Vombatiformes

A dos vombatiformes (Vombatiformes) é unha suborde de mamíferos marsupiais da orde dos diprotodontes. Esta suborde comprende tan só dúas familias con especies viventes, a dos fascolárctidos, que inclúe tan só o coala, e a dos vombátidos, que comprende dous xéneros, Lasiorhinus, con dúas especies, e Vombatus, cunha única especie viva, o uombat.

Entre as familias extintas destaca a dos diprotodóntidos, que inclúe a Diprotodon optatum, o marsupial máis grande que xamais existiu, e que moitos cren que foi a inspiración do bunyip, monstro mariño da mitoloxía dos aborixes australianos.

A suborde dos vombatiformes, cos seus membros estreitamente relacionados e a súa forma corporal compacta, contrasta coas outras dúas subordes dos diprotodontes, a dos macropodiformes, que inclúe, entre outros, aos canguros), e a dos falanxeriformes, que abarca as sarigüeias, os falanxeros e os petauros.

Moitos biólogos cren que o coala e o uombat comparten un antepasado común, do que diverxeron moi recentemente, no cenozoico.

Taxonomía

Descrición

A suborde foi descrita en 1830 polo botánico e zoólogo británico Gilbert Thomas Burnett.

Etimoloxía

O termo Vombatiformes está formado pola raíz do nome do xénero tipo, Vombatus e o segundo elemento do latín científico -iformes, que significa 'en forma de'. Literalmente: 'os que teñan forma de uombat'.

Clasificación

Suborde Vombatiformes

• Familia †Maradidae
  • Xénero †Marada
• Familia Phascolarctidae: coala (única especie actual).
  • Xénero †Perikoala
  • Xénero †Madakoala
  • Xénero †Koobor
  • Xénero †Litokoala
  • Xénero †Nimiokoala
  • Xénero Phascolarctos
• Familia Vombatidae: uombats (tes especies viventes)
  • Xénero †Rhizophascolomus
  • Xénero Vombatus
  • Xénero †Phascolonus
  • Xénero †Warendja
  • Xénero †Ramasayia
  • Xénero Lasiorhinus
• Familia †Ilariidae
  • Xénero †Kuterintja
  • Xénero †Ilaria
• Familia †Thylacoleonidae.
  • Xénero †Thylacoleo
  • Xénero †Priscileo
  • Xénero †Wakaleo
• Superfamilia †Diprotodontoidea.
  • Familia †Palorchestidae.
    • Xénero †Palorchestes
    • Xénero †Propalorchestes
    • Xénero †Ngapakaldia
    • Xénero †Pitikantia
    • Xénero †Alkwertatherium
  • Familia †Diprotodontidae.
    • Xénero †Bematherium
    • Xénero †Pyramios
    • Xénero †Nototherium
    • Xénero †Meniscolophus
    • Xénero †Euryzygoma
    • Xénero †Diprotodon
    • Xénero †Euowenia
    • Xénero †Stenomerus
    • Familia †Zygomaturinae.
      • Xénero †Silvabestius
      • Xénero †Neohelos
      • Xénero †Raemeotherium
      • Xénero †Plaisiodon
      • Xénero †Zygomaturus
      • Xénero †Kolopsis
      • Xénero †Kolopsoides
      • Xénero †Hulitherium
      • Xénero †Maokopia

Véxase tamén

Bibliografía

• Grzimek, B., Schlager, N. & Olendorf, D (2003): Grzimek's Animal Life Encyclopedia. Detroit: Thomson Gale.
• McKenna, Malcolm C.; Bell, Susan K., eds. (1997). Classification of mammals – above the species level. Nova York: Columbia University Press. ISBN 978-0-2311-1012-9.
• Rowland, P. & Strahan, R., eds. (1995): The Mammals of Australia. Washington, D.C.: Smithsonian Institution Press.
• Vaughan, T. A. (1986): Mammalogy. Third Edition. Fort Worth, Texas: Saunders College Publishing.
• Vaughan, T. A.; J. M. Ryan & N. J. Czaplewski (2000): Mammalogy. Fourth Edition. Philadelphia, Pennsylvania: Saunders College Publishing.
• Wilson, D. E. & Reeder D. M. (editores) (2005): Mammal Species of the World. A Taxonomic and Geographic Reference, 2 vol. 3ª ed. Baltimore, Maryland, EE. UU.: Johns Hopkins University Press. ISBN 978-0-8018-8221-4.

Ligazóns externas

• Vombatiformes na ADW.