Os Herculoides

The Herculoids
Formato	Animación
Creado por	Alex Toth
Desenvolvido por	Hanna-Barbera
Intérpretes	Animación
País de orixe	Estados Unidos
Episodios	36, en dúas tempadas de 18 episodios cada unha
Produción
Produtor(es); executivo(s)	William Hanna ; Joseph Barbera
Duración	11 min
Emisión orixinal
Canle de orixe	CBS
Primeiro episodio	9 de setembro de 1967
Derradeiro episodio	6 de xaneiro de 1968
Na rede
	http://spa.cartoonnetworkla.com/home.do?content=los-herculoides
	[ editar datos en Wikidata ]

Os Herculoides é unha serie de debuxos animados de ciencia ficción creada polo estudio Hanna-Barbera para a CBS que se comezou a emitir en 1967. En Galicia a TVG emitiuna en 1986.

Sinopse

A historia ten lugar nun planeta distante chamado Amzot. O nome do planeta, Amzot, menciónase por vez primeira nun dos episodios do Fantasma do Espazo, sendo ademais a primeira aparición dos personaxes na televisión; na propia serie, o nome menciónase por primeira vez no episodio 19: "As criaturas do tempo". Os Herculoides loitan xuntos para protexer o planeta Amzot dos invasores.

Personaxes

Humanoides

Zandor, protector do planeta Amzot;
Tara, muller de Zandor;
Dorno, fillo de Zandor e Tara.

Monstros

As cinco criaturas nativas do planeta que aparecen nos Herculoides son:

Zok, o dragón alado, capaz de emitir raios cos ollos e coa cola. O único dos Herculoides capaz de voar polo espazo e respirar lume;
Igoo, un extremadamente forte e xigantesco gorila de pedra. A súa pel é moi dura. A pesar da súa aparencia e personalidade hostil, ten un cariño especial e moito afecto por Tara;
Tundro, unha mestura de rinoceronte con triceratops de dez patas. Tira pedras de enerxía explosivas co seu corno. A súa coiraza é tan resistente que o fai invulnerable. As súas pernas teñen a capacidade de se estarricar coma zancos;
Gloop e Gleep, dúas criaturas de materia elástica capaces de asumir tódalas formas que queiran. Tamén son capaces de se subdividir en unidades menores, todas con ollos e autonomía propia, e de se volver unir; Gloop é o maior dos dous. Os seus corpos extremadamente elásticos e flexibles son capaces de desviar e mesmo reflectir raios e absorber enerxía.

Continuación

A serie tivo continuación dentro do espazo Space Stars, creado por Hanna-Barbera para a NBC no ano 1981, en 11 episodios de 6 minutos de duración cada un.

Véxase tamén

Ligazóns externas

Los Herculoides (serie de TV), ficha en Filmaffinity.
The Herculoids (1967-1969), ficha en IMDb.