre os 10 mellores lugares para xubilarse nos EAU pola Money Watch CBS.

Historia

Salem

A orixe da cidade de Salem remóntase a xaneiro do 1753, cando o bispo August Gottlieb Spangenberg, no nome da Igrexa Morava, seleccionou un lugar de asentamento en Muddy Creek. Chamoulle a esta zona "die Wachau" ( latín: Wachovia ) o nome da propiedade ancestral do Conde Nicolaus Ludwig von Zinzendorf. A terra, pouco menos 400 km², foi mercada posteriormente a John Carteret, 2º Earl Granville. O 17 de novembro de 1753 chegaron os primeiros colonos ao que máis tarde se convertería na cidade de Bethabara, que non estaba concibida para ser o asentamento primario, e algúns residentes desprazáronse a un asentamento próximo chamado Bethania no 1759. Por último, houbo un sorteo para seleccionar entre os lugares adecuados a situación dunha nova cidade.

Á cidade establecida no lugar elixido déuselle o nome de Salem (da palabra hebrea Shalom para "paz") ​​elixido polo último patrón moravo, o conde Zinzendorf. O 6 de xaneiro de 1766, tirouse a primeira árbore para a construción de Salem. Salem era un asentamento típico de congregación morava cos edificios públicos agrupados en torno a unha praza central, hoxe Salem Square. Estes inclúen a igrexa, a Casa dos Irmáns e maila Casa das Irmás dos membros solteiros da Congregación, que era propietaria de todos os bens da cidade. Durante moitos anos, só aos membros da Igrexa Morava se lles permitiu vivir no asentamento. Esta práctica terminara antes da guerra civil americana. Moitos dos edificios orixinais foron restaurados ou reconstruídos e agora forman parte de Old Salem Museos e Xardíns. Salem foi incorporada como cidade no 1854. Salem Square e "God's Acre", Cemiterio Moravo, dende 1772 son sitios mundialmente coñecidos polo servizo relixioso da saída do sol nas mañás da Pascua. Este servizo, promovido por todas as parroquias moravas da cidade, atrae a milleiros de fieis cada ano e gañaron o nome de "A Cidade da Pascua" de Winston-Salem.

Winston

No 1849, a congregación Salem vendeu as súas terras do norte ao formado Condado de Forsyth para ser a sede do condado. A nova cidade chamouse "a capital do condado" ou Salem ata 1852, cando foi nomeada Winston na honra dun heroe local da Guerra da Independencia, Joseph Winston. Durante as súas dúas primeiras décadas, Winston era a soñada cidade do condado. No 1872 iniciáronse as obras para conectar a cidade co ferrocarril de Carolina do Norte. Ese mesmo ano, Thomas Jethro Brown, do condado de Davie arrendou unha corte de cabalos antiga e estableceu o primeiro almacén de tabaco Winston. Tamén nese ano, Pleasant Henderson Hanes, tamén de Davie, construíu a súa primeira fábrica de tabaco a poucos metros do almacén de Brown. No 1875, Richard Joshua Reynolds, do condado de Patrick, Virxinia, construíu a súa primeira fábrica de tabaco a uns centos de metros da fábrica Hanes. Na década de 1880, había cerca de 40 fábricas de tabaco na cidade de Winston. Hanes e Reynolds competirían ferozmente os seguintes 25 anos para absorber algúns dos fabricantes máis pequenos, ata que Hanes lle vendeu a súa fábrica a Reynolds no 1900 para comezar unha segunda carreira na industria téxtil.

Winston-Salem

Na década de 1880, a Oficina de Correos dos EAU comezou a referirse ás cidades como Winston-Salem. No 1899, despois de case unha década de discordia, o Departamento de Correos dos Estados Unidos estableceu a oficina de correos da cidade en Winston, coa antiga oficina de Salem servindo coma auxiliar. Despois dun referendo, as cidades incorporáronse oficialmente como "Winston-Salem" no 1913.

A familia Reynolds, da Compañía Tabaqueira RJ Reynolds, xogou un papel moi importante na historia e na vida pública de Winston-Salem. Na década de 1940, o 60% dos obreiros de Winston-Salem traballaban para Reynolds ou nas fábricas téxtiles Hanes. No 1917, a empresa Reynolds comprou 84 acres (340 000 m²) de propiedade en Winston-Salem e construíu 180 casas que se venderon a un baixo custo para os seus traballadores, para formar unha urbanización chamada "Reynoldstown". Antes de morrer RJ Reynolds, no 1918, a empresa posuía 121 edificios en Winston-Salem.

No 1929, o edificio Reynolds completouse en Winston-Salem. Deseñado por William F. Lamb, da firma de arquitectos Shreve, Lamb y Harmon, mide uns 96m e consta de 21 pisos. Cando se completou a sede da compañía de RJ Reynolds, era o edificio máis alto dos Estados Unidos, no sur en Baltimore, Maryland, e foi nomeado o mellor edificio do ano polo Instituto Americano de Arquitectos. O edificio é moi coñecido por ser o precursor e prototipo para o moito máis grande Empire State, construído no 1931 na cidade de Nova York. Cada ano, o persoal do Empire State envía unha tarxeta no Día do Pai ao persoal do Edificio Reynolds en Winston-Salem para renderlle homenaxe ao seu papel como precursor.

Véxase tamén

Ligazóns externas

• Visita Winston-Salem "en inglés"