Esta páxina contén políticas e normas oficiais da Galipedia. Ten unha ampla aceptación entre os editores desta Wikipedia e considérase un estándar que todos os usuarios deben seguir. Agás para edicións pequenas, por favor, use a páxina de conversa para propoñer cambios nestas directrices.
Esta política aprobouse nesta votación que tivo lugar desde o 01-11-2008 ata o 30-11-2008.
Artigos de calidade na Galipedia
Esta estrela simboliza os artigos de calidade da Wikipedia. Esta páxina ten como función a escolla dos artigos de calidade pola comunidade da Galipedia. Un artigo de calidade é un artigo que cumpre os requirimentos expresados en Wikipedia:O que é un artigo de calidade, e ademais foi elixido en votación para figurar entre o Olimpo dos artigos da Galipedia.
Antes de presentar unha candidatura certifique que o artigo se adecúa ó perfil dun artigo de calidade. Cómpre sinalar a diferenza entre un artigo destacado e un de calidade: os destacados abranguen un espectro máis amplo de artigos nos que se encadran os que polo seu interese e pola súa boa realización foron votados pola comunidade para figurar na Portada, mentres que os artigos de calidade teñen que pasar un filtro máis esixente para figurar como un dos mellores traballos da Wikipedia.
Copie o nome do artigo tras o texto presente na caixa:
II.
Inserir a ligazón na páxina de escolla
Inclúa manualmente unha ligazón na sección Wikipedia:Artigos de calidade/Votacións:
Prema aquí e deseguido engada esta liña na parte superior da lista:
{{Wikipedia:Artigos de calidade/Propostas/Nome do artigo}} substituíndo Nome do artigo polo artigo proposto.
Para exercer o teu voto, sempre e cando cumpras os requisitos necesarios, podes empregar o modelo que exprese a túa opinión:
Concordo ({{Concordo}}). Se estás de acordo coa proposta.
Discordo ({{Discordo}}). Se non estás de acordo ou en oposición.
Neutro ({{Neutro}}). Se non está nin en acordo nin desacordo.
Ademais diso, tamén podes usar:
Comentario ({{Comentario}}). Para facer comentarios.
Información: ({{Info}}). Para achegar calquera tipo de información.
Pregunta: ({{Pregunta}}). Para formular unha pregunta.
Agardar ({{Agardar}}). Para tomar un tempo de reflexión e decidir se cambiar ou non o voto actual.
Por favor, trata de argumentar a túa postura engadindo algunhas palabras que fundamenten o acordo ou desacordo coa proposta, en particular cando te opoñas. Ten en conta que a votación non é necesariamente sempre unha mera suma de votos; e non esquezas asinar (co botón da caixa de edición ou engadindo ~~~~).A votación será aprobada cos 3/4 dos votos favorables, sempre que se emitisen cando menos 5 votos a favor. A duración da votación deberá ser de 30 días.
Antes de votar lea o artigo integramente e valore a súa calidade. Non se vota polo tema, senón pola calidade do artigo conforme cos criterios. Evite votar en base a simpatías ou antipatías. Explique os motivos en caso de concordar, e máis necesariamente en caso de votar en contra (para poder corrixir os artigos en breve prazo, se fose o caso, e así mudar o voto, riscando o anterior).
Pode votar:
Concordo ({{Concordo}}): a favor.
Discordo ({{Discordo}}): en contra.
Tamén se pode votar neutro Neutro ({{Neutro}}).
Pode comentar cos seguintes marcadores:
Agardar ({{Agardar}}): indicar que adía o seu voto en espera de que se melloren detalles, isto é co marcador.
Ademais, pódense empregar os modelos Comentario ({{Comentario}}), Información: ({{Info}}) e Pregunta: ({{Pregunta}}).
Votos válidos: para poder votar fai falla cumprir a política de votacións, ou sexa, hai que ter un mínimo de 150 contribucións válidas e levar rexistrado 60 días antes do inicio da votación.
Cancelar o voto: como xa se dixo antes, pódese alterar o voto durante o período da votación. Para mudar o voto débese riscar (utilizando <s>....</s>), e non borrar.
Votación interrompida: calquera votación pode interromperse, independentemente de cal estea a ser o resultado, se o artigo incumpre os criterios presentados en que é un artigo de calidade. Nese caso a votación arquívase.
Período de votación: o prazo de votación será de 30 días, que comezan a contar dende a data da candidatura.
Se o artigo non foi elixido como de calidade, retire da lista de abaixo a ligazón da páxina de votación do artigo e arquive esa votación xunto con todas as demais. Previamente, retire a caixa {{CADC}}.
