Tonino Delli Colli

Tonino Delli Colli

Biografía
Nacemento	(it) Antonio Delli Colli 20 de novembro de 1923 Roma, Italia
Morte	16 de agosto de 2005 (81 anos) Roma, Italia
Causa da morte	infarto agudo de miocardio
Actividade
Ocupación	director de fotografía, cámara
Período de actividade	1943 -
Premios
David di Donatello

Tonino Delli Colli, nado en Roma o 20 de novembro de 1923 e finado na mesma cidade o 16 de agosto de 2005, foi un director de fotografía italiano.

Traxectoria

Delli Colli naceu en Roma o 20 de novembro de 1923, e comenzou a súa carreira cinematográfica en 1938 no estudo Cinecittà, aos 16 anos de idade. Os seus primeiros traballos consistiron en ser asistente de camarógrafo. A mediados dos anos 1940 xa traballaba como director de fotografía, e en 1952 colaborou na primeira película italiana en cor, Totò a colori. Ao longo da súa carreira traballou con diversos e recoñecidos directores de cine, incluíndo Sergio Leone (O bo, o feo e o malo, Ata que chegou a súa hora e Once Upon a Time in America (en italiano C'era una volta in America, en galego Érase unha vez en América), Roman Polanski (A morte e a doncela e Bitter Moon), Louis Malle (Lacombe Lucien), Jean-Jacques Annaud (O nome da rosa), Federico Fellini (Ginger e Fred, Intervista e La voce della luna) e Luis García Berlanga (El verdugo).

Traballou ademais co director Pier Paolo Pasolini, participando en doce das súas películas, como Accattone (1961), Mamma Roma (1962), O evanxeo segundo San Mateo (1964), Il Decamerón (1971), Os contos de Canterbury (1972) e Salò o le 120 giornate di Sodoma (1976).

O seu último filme foi La vita è bella (1997) de Roberto Benigni, pola que obtivo o seu cuarto premio David de Donatello na categoría de mellor fotografía. En 2005 foi recoñecido pola American Society of Cinematographers cun premio á traxectoria. Tonino Delli Colli faleceu en agosto dese mesmo ano debido a un ataque cardíaco.