Ten

Ten
Álbum de Pearl Jam
Publicado	27 de agosto de 1991
Gravación	marzo - abril de 1991
Estudio(s)	London Bridge Studios
Duración	53:24
Xénero(s)	grunge
Selo(s)	Epic Records
Produtor	Pearl Jam e Rick Parashar
Cronoloxía
- Ten Vs.
Na rede
https://pearljam.com/music/album/ten
[ editar datos en Wikidata ]

Ten é o primeiro álbum da banda estadounidense de grunge Pearl Jam. Foi editado o 27 de agosto de 1991 a través do selo Epic Records. É un dos discos de rock máis vendidos, e en decembro de 2012 Ten levaba unhas vendas de 9.983.000 copias só nos Estados Unidos.

O nome do disco é unha homenaxe ao antigo nome da banda, Mookie Blaylock (baloncestista estadounidense o cal usaba o número dez na súa camisola). Foi producido por Rick Parashar, que tamén colaborou gravando piano, órgano e percusión.

No mes de febreiro do 2011 foi elixido polos lectores da revista Rolling Stone o terceiro mellor álbum dos anos 90

Reedición do 2009

O álbum foi reeditado o 24 de marzo do 2009, sendo lanzado en varios formatos: a Legacy Edition formada por un disco coa mestura orixinal remasterizada e un segundo disco remasterizado e coas cancións orixinais remesturadas por Brendan O'Brien ademais de seis cancións extra; a deluxe edition que ademais dos dous discos contiña un DVD dun concerto acústico da banda na MTV realizado no ano 1992; a vinil collection con dous vinilos, o orixinal e o mesturado por Brendan O'Brien, ambos remasterizados; e super deluxe edition formada polos CDs e o DVD da edición deluxe, os dous vinilos da vinil collection, dous LPs máis cun directo no Magnuson Park de Seattle o 20 de setembro de 1992, e un casete réplica da demo da banda Momma-Son cos temas "Alive", "Once" e "Footsteps".

Listaxe de cancións

Todas as letras escritas por Eddie Vedder.

1. "Once" – 3:51
2. "Even Flow" – 4:53
3. "Alive" – 5:40
4. "Why Go" – 3:10
5. "Black" – 5:43
6. "Jeremy" – 5:18
7. "Oceans" – 2:41
8. "Porch" – 3:30
9. "Garden" – 4:58
10. "Deep" – 4:18
11. "Release" – 9:04