Vitrasa
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2016.) |
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
| Viguesa de Transportes S.L. | |
|---|---|
 Autobús de Vitrasa, da liña C2, circulando pola Praza de España | |
| Tipo | Empresa privada |
| Fundación | 1968 |
| Matriz | Avanza Grupo |
| Localización | Vigo |
| Industria | Transporte público urbano |
| Na rede | |
| http://www.vitrasa.es/php/index.php?pag=index | |
   | |
| [ editar datos en Wikidata ] | |
Viguesa de Transportes S. L. (Vitrasa), é unha empresa de transportes viguesa, responsable do transporte público urbano nesa cidade en réxime de concesión municipal desde 1968. Actualmente mudou o seu nome a Urbanos de Vigo S.L, aínda que o seu nome comercial continúa sendo VITRASA.
Ademais explota en réxime de concesión autonómica, unha liña, entre o Alto da Encarnación e Vigo, (liña C3) unindo o concello de Vigo co de Redondela.
En 2007 contaba cunha frota de 118 autocares, cubrindo un total de 35 liñas. Debido ás cláusulas da concesión para a explotación do servizo, Vitrasa non pode aumentar o tamaño da súa frota dedicada ó transporte urbano de pasaxeiros.
No ano 2006 transportou 22,5 millóns de pasaxeiros, o que supuxo un aumento dun 4% respecto ó ano anterior, supoñendo o cuarto ano consecutivo que rexistraba un aumento de viaxeiros.
Nese ano a media de viaxeiros de Vitrasa situábase nuns 80.000 usuarios diarios, sendo a liña Circular Centro a máis utilizada, cunha media de 5.500 usuarios. Nese mesmo período os autocares de toda a rede percorreron entre 23.000 e 24.000 quilómetros, realizando aproximadamente uns 7 millóns de viaxes.
Vitrasa foi creada como sociedade anónima, en maio de 1968, logo de resultar adxudicataria da concesión municipal do transporte público urbano.
Ese mesmo ano, en xullo, presentou os seus primeiros autocares ó público, nun acto celebrado na explanada fronte ó Real Club Náutico de Vigo. Eran trinta autocares e dous microbuses, de cor azul, que daban servizo en 16 liñas.
En decembro de 1994, finalizada a concesión municipal, convocouse un novo concurso, resultando novamente adxudicataria Vitrasa, por un período de 25 anos.
Unha das condicións desta nova concesión foi o cambio da cor dos autocares, da vermella que tiña desde 1986, á verde e branca que levan desde entón.
En 2001 empezou unha remodelación da rede, buscando potenciar as liñas circulares e a implantación dun "billete de transbordo" entre diferentes liñas para completar a viaxe.
En marzo de 2002, xunto coas sociedades Tuzsa (que explota o servizo de transporte urbano de Zaragoza) e Auto Res (sociedade de transporte de viaxeiros por estrada), creou o consorcio Avanza Grupo, co obxectivo de competir no sector de transportes a nivel estatal, converténdose no segundo operador de transportes por estrada no momento da súa creación, tralo grupo Alsa.
Listaxe de liñas
[editar | editar a fonte]
- C1 [1] – Circular Centro (Praza de América – Praza de América).
- C2 [2] – Circular 2 (Rosalía de Castro – Rosalía de Castro, pola Praza de España).
- C3 [3] [4] – Encarnación – Coia/Bouzas por Praza España ou Praza de Eugenio Fadrique [Praza da Industria] (en época de verán, circula ata Samil).
- L4A [5] – Coia – Aragón.
- L4C [6] – Coia – Estación de Autobuses.
- L5A [7] – Travesía de Vigo – Teixugueiras por Urzaiz.
- L5B [8] – Travesía de Vigo – Teixugueiras por García Barbón.
- L6 [9] – Praza de España - Beade (laborables circula ata o Hospital Álvaro Cunqueiro). No itinerario de volta, os pasaxeiros poden continuar na ruta como liña 29.
- L7 [10] – Zamáns – Praza de España – Centro – Zamáns. Ten variantes ata a Sobreira ou o Alto de San Cosme.
- L8 [11] Arquivado 30 de xaneiro de 2016 en Wayback Machine. – Universidade – Estación FF.CC
- L9A [12] Arquivado 30 de xaneiro de 2016 en Wayback Machine. – Praza de Eugenio Fadrique – Aeroporto de Peinador.
- L9B [13] – Colón - Rabadeira.
- L10 [14] – Cemiterio de Teis – Canido - Saiáns
- L11 [15] – San Miguel – Cabral Igrexa.
- L12A [16] – Hospital do Meixoeiro – Muíños - Saiáns.
