Vicente Mejuto Leis
| Biografía | |
|---|---|
| Nacemento | 24 de xaneiro de 1913  Cee, España |
| Morte | 6 de xuño de 1938 (25 anos) Berriozar, España |
| Causa da morte | homicidio, ferida por arma de fogo |
| Actividade | |
| Ocupación | chofer, político |
| Familia | |
| Irmáns | Teófilo Mejuto Leis |
 | |
Vicente Mejuto Leis, nado en Cee o 24 de xaneiro de 1913 e finado en Berriozar o 6 de xuño de 1938, foi un chofer e político galego.
Traxectoria
[editar | editar a fonte]Chofer en Cee. En xaneiro de 1931 foi detido xunto co seu irmán Teófilo acusados de agredir a Francisco Casais Costa, empregado da Empresa de Automóviles Guillen.[1] Volveu ser detido en Corcubión en agosto de 1933 acusado de cambiar as cubertas dunha camioneta de Manuel Cambeiro.[2]
Logo do golpe de Estado do 18 de xullo de 1936 foi detido por arrincar un bando escrito, xunto co seu irmán Teófilo e outros sindicalistas da Costa da Morte. Foi procesado e xulgado por rebelión militar na Coruña e condenado a 12 anos e un día de prisión. O 17 de xuño de 1937 foi trasladado desde a Prisión Provincial da Coruña ao penal do Forte de San Cristovo, no monte Ezkaba, onde permaneceu encerrado ata o día 22 de maio de 1938, cando participou na fuga do penal.[3] Foi un dos catros presos fuxidos asasinados no monte Ezkaba, nunha zona próxima a Berriozar coñecida como a Esparceta. A fosa da Esparceta foi exhumada pola Sociedad de Ciencias Aranzadi a iniciativa do concello de Berriozar o 18 de abril de 2015. En xuño de 2021 foron identificados os seus restos.[4][5]
Notas
[editar | editar a fonte]- ↑ La Voz de Galicia, 8-1-1931, p. 7.
- ↑ La Voz de Galicia, 31-8-1933, p. 5.
- ↑ "Mejuto Leis, Vicente". Los presos del penal de Ezcaba.
- ↑ "Identificados los restos de un preso gallego que participó en la Fuga de San Cristóbal". Navarra (en castelán). 15 de xuño de 2021.
- ↑ Luis Lamela (19 de xuño de 2021). "Vicente Mejuto Leis: la vuelta de un represaliado a casa". La Voz de Galicia (en castelán).