- L12B [17] – Hospital do Meixoeiro – Hospital Álvaro Cunqueiro (en certos horarios en dirección ao Hospital Álvaro Cunqueiro, realiza o percorrido por Avenida de Castrelos)
- L13 [18] – Hospital do Meixoeiro – Teixugueiras (por Coruña e Gran Vía) só días lectivos.
- L14 [19] – Chans – Gran Vía.
- L15A [20] – Cabral – Samil (por Praza de España).
- L15B [21] – Xestoso – Samil (por Beiramar).
- L15C [22] – Universidade – Samil (por Praza Eugenio Fadrique).
- L16 [23] – Coia - Balaídos - Zamora - Estación FF.CC. (Guixar).
- L17 [24] – Matamá (Balsa) – A Guía/Rios.
- L18 [25] – Areal – Sárdoma (pola Salgueira/Pola Falcoa)/Pouleira (pola Salgueira/Miraflores)/Matamá (Pola Falcoa). (laborables circula ata o Hospital Álvaro Cunqueiro en certas viaxes)
- L23 [26] – Martín Echegaray- Estación Autobuses.
- L24 [27] Poulo - Estación FF.CC. (Guixar).
- L25 [28] – Praza de España – Sabaxáns - Caeiro (ao rematar percorrido na Praza de España no itinerario de volta, os pasaxeiros poden continuar na ruta como liña 29)
- L27 [29] - Beade (C. Cultural) - Venezuela - Rabadeira (en horarios sinalados [8:08, 9:06, 13:06, 16:06 e 20:06], comeza a ruta en Estrada do Porto, 3 realizando a ampliación por Presas en dirección a Rabadeira)
- L28 [30] – Santo Estevo de Negros – Berbés - Bouzas.
- L29 [31] – Fragoselo / Casás – Praza de España. (ao rematar o percorrido na Praza de España, os pasaxeiros poden continuar o percorrido como liña 6 ou 25 [a liña coa que muda varía segundo horario sinalado]).
- L31 [32] – San Lourenzo – Hospital do Meixoeiro.
- N1 [33] – Nocturno 1 (Bos Aires - Samil por Pi i Margall).
- N2 – Nocturno 2 (Bos Aires - Samil por Camelias).
- SR [34]– Servizo Roteas: Praza de América - Camposancos - Roteas.
- U1 [35] – Praza de España – Praza de América – Universidade (ano lectivo).
- U2 [36] – Praza de América – Praza de España – Universidade (ano lectivo).
- H [37] - Navia - Bouzas - Hospital Álvaro Cunqueiro (só unha viaxe nos laborables)
- H1 [38] - Hospital Álvaro Cunqueiro - Policarpo Sanz.
- H2 [39] - Hospital Álvaro Cunqueiro - Gregorio Espino, 79 (Est. de autobuses en superficie).
- Autobús turístico (funciona en datas determinadas e en época estival).
Tarifas 2019
[editar | editar a fonte]- Tarifa ordinaria: 1,35 €
- Tarxeta de transporte:
- Normal: 0,89 €
- Estudante: 0,86 €
- Universitario: 0,67 €
- Pensionista I: de balde
- Pensionista II: de balde
- Social: 0,69 €
- PMR en cadeira de rodas e acompañante: de balde
Todos os prezos inclúen o IVE e o SOV (Seguro Obrigatorio do Viaxeiro).
O transbordo permite combinar dúas liñas de transporte, permitindo ao usuario unir dous puntos da cidade que non teñan comunicación directa. É un servizo de balde.
Só pode realizarse mediante o uso da tarxeta de transporte (PASSVigo).
Unha vez validada a primeira viaxe, disponse de 45 minutos para realizar, como máximo, 2 transbordos a outras liñas.
O transbordo só é válido cando o cambio é a unha liña de distinta numeración ca a de orixe. No caso de realizar 2 transbordos, as 3 liñas deben ser diferentes.
A tarxeta de transporte tamén se poderá utilizar como medio de pago do estacionamento limitado de Vigo (O.R.A), para o acceso a instalacións deportivas municipais, museos, empréstito de libros en bibliotecas, adquisición de entradas para concertos, e como medio de identificación para acceder aos servizos da Carpeta Cidadá como o rexistro electrónico, trámites online, notificacións electrónicas, consulta de solicitudes, padrón de habitantes, recibos, multas, ...
Véxase tamén
[editar | editar a fonte] |
Wikimedia Commons ten máis contidos multimedia na categoría: Vitrasa  |
Ligazóns externas
[editar | editar a fonte]- www.avanzagrupo.com Arquivado 13 de decembro de 2017 en Wayback Machine.